Valetabu, Vale ni Turaga

Kena itukutukuni na vale ni Turaga. Sa dau vakaroti ira na Nona tamata na Turaga me ra tara na valetabu, na veivale tabu ka ra dau qarava kina na Yalododonu bula kilikili na veisoqoni tabu kei na cakacaka vakalotu ni kosipeli ena vukudra ka vakakina ena vukudra na mate. Sa dau sikova na Turaga na Nona valetabu, ka ra sa vanua savasava sara mai na veivanua kecega ni sokalou.

Na vale vakacevaceva a tara ko Mosese kei ira na luvei Isireli e valetabu rawa ni veikauyaki. Era a vakayagataka na Isireli ena nodra lako tani mai Ijipita.

Na valetabu kilai-levu duadua ena Veiyalayalati Makawa sai koya na kena a tara ko Solomoni mai Jerusalemi (2 Vei. 2–5). A vakarusai ena 587 B.K. mai vei ira na kai Papiloni ka qai tara tale ko Serupapeli ena rauta ni 70 na yabaki mai na gauna ko ya (Ese. 1–6). A vakamai ena 37 B.K. e dua na tiki ni valetabu ko ya, a qai tara tale e muri ko Eroti na Qaqa. Era qai vakarusa na valetabu ena ika 70 ni yabaki ni noda Turaga na kai Roma.

Ena iVola i Momani, ko ira na dau muria na Kalou buladodonu era a vakauqeti me ra tara ka sokalou ena veivaletabu (2 Nif. 5:16; Mosa. 1:18; 3 Nif. 11:1). Na kena tara ka vakayagataki ena kena ivakarau dodonu na valetabu sa ivakatakilakila ni Lotu dina ena veitabagauna kecega, ka okati kina na Lotu vakalesui mai ena noda gauna oqo. Na Valetabu mai Katiladi e imatai ni valetabu me tara ka vakatabui vua na Turaga ena itabagauna oqo. Me tekivu mai na gauna ko ya era sa vakatabui kina na veivaletabu ena vuqa na veivanua e vuravura raraba.