Samaria, Kai Samaria

Ko ira na tamata ena gauna vakaivolatabu era a vakaitikotiko mai Samaria ni oti na kena rawai na matanitu ena vualiku mai Isireli vei ira na kai Asiria. O ira na kai Samaria era tikitiki Isireli ka tikitiki Matanitu Tani. Na nodra lotu e veiwaki na lotu vaka-Jiu kei na lotu kei na ivalavala vakatani eso. Na italanoa vakaibalebale ni kai Samaria dauloloma ena Luke 10:25–37 e tukuni kina na nodra dau cati ira na kai Samaria ko ira na Jiu baleta ni ra a vuki tani na kai Samaria mai na nodra lotu na Isireli. A dusimaki ira na iApositolo na Turaga me ra vakavuvulitaka na kosipeli vei ira na kai Samaria (Cakacaka 1:6–8). A vunautaka ena qaqa ko Filipe na kosipeli i Karisito vei ira mai Samaria ka cakava e vuqa na cakamana ena kedra maliwa (Cakacaka 8:5–39).