Wóltaʼii 61
Diyin Yá Yáłtiʼí Joseph Smith díí diyingo bił ííshją́ą́ ályaa, Missouri River Tó Nílínígíí bibąąhgi, McIlwaine Benddi, Biniʼantʼą́ą́tsʼózí 12, 1831 yihahgo. Kirtlandgóó nátʼą́ą́ʼ náákahgo, Diyin Yá Yałtiʼí dóó elders neezná yiltʼéego tsin naaʼeeł yee Missouri River tó nílínígíí yikááʼ bił daʼníʼéél. Tágíjį́ bił daʼáʼééłgo, ląʼídi báhádzidi biyiʼ bił daʼníʼéél. Elder William W. Phelps, tʼáá jį́įgo bił áhoodzaa, naʼałtseedii táłkááʼ yikʼi bidziil hólǫ́ǫgo yiyiiłtsą́.
1–12, Diyin Bóhólníihii tó bikááʼgi éí ląʼígo tídahodooníiłgo yee haadzííʼ; 13–22, John éí tó danílínígíí hóyééʼgo yá haadzííʼ, áádóó naʼałtseedí éí yikáá naaghá; 23–29, Łaʼ éí tóhígíí yichʼįʼ yádaałtiʼgo bikʼeh dahółʼį́; 30–35, Elders danilínígíí éí naaki yiltʼéego Diyin binaʼnitin bee yisdáʼiildéehii yee ndaʼnitin doo; 36–39, Diné Silį́įʼii nídoodáałdi yíchʼįʼ hashtʼeʼádadiʼdoolnííł.
1 Áko shooh, dóó tʼáá ałtso bikʼi bidziilii bizhí dadoohtsʼį́į́h, éí hoolʼáádę́ę́ʼ dóó ahoolʼáágóó, Alpha dóó Omega ndi, bee hodeeztʼiʼii áádóó bee nihonítʼiʼii.
2 Áko shooh, Diyin Bóhólníihii tʼáá aaníí kónihiłní, O elders shisodizinjí atah danohłíinii, ákweʼé álah soolį́į́ʼii, kʼad nihibąąhági ádaatʼéii nihá yóóʼadííʼą́, háálá Shí, Diyin Bóhólníihii, bąąhági átʼéii yóóʼadiishʼaah, áádóó bąąhági ádáátʼįįdígíí bijéí yee joobaʼ ádeinízingo yaa dahalneʼgo baa jideeshbaał;
3 Ákondi Shí tʼáá aaníigo nihichʼįʼ haasdziih, áko doo tʼáá átʼé shielders dahyiikahígíí tó yikááʼ tsxį́įłgo bił daʼdooʼoł da, tʼáá ałchʼishjí kéédahatʼínígíí iiʼ sizį́įjí tiʼdahooníihgo doo daʼoodlą́ągo yóó ahikááh doo.
4 Ákótʼée ndi, díí baa ndaʼayosóóhgo bee lą́ aséłį́į́ʼ; áko shooh, ląʼída báádahadzidii tó bikááʼgóó dahólǫ́, dóó náásgóó tʼáá ląʼí hólǫ́ǫ doo;
5 Háálá Shí, Diyin Bóhólníihii, shi áháchįʼ tó bikʼááʼgóó ląʼída tiʼdahoonííhgo ba hahádziiʼ; aooʼ, díí kweʼé tóhígíí bikááʼgi íiyisíí.
6 Ákótʼée ndi, tʼáá ałtso dahiináanii shilákʼeedóó baa áháshyą́, áádóó tʼáá háiida nihitahdóó haʼólnínígíí éí tó doo biidoołhééł da.
7 Ákohgo, yáʼátʼééh doo shá naalʼaʼí Sidney Gilbert dóó shá naalʼaʼí William W. Phelps tsxį́į́ł binaanish dóó bichʼįʼ biʼdoolʼaʼígíí íídoolííł.
8 Ákótʼée ndi, doo éí dahdidoohʼash da áłtsé nihibąąhági ádaatʼéi tʼáá átʼé baa nihichahoʼdooshkeedgo índa, áko łaʼ nohłį́į doo, áko doo yáʼádaashóonii biyiʼ dínoohnééł da;
9 Ákondi kʼad, Shí tʼáá aaníigo ádíshní, kʼad dahdidoohʼash éí nisin. Ákohgo bíniʼdii shá ndaalʼaʼí Sidney Gilbert dóó William W. Phelps yił tánídíkahyę́ę bił, dóó bíniʼdii tʼáá tsxį́į́łgo dah didoohkah áko abííłʼaʼígíí tʼáá átʼé yedaʼdoolííł, áádóó bedaʼoodlą chodeiyoołʼį́įgo tʼáá ałtsóni yikʼeh dahdidoodleeł;
10 Áádóó kwínzahgóó shikééʼ naazį́įgo éí doo atíʼdabidiʼdoolníił da, áádóó Shí, Diyin Bóhólníihii, éí bił honishłǫ́ǫ doo.
11 Áádóó łaʼígíí ééʼ deinízinígíí bíniʼdii deiyíjááh dooleeł.
12 Bíniʼdii shá naalʼaʼí Sidney Gilbert ééʼ doo nidzinígíí dahyididoojih, nihí nihił tʼáá daʼákohgo.
13 Áádóó áko, shooh, nihá yáʼátʼéeh doodgo díí bídadéítiʼígíí bee Shí nihichʼįʼ haasdzííʼ; áádóó Shí, Diyin Bóhólníihii, ałkʼidą́ą́ʼ diné ahił ndahaʼáhę́ęgiʼ átʼáo nihił nahasháa doo.
14 Áko shooh, Shí, Diyin Bóhólníihii, hodeeyáádą́ą́ʼ tó bikʼihosisdliʼ; ákondi akéedi deiyółkáałdi, shá naalʼaʼí John yee hadoodzih, tó hóyéeʼgo bá haasdzííʼ.
15 Ákohgo, bee doołkááł dahiináanii tółkááʼgi doo łaʼ baa áháyą́ą da doo.
16 Áádóó áájį́ ayííłką́ągo áhodiʼdooʼniił Zion kéyahjįʼ tółkááʼ yee doo ákóde nehikáhí da doo, ákondi bijéí yee yáʼátʼéehgo hiinánígíí tʼéiyá bá ahóótʼiʼ doo.
17 Áádóó, jó Shí, Diyin Bóhólníihii, hodeeyáádą́ą́ʼ kéyah hóyééʼgo bá haasdzííʼ, ákótʼée ndi akéedi yoołkáałdi éí bikʼihoshisdliʼ, éí tʼáá ákóneʼ yoołkááłgo áhodoonííł, háálá shikééʼ naazʼíinii chodeiyoołʼį́į doo, áko kéyah bikááʼ siléí yee bikʼidahozhdoodliił.
18 Áádóó áko tʼáá aaníigo nihichʼįʼ haasdziih áko tʼáá ląʼígo bee bichʼįʼ haasdzííʼígíí éí tʼáá ałtso bee bichʼįʼ haasdzííʼ doo, áádóó nihikʼiské díí tó danílínígíí éí báhádzid éí bee bił dahodoołnih, áko doo éí yikááʼ daʼdoołʼoł da, áko doo adaʼólí daazlį́įgo tʼóó beeʼádleehí bee dah dabiʼdiistłǫ́ǫ doo;
19 Shí, Diyin Bóhólníihii, bee nihoníʼą́, naʼałtseedii éí yikáá naagháa doo, áádóó bee haasdzíʼígíí éí doo niʼ kódeeshłííł da.
20 Shí, Diyin Bóhólníihii, adáádą́ą́ éí nihichʼįʼ sháháchįʼ ńtʼę́ę́ʼ, ákondi dííjį́ éí sháháchįʼę́ę nahjįʼ kwééshłaa.
21 Ákohgo, áádóó bichʼįʼ haasdzííʼígíí ábidishní, tsxį́į́łgo wohkah dooleeł—áádóó ánáánihidíshní, tsxį́į́łgo wohnééł doo.
22 Áádóó shí éí, hodíínaʼgo, binaanishígíí ałtso ádeidoolííł, tó bikááʼ doodaiiʼ kéyah yikááʼ dookahígíí éí doo shídéítʼiʼ da; bee bił hweesneʼígíí bíniʼ yikʼehgo ádaʼdoolííł bí ádaanínígíí bikʼehgo.
23 Áádóó áko, shá ndaalʼaʼí, Sidney Rigdon, Joseph Smith, Jun., dóó Oliver Cowdery bídéítʼiʼígíí, éí doo táłkááʼ dookah da, tó bá daʼágeedígíí bikááʼgóó tʼéiyá, bighangóó yikahgo; éí doodago kótʼáo áłdishní doo éí tó yikááʼ dookah da, tʼáá hazhóʼí tó bikááʼ daʼígeedígíí tʼéiyá bikááʼ.
24 Áko shooh, Shí, Diyin Bóhólníihii, shikééʼ naazíinii haitʼáo dookahígíí bee bá nahoséʼą́; áádóó áko shooh, díí éí bikʼehgo dooleeł—áádóó tó bá naʼasgeedígíí ałtso yikáá yíkaigo kéyah yikááʼ dookah, éí haitʼáo dookahígíí bee bił hóóneʼgo dóó ńléí kéyahgóde Zionjįʼ dookah;
25 Áádóó Israel baʼáłchíní yíkaiyę́ęgiʼ átʼáo ádaʼdoolííł, níbaal ninádeiʼááhgo dookah.
26 Áádóó, áko shooh, díí bee haasdzííʼígíí tʼáá ałtso nihikʼiské bee bił dahodoołnih.
27 Ákótʼée ndi, tó yikʼi bóhólnííh doogo baa deetʼánígíí, éí Iiʼ Sizį́ Diyinii yinahjįʼ tʼáá ałtso Diyingo áhodooníłígíí bee bił hodoonih;
28 Ákohgo, bíniʼdii Diyin God hiináanii bi Iiʼ Sizíinii ábíłnínígíí yikʼehgo áʼdoolííł, keyah éí doodago tółkáá bikááʼgóó daatsʼí, tʼáá ákótʼáo díí náásgóó ááshłííł doo.
29 Áádóó nihí éí háájigo shikééʼ naazíinii chʼídookahígíí bee nihił hóóneʼ, éí doodago Diyin Bóhólníihii bikééʼ naazį́įgo dahyikahígíí, háágóneʼ chʼídookahígíí.
30 Áádóó ałdóʼ, Shí tʼáá aaníigo nihichʼįʼ haasdziih, shá ndaalʼaʼí, Sidney Rigdon, Joseph Smith, Jun., dóó Oliver Cowdery, Cincinnatidi yíkaigo índa doo yáʼádaashóonii ałah nídaadleehdi ndeidínóotįįł;
31 Áádóó áadi bizhí yéego Diyin God yee yichʼįʼ hadadoodzih dineʼé ádaanínígíí yikʼijįʼ, aooʼ, éí biʼáháchįʼ doo yáʼádaashóonii yikʼijįʼ yisʼą́, éí diné kʼadę́ę atílnééhgo yiih yikááh.
32 Áádóó áádę́ę́ʼ bíniʼdii dahdidookah bikʼiské áłah dadooleełjįʼ, háálá bindaanish bitahgóó tʼáá íiyisíí ntsaago nidzin éí doo yáʼádaashǫ́ǫgo dahdeikááhígíí bilááhgóó nidzin.
33 Áádóó áko, łaʼígíí, bíniʼdii dahdidookah dóó doo yáʼádaashóonii áłah nídaadleehgóó saad yee ndaʼnitin doo, tʼáá bił ííshją́ą́ ándaalʼįįhígíí bikʼehgo;
34 Áádóó díí yikʼeh dahóółʼįįdgo bi ééʼ bąąhdóó bąąhági átʼéii nahjįʼ kódeiyiilaa nahalin doo, ákohgo índa shidááhdóó chin bąąh ádaadin doo.
35 Áádóó bíniʼdii ahił yikah dooleeł, éí doodago naakiltʼéego, tʼáá bí bił yáʼádaatʼéhígíí bikʼehgo, ákó bíniʼdii shá naalʼaʼí Reynolds Cahoon, dóó shá naalʼaʼí Samuel H. Smith, éí íiyisíí baa shił hózhǫ́, éí doo ałtsádooʼnił da hooghandi nátʼáázhgo índa, áádóó díí éí shibee hódzáanii biniyéhígíí biniinaa.
36 Áádóó áko, Shí tʼáá aaníigo nihichʼįʼ haasdziih, áko tʼáá ląʼígo bee bichʼįʼ haasdzííʼígíí éí tʼáá ałtso bee bichʼįʼ haasdzííʼ doo, nihił dahózhǫ́ǫ doo, áłchíní yázhí danohłínígíí; háálá nihitah honishłǫ́, áádóó doo yóóʼanihidííʼą́ą da;
37 Áádóó shidááhdóó hajoobaʼ ádaʼdoołyaago, Diyin bił hazʼą́ądi akʼihojídlíhígíí danihí doo.
38 Ákohgo nihiʼééʼ nihoozhnííʼ gónaaʼígíí bedaʼohtłʼóh dóó hadaʼohsííd dóó dah hodínóhsin, Diné Silį́įʼii nídoodááłgo biká ádééstʼį́į́ʼ, háálá doo nideiyínóhłíí góneʼ doogááł.
39 Tʼáá áłahjįʼ sodadoołzin áko doo yóó anihidiʼnóotʼah da, áko níyá bijį́įdi haʼíínílníi doo, iiná éí doodago anoonééł biyiʼ. Tʼáá ákótʼée doo. Amen.