iKarua ni Lako Mai nei Jisu Karisito

Ena ivakatekivu ni iTabagauna ni Milenieli, ena lesu mai ki vuravura na Karisito. Na gauna oqori ena vakatakilakilataka na icavacava ni bula vakatovolei ni vuravura oqo. Era na kau tani mai vuravura na dau caka ca ka ra na tu ena dua na o na buladodonu ena gauna ena vakasavasavataki kina na vuravura. E sega ni dua na tamata e kila na gauna sara ga ena lako mai kina ena ikarua ni gauna na Karisito, sa solia tu vei keda ko Koya na ivakatakilakila me da dau vakaraica tiko ka na vakatakila ni sa voleka mai na kena gauna (Maci. 24; JS—M 1).

Niu sa kila ni na tu talega e vuravura ena siga mai muri na noqu iVakabula, Jope 19:25.
Ena tekiduru vei au na duru ni tamata vakaadua ga, ena vakatusai au na yame ni tamata kecega, Ais. 45:23 (V&V 88:104).
Sa lako mai na Luve ni Tamata ena o ni lomalagi, Tani. 7:13 (Maci. 26:64; Luke 21:25–28).
Ka ra na vakaraici au era sa coka, Saka. 12:10.
Ena qai kainaki ki vua, a we ni cava li oqori e ligamu, Saka. 13:6 (V&V 45:51).
Ko cei ena yalodei ena siga ni nona lako mai? Ni sa vaka na nona bukawaqa na dausava koula ko koya, Mala. 3:2 (3 Nif. 24:2; V&V 128:24).

Ni na lako mai na Luve ni Tamata ena iukuuku nei Tamana, Maci. 16:27 (Maci. 25:31).
Ia na siga ko ya kei na tikinisiga ko ya sa sega e dua e kila, ko koya duadua ga na Tamaqu, Maci. 24:36 (V&V 49:7; JS—M 1:38–48).
Ko Jisu oqo ko koya sa kau tani cake vei kemudou ki lomalagi, ena lako tale mai vakakina me vaka dou sa raici koya ni sa lako ki lomalagi, Cakacaka 1:11.
Ni na lako sobu mai lomalagi ko koya na Turaga, 1 Cesa. 4:16.
Ia na siga ni Turaga ena lako mai me vaka na daubutako ena bogi, 2 Pita 3:10.
Raica sa lako vata mai na Turaga, kei na nona yalosavasava era udolu vakatini, Juta 1:14.
Raica sa lako mai ko koya ena o; ka na raici koya na matada kecega, iVakata. 1:7.

Dou vakarau, dou vakarau ni sa voleka mai na Turaga, V&V 1:12.
Au na vakatakilai au mai lomalagi ena kaukauwa, ka mai tiko e vuravura me dua na udolu na yabaki, V&V 29:9–12.
Dou tabalaka na domomudou ka vunautaka na veivutuni, ka vakarautaka na sala ni Turaga me baleta na ikarua ni nona lako mai, V&V 34:5–12.
Koi au ko Jisu Karisito, kau na lako vakasauri mai ki na noqu valetabu, V&V 36:8 (V&V 133:2).
Sa voleka mai na siga dou na raici au kina, ka kila ni sai au, V&V 38:8.
Ko koya sa rerevaki au ena vakaraica tiko na ivakatakilakila ni nona lako mai na Luve ni Tamata, V&V 45:39.
Ena cereki na ilati sa latia na mata ni Turaga, V&V 88:95.
Sa voleka na nona siga na Turaga e levu ka rerevaki, V&V 110:16.
Ni sa rairai mai na iVakabula eda na raica na ivatukana dina, V&V 130:1.
Ena tu na iVakabula ena kedra maliwa na nona tamata ka veiliutaki, V&V 133:25.
Ko cei oqo sa lako sobu mai vua na Kalou mai lomalagi sa boro tu na nona isulu, V&V 133:46 (Ais. 63:1).