Atama

Na imatai ni tamata me buli e vuravura.

O Atama na tama ka peteriaki ni kawa tamata e vuravura. Na nona ivalavala ca ena Were ko Iteni (iVakate. 3; V&V 29:40–42; Mosese 4) a vakavuna na nona “lutu tani” ka yaco me tamata vakayago, e dua na ikalawa gadrevi me baleta na noda mai tubu e vuravura oqo na kawatamata (2 Nif. 2:14–29; Alama 12:21–26). Sa dodonu kina me rau vakarokorokotaki ko Atama kei Ivi ena vuku ni nodrau itavi me rawa kina vei keda na tamata na tubu tawamudu. O Atama na Veisiga Makawa ka dau kilai talega ena Maikeli (Tani. 7; V&V 27:11; 107:53–54; 116; 138:38). Sai koya na agilosi liu (V&V 107:54) ka na lako tale mai ki vuravura me peteriaki ni matavuvale ni kawatamata (V&V 116).

Sa bulia na tamata na Kalou me ucui koya, iVakate. 1:26–28 (Mosese 2:26–28; Epa. 4:26–28).
Sa solia na Kalou vua na tamata na lewa ni veika kecega ka vakaroti koya me tubu me lewevuqa ka vakatawai vuravura, iVakate. 1:28–31 (Mosese 2:28–31; Epa. 4:28–31).
Sa biuti Ivi kei Atama na Kalou ena Were ko Iteni ka vakatabuya vei rau me rau kana mai na vua ni kau sa kilai kina na ka vinaka kei na ka ca, iVakate. 2:7–9, 15–17 (Mosese 3:7–9, 15–17; Epa. 5:7–13).
Sa vakayacana na ka bula kecega ko Atama, iVakate. 2:19–20 (Mosese 3:19–20; Epa. 5:20–21).
A vakamautaki rau ko Atama kei Ivi na Kalou, iVakate. 2:18–25 (Mosese 3:18–25; Epa. 5:14–21).
Sa temaki Atama kei Ivi ko Setani, rau kania na vuanikau vakatabui, ka rau vakasevi tani mai na Were ko Iteni, iVakate. 3 (Mosese 4).
Sa yabaki 930 ko Atama ena gauna e mate kina, iVakate. 5:5 (Mosese 6:12).