Juta

Sa yaco me liu na mataqali i Juta ni oti na kena tawani ko Kenani. Erau a veisaqa vakaukauwa duadua kei na mataqali i Ifireimi. A vakalougatataka ko Mosese na mataqali i Juta (iVaka. 33:7). Ni oti na gauna ni lewa nei Solomoni, sa yaco na mataqali i Juta me matanitu ko Juta.

Ena gauna ni lewa nei Riopoami sa vidai rua na vanua nei Solomoni me rua na matanitu duidui, e baleta vakatabakidua na nodra veivuvutaki na mataqali i Ifireimi kei Juta. Na matanitu ena ceva, se na matanitu ko Juta, e okati kina na mataqali ko Juta kei na iwase levu cake kei Penijamini. A kena koroturaga ko Jerusalemi. Na kena isoqoni ni ra a yalodina tikoga vakalevu cake ena qaravi Jiova mai na matanitu ena vualiku. A sega soti ni tadravi vakalevu cake ko Juta ena kaba vakaivalu mai na vualiku kei na tokalau, ia na kaukauwa a koto ga ena ligadra na matavuvale nei Tevita me yacova na gauna ni tiko vakavesu e Papiloni. A rawata na matanitu ko Juta me cici tiko me 135 na yabaki ni oti na kena qera na matanitu kaukauwa ka levu cake na lewena ko Isireli.

Oqori na iVolatabu me vaka ni ivolatukutuku ni yavusa i Juta (Isi. 37:15–19). Ena iotioti ni gauna, ni ra sa vakasoqoni vata na veitaba ni yavusa i Isireli, ena vakasoqoni vata talega na kedra ivolatukutuku tabu. Na itukutuku vakaivolanikalou oqo era veitokoni ka ra tura e dua na ivakadinadina duavata ni Karisito ko Jisu, na Kalou ni Isireli ka Kalou ni vuravura taucoko (VJS, iVakate. 50:24–36 [Ai Kuri]; 2 Nif. 3; 29).