Leimanaiti

E dua na matatamata ena iVola i Momani, e vuqa era kawa i Leimani, na luvena qase duadua ko Liai. Era nanuma ni ra a lawakitaki mai vei Nifai kei ira na nona kawa (Mosa. 10:11–17). A vakavuna oqori na nodra veisaqasaqa vata kei ira na Nifai ka vakavuqa na nodra sega ni ciqoma na ivakavuvuli ni kosipeli. Ia, ni vo vakalailai me sucu mai ko Jisu Karisito, era a ciqoma na Leimanaiti na kosipeli ka yaco me ra buladodonu cake mai vei ira na Nifai (Ila. 6:34–36). Ni oti e ruanadrau na yabaki mai na gauna a veisiko kina ki Amerika na Karisito, sa yaco me ra tamata ca na Leimani ka vakakina o ira na Nifai, ka tekivu me ra veivaluvaluti vakataki ira. Rauta ena 400 na yabaki ni noda Turaga era sa vakarusa vakadua na Leimanaiti na nodra matanitu na Nifai.