Tiko Voli mai na Lekutu, Na

Na ikava ni ivola ena Veiyalayalati Makawa. A vola ko Mosese na Tiko Voli mai na Lekutu. Na Tiko Voli mai na Lekutu e tukuna na itukutuku ni nodra ilakolako na Isireli mai na ulunivanua ko Saineai ki na buca ko Moapi ena iyalayala ni vanua ko Kenani. E dua na lesoni bibi e vakavuvulitaka sai koya ni dodonu me ra lako voli ena vakabauta na tamata ni Kalou, ka ra vakabauta na Nona yalayala, kevaka me ra na lako tikoga ena qaqa. E tukuna na itotogi e solia na Kalou vei Isireli me baleta na talaidredre ka vakarautaka na itukutuku me baleta na lawa vaka-Isireli. E tauri na yaca ni ivola mai na iwiliwili ni lewenivanua ena gauna ni wili lewenivanua (Tiko. 1–2; 26).

Na wase 1–10 e tukuni kina na nodra vakavakarau na Isireli me ra biuti Saineai. Na wase 11–14 e vakamacalataki kina na tayabe oqori, na nodra talai yani na yamata ki Kenani, kei na nodra bese na Isireli me ra curu yani ki na vanua yalataki. Na wase 15–19 e tukuna na lawa kei na veika eso a yaco ena gauna makawa. Na wase 20–36 na itukutuku ni iotioti ni nodra yabaki ena lekutu na tamata.