Vakasucumi

Me sucu mai. Me vakasucu gone sai koya me vakasucu, me vakatubu kawa, se me vakatāka mai e dua na bula vou. Ena ivolanikalou, na veivosa oqo e dau vakayagataki vakawasoma me kena ibalebale na sucu va-Kalou. E dina ni o Jisu Karisito na luvena vakayago duadua ga na Kalou, na tamata kece e rawa ni sucu vakayalo mai vei Karisito ena noda ciqomi Koya, talairawarawa ki na Nona ivakaro, ka yaco me tamata vou ena kaukauwa ni Yalo Tabu.