Dauvunau, Na

E dua na ivola ena Veiyalayalati Makawa ka lewena na vakanananu eso ena so na leqa bibi ni bula.

O koya e vola na ivola, na Dauvunau, e vola na iwase levu ni ivola ena nodra ivakarau ni rai o ira era se bera tu ni kila na kosipeli. E volavola me vaka na ivakarau ni nodra vakasama na kai vuravura—oya, o ira ena “ruku ni matanisiga” (Na Dau. 1:9). E vuqa na tiki ni ivola e sega soti ni vinaka ka sega kina na vakanuinui (Na Dau. 9:5, 10). E sega ni o koya na ivakarau e vinakata na Turaga me da raica kina na bula ia na ivakarau e raica na Dauvunau ni vaka me sega ni vakararamataki kina na vakasama ni tamata e vuravura. Na tikina vakayalo duadua ena ivola, oya na wase 11 kei na 12, ka mai tinia kina o koya e vola ni sai koya na ka tudei na kena yaga, oya na talairawarawa ki na ivakaro ni Kalou.