Asiria

E dua na matanitu makawa, ka rau a vakatulewataka vata tu kei na kena meca ko Papiloni e vuqa na veiyasana makawa e Siria kei Palesitaina ena loma ni iwase levu ni gauna ena Veiyalayalati Makawa. E dina ni a vanua kaukauwa sara ko Asiria mai na loma ni ika 12 ni senijiuri B.K. me yacova ni sa cava na ika 7 ni senijiuri B.K., era a sega vakadua ni ra rawata me ra tara cake e dua na ituvaki tudei vakapolitiki. Era a veiliutaki ena sala rerevaki eso, ena nodra vakamatei ira na nodra meca ena bukawaqa kei na iseleiwau se ra vakamalumalumutaki ira ena nodra vakauti ira tani na iwase levu cake ni nodra lewenivanua ki na veiyasana tale eso ena matanitu. Era dau veivala wasoma kei na matanitu o ira na tamata ka ra a liutaki tiko ena lawa vaka-Asiria. (Raica 2 Tui 18–19; 2 Vei. 32; Ais. 7:17–20; 10; 19; 37.)