E dua na veisau ni vakasama kei na yalo ka basika kina e dua na ivakarau vou ni rai vua na Kalou, vei keda vakataki keda, kei na bula vakararaba. Na veivutuni sai koya na nona vakanadakuya e dua na veika ca ka vagolea na yalona kei na lomana vua na Kalou, ka talairawarawa ki na ivakaro kei na gagadre ni Kalou ka biuta laivi sara na ivalavala ca. Na veivutuni dina e yaco mai ena noda lomana na Kalou kei na noda gadreva mai vu ni yaloda me da talairawarawa ki na Nona ivakaro. Na tamata kece sara era sa rawa ni vakatulewa vakataki ira, era sa ivalavala ca ka dodonu me ra veivutuni me rawa kina ni ra torova yani na veivakabulai. Ena Veisorovaki duadua ga i Jisu Karisito sa rawa kina ni mana ka ciqoma na Kalou na noda veivutuni.