iMatai ni Raivotu

Na nona rairai na Kalou na Tamada kei na Luvena ko Jisu Karisito ki vua na Parofita ko Josefa Simici ena dua na veikau.

Ena vulaitubutubu ni 1820, a sa yabaki tinikalima voli kina ko Josefa Simici Lailai. A vakaitikotiko voli vata kei iratou na nona matavuvale ena tauni ko Palamaira e Niu Ioka. Ena dua na vanua voleka toka ga ki na nodratou vale vaka ki na ra e koto kina eso na veivunikau lelevu. A lako ki na vanua oqo ko Josefa me masuta na Kalou me kila se lotu cava e dina. A vakauqeti ena nona wilika tiko na iVolatabu me vakasaqara na kena isau mai vua na Kalou (Jeme. 1:5–6). Me isau ni nona masu, erau a rairai kina vua na Tamana kei na Luvena ka kaya vua me kakua ni lewena e dua vei ira na lotu sa tu e vuravura ena gauna ko ya, ni ra cala kece tu (JS—AT 1:15–20). Na veika tabu ka yaco oqo, sa itekivu ni veika a yaco ka qai basika kina na Vakalesui mai ni kosipeli kei na Lotu dina i Karisito.