iVakatakarakara

Me vakayagataki e dua na ka me vakatautauvatataki se ivakatayaloyalo ni dua tale na ka. Na ivakatakarakara ena ivolanikalou e dau vakayagataki kina e dua na iyaya kilai levu, dua na ka e yaco, se dua na ituvaki ni bula me sosomitaka e dua na ivakavuvuli tudei se dua na ivakavuvuli ni kosipeli. Me vakaoqo, na parofita ni iVola i Momani ko Alama a vakayagataka na sore ni itei me matataka na vosa ni Kalou (Alama 32).

O ira kece sara na parofita ena ivolanikalou era dau vakayagataka na ivakatakarakara me ra vakavuvulitaka kina na veika e baleti Jisu Karisito. Eso na ivakatakarakara oqori e okati kina na soqoni kei na veicakacaka vakalotu (Mosese 6:63), sorovaki ka (Ipe. 9:11–15; Mosese 5:7–8), na sakaramede (VJS, Mari. 14:20–24 [Ai Kuri]; Luke 22:13–20), kei na papitaiso, (Roma 6:1–6; V&V 128:12–13). E vuqa na yaca vakaivolatabu era ivakatakarakara. Na soqoni ni valecavu ena Veiyalayalati Makawa kei na lawa i Mosese era matataka na veidina tawamudu (Ipe. 8–10; Mosa. 13:29–32; Alama 25:15; Ila. 8:14–15). Me baleta na ivakaraitaki tale eso, raica na Maci. 5:13–16; Joni 3:14–15; Jekope 4:5; Alama 37:38–45.