Tevoro

O Setani. Na tevoro e meca ni ivalavala dodonu kecega ka vakakina o ira era segata me ra cakava na loma ni Kalou. O koya e dua dina na luvena vakayalo na Kalou ka a dua vei ira na agilosi e soli tu vua na kaukauwa ena iserau ni Kalou (Ais. 14:12; 2 Nif. 2:17). Ia a veisaqasaqa ena bula taumada ka vakauqeti ira e dua na ikatolu ni luvena vakayalo na Tamada me ra vakaduiduile vata kei koya (V&V 29:36; Mosese 4:1–4; Epa. 3:27–28). Era a qai vakasevi tani mai lomalagi, ka cakitaki vei ira na galala me ra mai vakayago ka bula ena bula oqo, ka ra na cudruvi tu me tawamudu. Me tekivu mai na gauna sa vakasevi tani kina mai lomalagi na tevoro, sa dau segata tiko ena veigauna me temaki ira na tagane kei na yalewa kece sara ka vakayarayarataki ira tani mai na cakacaka ni Kalou me rawa kina ni ra vakataki koya (iVakata. 12:9; 2 Nif. 2:27; 9:8–9).

Era na kau sobu ki na veivesuki ni tevoro ko ira na dau caka ca, 1 Nif. 14:7.
Na tevoro, o koya na tama ni ka lasu kece ga, 2 Nif. 2:18 (Mosese 4:4).
Na tevoro sa segata me ra rarawa na tamata kece ga me vakataki koya, 2 Nif. 2:27.
Kevaka sa sega ni tucake tale na yago sa na dodonu me lewa na yaloda na tevoro, 2 Nif. 9:8–9.
Ena cakacaka vakaukauwa, veivakadeitaki ena ka ca, ka veicavilaki na tevoro, 2 Nif. 28:20–23.
Ia na ka kece ga sa ca sa mai vua na tevoro, Oma. 1:25 (Alama 5:40; Moro. 7:12, 17).
Mo ni qarauna de na tubu na veiqati ena kemuni maliwa, ka ko ni digitaka mo ni talairawarawa ki na yalo ca, Mosa. 2:32.
Kevaka dou sa sega ni nona sipi na ivakatawa vinaka, sa nomuni ivakatawa na tevoro, Alama 5:38–39.
Ena sega ni tokoni ira na luvena na tevoro, Alama 30:60.
Mo ni dau masu tiko ga, me kakua ni rawai kemuni na veitemaki ni tevoro, Alama 34:39 (3 Nif. 18:15, 18).
Tara cake na nomu yavu vua na Dauveivueti me kakua ni rawai iko na nona cava na tevoro, Ila. 5:12.
Sa vakatekivuna na tevoro na ivalavala ca kecega, Ila. 6:26–31.

Sa segata na tevoro me biuta e dua na ilawaki qaseqase, V&V 10:12.
Ka sa kilikili kina me temaki ira na luve ni tamata na tevoro, me ra lewa kina vakataki ira na ka me ra kitaka, V&V 29:39.
Ka sa lewai Atama na tevoro, ni sa rawai ena nona veitemaki, V&V 29:40.
Era na veiliutaki ka vakatulewa vata kei na tevoro kei ira na nona agilosi ena gauna tawamudu, ko ira na luve ni veivakarusai, V&V 76:32–33, 44.
Ena vesu tu na tevoro me dua na udolu na yabaki, V&V 88:110 (iVakata. 20:2).
Sa lako mai na ca ka kovea tani na rarama kei na dina, V&V 93:39.

Na lotu ni tevoro

Na veisoqosoqo ca kei na isoqosoqo vakavuravura kecega e vuravura ka veisautaka na kosipeli savasava ka taucoko, ka veivala vata kei na Lami ni Kalou.