Urimi kei na Cumimi

Na iyaya e vakarautaka na Kalou me vukei ira na tamata me ra rawata na ivakatakila kei na nodra vakadewataka na veivosa eso. Ena vosa vaka-Iperiu na vosa e rua oqo e kena ibalebale na “rarama kei na vinaka e taucoko.” Na Urimi kei na Cumimi e oka kina e rua na vatu ka rau qasoti ena vucu siliva ka vaka na vula tokavou ka so na gauna e dau vakayagataki vata kei na peleti ni sere (V&V 17:1; JS—AT 1:35, 42, 52). Na vuravura oqo ena vaka e dua na Urimi kei na Cumimi levu ena kena itutu vakatabui ka tawamate rawa (V&V 130:6–9).

Sa ciqoma ko Josefa na ivakatakila ena Urimi kei na Cumimi, iKau ni V&V ki na iWase 6; 11; 14–16.
Ka a tu vei iko na kaukauwa mo vakadewataka kina ena veivuke ni Urimi kei na Cumimi, V&V 10:1.
Eratou a sa raica mai na Lewe Tolu na iVakadinadina na Urimi kei na Cumimi, ka a soli vei tuakai Jereti mai na ulunivanua, V&V 17:1.
Raica na vanua e tiko kina na Kalou sa dua na Urimi kei na Cumimi levu. Ena yaco me Urimi kei na Cumimi na vatu vulavula vei ira kecega era taura e dua, V&V 130:6–11.