iTukutuku ni Kawa

E dua na itukutuku ka vakaraitaka na ituvatuva vakaveitaravi ni dua na matavuvale. Ena veigauna eso ka dau soli ga kina ki na dua na matavuvale na itutu vakamatabete se na veivakalougatataki eso, sa ka bibi sara na itukutuku ni kawa ena ivolanikalou (iVakate. 5; 10; 25; 46; 1 Vei. 1–9; Ese. 2:61–62; Nie. 7:63–64; Maci. 1:1–17; Luke 3:23–38; 1 Nif. 3:1–4; 5:14–19; Jeromi 1:1–2). Ena Lotu vakalesui mai ena gauna oqo, era sa dau tomana na lewe ni Lotu na nodra vakasaqara ka tuva na nodra kawa, ka kena inaki me rawa ni ra kilai ira kina na tubudra era sa takali yani me rawa kina vei ira me ra cakava na veicakacaka tabu vakalotu ni veivakabulai ena vukudra. Na veicakacaka tabu vakalotu oqori ena yaga ga vei ira era sa ciqoma na kosipeli i Jisu Karisito ena vuravura ni yalo (V&V 127–128).