Dauveilewai, Ai Vola ni

E dua na ivola ena Veiyalayalati Makawa. Na Dauveilewai e tukuna na veika e baleti ira na Isireli mai na mate nei Josua ki na sucu nei Samuela.

Na wase 1–3 e ikau ni ivola taucoko ni Dauveilewai. Eratou vakamacalataka, ena nodra sega ni vakasevi ira na nodra meca o ira na Isireli (Dauvei. 1:16–35), sa dodonu kina me ra na sotava na Isireli na kena isau: na yali ni nodra vakabauta, nodra vakamau vata kei ira na tawavakabauta, kei na qaravi kalou lasu. Na wase 4–5 e tukuni kina na veika e rau sotava o Tepora kei Peraki, ka rau a sereki Isireli mai vei ira na kai Kenani. Na wase e 6–8, na veika a sotava o Kitioni, ka vukea na tubu ni vakabauta, ka a vakalougatataka na Turaga me sereki Isireli mai vei ira na kai Mitiani. Ena wase 9–12, era a veiqaravi vakaturaganilewa e Isireli e vicavata na tamata donumaka na gauna era vukitani tu kina e vuqa na Isireli ka ra liutaki vei ira na iliuliu mai veivanua tani. Na wase 13–16 e tukuni kina na nona tubu cake mai kei na nona lutu sobu yani na iotioti ni dauveilewai, o Samisoni. Na iotioti ni veiwase, 17–21, e rawa ni vakamacalataki me ikuri se ivukevuke ka vakatakilai kina na titobu ni nodra ivalavala ca na Isireli.