1 Tʼáá aaníigo, Diyin Bóhólníihii áłah soolį́ʼígíí ánihiłní éí nihá yinízinígíí nihichʼįʼ kwíídoolííł:

2 Áko shooh, díí nihiDiyin Bóhólníihii tsʼídá bił yáʼátʼééh, áádóó Diyin yá ndaalʼaʼí nihaa bił dahózhǫ́; nihee ajoobaʼ binahjįʼ sodadołzingo Sabaoth Diyin Bóhólníihii nihidiitsʼaʼ, dóó nihízhiʼ hadadíłtʼé danilíinii binaaltsoos biyiʼ daasdzoh, celestial kéédahojitʼį́įdi ndi.

3 Ákohgo, Aaʼáhályáanii łaʼ nihaa náánéididooʼáał, nihí shikʼis danohłíinii, áko nihijéí biyi da hólǫ́ǫ doo, Iiʼ Sizį́ Diyinii yee ádééhaadzííʼii bee ndi; éí Aaʼáhályáanii éí bee ádeehaʼoodzííʼii shikééʼ naazíinii bee báhaasdzííʼ, éí John tʼáá aaníigo haadzííyę́ę biyiʼ náháásdzoh.

4 Aaʼáhályáanii bee ádééhaasdzíʼígíí éí hoolʼáágóó iiná, celestial biʼayóó átʼéii áhonoolnindi;

5 Éí Áłtsé Yizhchíinii bisodizinjí dahdeiyíkááhígíí biʼayóó átʼéii danohłį́, azhą́ Diyin God, tʼáá ałtsoní biláahdi dílzinii, éí biYeʼ Jesus Christ binahjįʼ—

6 Bí éí wótʼááhgo naayá, dóó tʼáá ałtsoní yitłʼáahdi naayá, dóó tʼáá ałtsoní yikʼeʼdiitą́, áko tʼáá ałtsoní yiiʼ dóó yiníkááʼ hólǫ́ǫ doo, tʼáá aaníinii bibee adinídíinii;

7 Éí tʼáá aaníinii bitsʼádinílííd. Díí éí Christ bee adinídíín átʼé. Tʼáá éí ałdóʼ jóhonaaʼéí yiyiʼ hólǫ́, dóó jóhonaaʼéí bibee adinídíín, áádóó bibeʼadziilii bee ályaa.

8 Áádóó ooljééʼ ałdóʼ yiiʼ hólǫ́, dóó ooljééʼ yee adiníłdíín, áádóó beʼadziilii bee ályaa;

9 Áádóó sǫʼ ałdóʼ yee adiníłdíín, dóó beʼadziilii bee ályaa;

10 Áádóó nahasdzáán ałdóʼ, dóó beʼadziilii bee, nahasdzáán bikááʼ sínízinígíí ndi.

11 Áádóó adinídíín adiníłdínígíí, éí nihidiʼníłdíín, éí binahjįʼ nihíniʼ bił ééhoozįįh, tʼáá éí adinídíínígíí tsxį́įłgo binahjįʼ tʼáá ałtsoní iiná yeidiyiiʼaahgo akʼeʼdiyítįįh;

12 Éí adinídíín Diyin God bitsʼą́ą́dééʼ haʼdíídíín dóó tʼáá ałtso nahazʼą́ biiʼ daʼdeezdíín—

13 Adinídíín tʼáá ałtsoní yiyiʼ hólǫ́, éí tʼáá ałtsoní neiyiiłná, éí bee hazʼáanii binahjįʼ tʼáá ałtsoní yikʼiʼdéézʼį́į́ʼ, éí Diyin God bibeʼadziilii átʼé éí yee nahaʼáago dahsidá, éí yádiłhił ahoolʼáhígíí ałníiʼgi hólǫ́, éí tʼáá ałtsoní yitah hólǫ́.

14 Kʼad, tʼáá aaníigo Shí nihichʼįʼ haasdziih, éí nináʼályáhígíí bee anoonééłdę́ę́ʼ náádahidoohnaał.

15 Áádóó diné biiʼ sizíinii dóó bitsʼíís éí yee hiináanii nilį́.

16 Áádóó bitsʼíís dóó biiʼ sizíinii bá nináʼályáhígíí binahjįʼ anoonééłdę́ę́ʼ nááhidooʼnaał.

17 Áádóó tʼáá ałtsoní hiináago ayóósinii éí atsʼíís dóó iiʼ sizíinii yá nináʼídlá, éí binííʼ biyiʼdééʼ yee haadzííʼ éí baa dahojoobáʼígíí dóó nahasdzáán bikáaʼgi baʼátʼeʼ ádaadinígíí éí daabí dooleeł.

18 Éí bąą, doo yáʼádaashóonii nahjįʼ bá kódadoolnííł dóó diyingo ádabidiʼdoolnííł, áko celestial ayóó áhonoolnindi bichʼįʼ hashtʼeʼ ádadiʼdoolnííł;

19 Háálá biniyé ábiʼdiilyaayę́ę tʼáá ałtsó yeʼiilaago, ayóó átʼéii bąąh ndoolyééł, Diyin God Azheʼé nilíinii bił hólǫ́ǫgo;

20 Díí celestial ayóó áhonoolnindi bitsʼíís hadaałtʼé ádaalyaaígíí éí hoolʼáágóó dóó ahoyoolʼáágóó áadi kéédahatʼį́į dooleeł; háálá díí biniyé, kótʼáo hadilyaa, dóó díí biniyé hadaałtʼéego ádabiʼdiilyaa.

21 Áádóó díí bee hazʼáanii, éí éíí Christ bee hazʼáanii, nihaa níláhígíí bikʼehgo tʼáadoo hadaałtʼé ádabiʼdiilyaaígíí, tʼáá nááná łaʼ hazʼą́ągi baa hodidootʼááł, azhą́ terrestrial hazʼą́ądi ndi, éí doodago telestial hazʼą́ągi ndi.

22 Háálá celestialdi bee hazʼáanii doo bikʼeh hojósinígíí éí celestial ayóó áhonoolnindi ałdóʼ doo bíjííghah da dooleeł.

23 Áádóó tʼáá háíshį́į́ terrestrialdi bee hazʼáanii doo bikʼeh hojósinígíí éí terrestrialdi áhonoolnindi doo bíjííghah da dooleeł.

24 Áádóó tʼáá háíshį́į́ telestialdi bee hazʼáanii doo bikʼeh hojósinígíí éí telestial áhonoolnindi doo bíjííghah da dooleeł; éí bąą ákweʼé ahonoolningi doo há hazʼą́ą da dooleeł. Áko nááná łaʼ há hazʼą́ą dooleeł éí áadi doo ayóó ahonoolnin da.

25 Áádóó ałdóʼ, tʼáá aaníí Shí ánáánihidishní, nahasdzáán celestialdi bee hazʼáanii yíneilʼą́, háálá biniyé ábiʼdiilyaaígíí yeʼałʼį́, áádóó bee hazʼáanii yikʼeh hółʼį́—

26 Ákohgo, éí hadaałtʼéego ádoolnííł; aooʼ, azhą́ iiná yííghah asłį́į́ʼ ndi, nááhidooʼnaał, áádóó beʼadziilii yíighah dooleełgo yee nááhidooʼnaał, áádóó yáʼátʼéehgo dahiináanii baa hodidootʼááł.

27 Háálá azhą́ iiná yííghah daʼasłį́į́ʼ ndi, náádahidooʼnaał, éí iiʼ sizíinii danilį́įgo.

28 Celestial iiʼ sizíinii danilínígíí éí tʼáá éí bitsʼíís baa nídahidoolyééł tʼáá bitséédą́ą́ʼ dabitsʼíís ádaatʼéhę́ęgi átʼáo; tʼáá nihí ałdóʼ nihitsʼíís nihaa nídahidoolyééł, áádóó niʼayóó átʼéii éí bee áyóó ánítʼéhígíí nitsʼíís yee nááhidooʼnaał.

29 Celestial ayóó áhonoolnindi łahdóó bee hiiníná ániʼdiilyaaígíí éí tʼáá bitséédą́ą́ʼ nitsʼíís átʼéhę́ęgi átʼáo ádoolnííł, éí tʼáá ałtso bee hinínáago ánidiʼdoolnííł.

30 Áádóó terrestrial áhonoolnindi łahdóó yee dahiiná ádabiʼdiilyaaígíí éí tʼáá bitséédą́ą́ʼ dabitsʼíís ádaatʼéhę́ęgi átʼáo ádadoolnííł, éí tʼáá ałtso yee dahiináago ádadoolnííł.

31 Áádóó telestial áhonoolnindi łahdóó yee dahiiná ádabiʼdiilyaaígíí éí tʼáá bitséédą́ą́ʼ dabitsʼíís ádaatʼéhę́ęgi átʼáo ádadoolnííł, éí tʼáá ałtso yee dahiináago ádadoolnííł.

32 Áádóó chʼéékaaʼígíí ałdóʼ dahiiná ádadoolnííł; ákótʼée ndi, éí áłtséédą́ą́ʼ bił ndahazʼánéejįʼ náádahidooʼnaał, baa dahidoolyéłígíí éí yaa tʼáá áko danízingo yaa bił dahózhǫ́ǫ doo, háálá nááná łaʼ baa dahidoolyéłę́ę doo yaa bił dahózhǫ́ǫ da dooleełígíí biniinaa.

33 Háálá diné aa ílyé beiyílyáago haash yitʼáo éí bikáʼadoolwoł, áádóó baa doolyéłę́ę doo yinízingóó? Áko shooh, beiyílyáhę́ę doo yaa bił hózhǫ́ǫ da, áádóó ałdóʼ aa ílyé ainíláhę́ę doo yaa ahééh nízin da.

34 Áádóó ałdóʼ, Shí tʼáá aaníigo nihichʼįʼ haasdziih, bee hazʼáanii yikʼeh hółʼínígíí éí ałdóʼ bee hazʼáanii baa áhodoolyąął áádóó tʼáá éí hadaałtʼé dóó dadiyingo ádabidoolííł.

35 Tʼáá háíshį́į́ bee hazʼáanii kʼíínítįʼgo, dóó bee hazʼáanii doo yikʼeh hółį́į́ʼgóó, ákondi tʼáá shí ádánahashtʼáa doo nízinígíí, dóó bąąhági áátʼįįłgo bił tʼáá ákooígíí, dóó tʼáá átʼé bąąhági áátįįłgo, éí bee hazʼáanii, aajoobaʼ, tʼáá ákogi átʼéii éʼélʼį́, éí doodago ánahwiitʼaah doo hadaałtʼé ábidoolííł da. Éí bąą, bąąhági átʼéii tʼáá yiiʼ naagháa doo.

36 Tʼáá ałtso ndahazʼą́ą́góó éí bee hazʼáanii bá ádaalyaa;

37 Áádóó ląʼígo ndahazʼą́; háálá tʼáá ałtso kédaayahgóó éí bee óhólníihgo bił ndahazʼą́; áádóó bee óhólnííhgo bił ndahazʼą́ą́góó éí tʼáadoo leʼé biiʼ naazlá, áko éí ałʼąą ádahootʼéego bił ndahazʼą́.

38 Áádóó tʼáá ałtso bee óhólníihgo ndahazʼą́ągi bee hazʼáanii bee dahólǫ́; áádóó tʼáá ałtso bee hazʼáanii ndahaztiʼjįʼ dóó haitʼáo ádaʼalʼínígíí bídadéétiʼ.

39 Tʼáá ałtso díí ndahaztiʼígíí doo yikʼeh dahółínígíí éí doo tʼáá ákogi ádaatʼéego bá ádoolnííł da.

40 Háálá ił ééhózin éí íł ééhózin bił yáʼátʼééh; hódzánígíí éí bee dahódzánígíí baa dahalyéego bił tʼáá daʼáko; tʼáá aaníinii éí tʼáá daʼaaníinii bił yáʼádaatʼééh; tsʼídá yáʼátʼéehii éí tsʼídá yáʼádaatʼéehii bił danilį́; áádóó adinídíinii éí adinídíín ádaatʼéii yikʼeh dahółʼį́; ajoobaʼ hwiindzin éí ajoobaʼ yaa hą́ą́h nízin dóó tʼáá bí ádaatʼéhígíí ádídeiyóltąʼ; tʼáá ákogi ádaatʼéii éí doo łah áánííł da áádóó tʼáá ákogi adaaníiłii éí nihitsʼą́ą́dóó daaní; ánahwiitʼaah éí bikááʼdóó nahatʼáii yikááʼdóó dah sidáii éí ánahwiitʼaah bidááhdóó nahaatʼaah dóó yikʼedéezʼį́į́ʼ dóó tʼáá ałtsoní łaʼ yoolííł.

41 Tʼáá ałtsoní yaa ákonízin, áádóó tʼáá ałtsoní bidááhdóó silá, áádóó tʼáá ałtsoní binaagóó silá; dóó tʼáá ałtsoní yikʼi bóhólnííh, dóó tʼáá ałtsoní yiiʼ hólǫ́, dóó tʼáá ałtsoní yiníkááʼ góneʼ hólǫ́, dóó tʼáá ałtsoní yinaagóó hólǫ́; dóó tʼáá ałtsoní áyoolííł, áádóó bí binahjįʼ, tʼáá ałtsoní hólǫ́, éí Diyin God nilíinii, hoolʼáágóó dóó ahoyoolʼáágóó.

42 Áádóó ałdóʼ, Shí tʼáá aaníigo nihichʼįʼ haasdziih, tʼáá ałtsoní bee hazʼáanii yaa yizlá, bihooghááł dóó ałʼąą ánáhooʼnííł bikʼehgo deikááh;

43 Áádóó háágóneʼ bá adahwiiztʼiʼ éí hashtʼeʼ daalyaa, yáʼąąsh dóó nahasdzáán bá ahóótʼiʼígíí ndi, éí nahasdzáán dóó tʼáá nahasdzáánigiʼ ádaatʼéí bá adahwiiztiʼ.

44 Áádóó adinídíín ałchʼįʼ ádeiłʼį́įgo daʼílkeed łahgo andahoonííł, dah daʼílzhin, ahééʼiilkeed, iʼiiʼaah, damóo ndaʼadleeh, náhidizííd, índa ninídahahááh—díí tʼáá átʼé Diyin God bił hoolzhish éí tʼááłáʼí nááhai, ákondi nihokááʼ dineʼé bichʼįʼjigo éí doo bił kóhootʼée da.

45 Nahasdzáán éí nahidiʼnááh, áádóó jóhonaaʼáí éí jį́įgo adiníłdíín, dóó tłʼéhonaaʼéí éí tłʼéego adiníłdíín, dóó sǫʼ ałdóʼ daʼdiníłdíín, biʼayóó átʼéii yee nídeiyíyéés, áko éí Diyin God bibeʼadziilii ałníiʼgi hólǫ́.

46 Haʼátʼíísh éí óhólníihgo nidahazʼą́ beełtʼéego ádadeeshłííł, áko bikʼidaʼdidoohtʼį́į́ł?

47 Áko shooh, díí tʼáá átʼé óhólníihgo bił ndahazʼą́ągo ádaatʼé, áádóó tʼáá háida díí łaʼ da éí doodago łahdóó yiyiiłtsą́ą́góó éí Diyin God tʼéí bił bééhózinii dóó bibeʼadziilii nahaʼnáago yiyiiłtsą́ą doo.

48 Ánihidishní, bí éí yiyiiłtsą́ą doo; ákotʼée ndi, tʼáá bí bidineʼé yaa niyáhę́ę tʼáadoo bikʼi daʼdiitą́ą da.

49 Adinídíín éí chahałheeł yiiʼ adiníłdíín, ndi chahałheeł tʼáadoo yikʼi daʼdiitʼą́ą da; ákótʼée ndi, áajįʼ iidoołkááł Diyin God baa ákodadínóohsįįł, éí bee dóó binahjįʼ náádahidoohnaał.

50 Áadi índa dashoołtsánígíí baa ákodadínóosįįł, Éí ashtʼį́, dóó tʼáá aaníí adinídíín nishłį́įgo nihiiʼ honishłónígíí nihił béédahodoozįįł, áádóó nihí éí ałdóʼ shiiʼ dahonohłǫ́; doo ákótʼéego éí doo hinohnáa da doo ńtʼę́ę́ʼ.

51 Áko shooh, díí óhólníihgo ndahazʼánígíí éí hastiin dáʼákʼeh bee hólónígíí bił aheełtʼéego baa hodeeshnih, áádóó bá ndaalʼaʼí dáʼákʼéhdi nídahagod dooleełgo ákǫ́ǫ́ ayisʼaʼ.

52 Áádóó áłtséhígíí iidííniid: Dáʼákʼehgóó dínááh dóó biiʼ nanilnish, áádóó áłtsé ahééʼílkid biyiʼ naadeeshááł, dóó shitsʼą́ą́dóó íiyisíí baa shił hózhónígíí yidiiłtsééł.

53 Áádóó naaki góneʼígíí iidííniid: Nidóʼ dáʼákʼehgóó díínááł, áádóó naaki góneʼ oolkił biiʼ naadeeshááł dóó shitsʼą́ą́dóó íiyisíí baa shił hózhónígíí yidiiłtsééł.

54 Áádóó tááʼ góneʼígíí ałdóʼ iidííniid, kóníigo: Shí naadeeshááł;

55 Áádóó dį́į́ʼ góneʼígíí ałdóʼ, dóó ńléí naakitsʼáadahjįʼ ałtso doo.

56 Áádóó dáʼákʼeh yikʼi bóhólníihii áłtséhígíí yaa níyá, áádóó tʼááłáʼí ahééʼálkidjįʼ yaa níyá, áádóó biʼóhólníihii adinídíín bee bitsʼádiʼnídínígíí yee bił hózh́ǫ́ǫgo ályaa.

57 Áádóó áłtséhígíí yitsʼą́ą́dóó dahdiiyá áko naaki góneʼígíi ałdóʼ yaa doogááł biniyé, áádóó tááʼ góneʼígíí, dóó dį́į́ʼ góneʼígíí, dóó ńléí naakitsʼáadahjįʼ ákótʼée doo.

58 Áádóó ákótʼáo tʼáá átʼé biʼóhólníihii adinídíín bee bitsʼádiʼnídínígíí baa dahaasyá, nihokááʼ dineʼé tʼáá ałtso aheeʼiilkeed, dóó baa dahoolzhiizhjįʼ, dóó ahéédahwiilzhííshjįʼ ahedaałtʼéego—

59 Áłtséhígíí bee hahodoolzhish, áádóó tʼáá ákótʼáo ńléí akéejįʼ, áádóó akéédééʼ dóó ńléí áłtséejįʼ, áádóó áłtséédóó ńléí akéejįʼ;

60 Diné tʼááłáʼí nízínígo bá áhoolyaaígíí bikʼehgo, éí ahééʼílkid baa níyáajįʼ, biʼóhólníihii ábidííniidígíí bikʼehgo, áko biʼóhólníihii bí binahjįʼ ayóó átʼéii nilį́įgo ííshją́ą́ ályaa, áádóó bí ałdóʼ biʼóhólníihii ayóó átʼéego áhodoolííł, ákótʼáo tʼáá ałtso ayóó ádaatʼéego ádabidiʼdoolnííł.

61 Éí bąą, tʼáá átʼé óhólníihgo bił ndahazʼánígíí éí díí haneʼ bikʼedidootį́łígíí ndahalin, áádoó yiiʼ kéédahatʼínígíí yił—tʼáá átʼé óhólníihgo bił ndahazʼánígíí biʼaheeʼiilkeed biyiʼ, dóó baa dahoolzhíízhjįʼ, dóó ahéédahwiilzhííshjįʼ, éí Diyin God yee haadzíʼígíí bikʼehgo ákódahootʼé.

62 Áádóó áłdó, shikʼéí, Shí tʼáá aaníigo nihichʼįʼ haasdziih, díí bee nihił hweesneʼígíí nihijéí biyiʼdi tʼáá íiyisíí baa nitsídadoohkosgo nihichʼįʼ kóshłééh, díí bee nihichʼįʼ haasdzíʼígíí nihaa níláhígíí, tʼah kǫ́ǫ́ honishłǫ́ǫ́dą́ą́ʼ nídashoohkąąh dooleeł—

63 Tʼáá áhánídóó shichʼįʼ nihoohkááh áádóó Shí éí ałdóʼ tʼáá áhánídóó nihichʼįʼ ndeeshááł; tʼáá íiyisíí shíká ádaahtʼį́ áko shikʼí dadínóohtah; daʼíínóhkeed, áko deiyínohkeedígíí nihaa dahidoolyééł; dáádílkał nídanołtsʼin, áko nihá ąąʼ ádoolnííł.

64 Tʼáá haʼátʼííshį́į́ shiZhéʼé shízhiʼ binahjįʼ ná yáʼátʼééhígíí bíínóhkeedígíí, nihee doolyééł;

65 Áádóó doo ná yáʼátʼéhígíí yííníkeedgo éí, naah siláago nikʼijįʼ kódoolnííł.

66 Áko shooh, áko dintsʼaʼígíí éí doo kééhojitʼínídi hwiinééʼ diitsʼaʼgo hojilneʼ nahalin—éí doo kééhojitʼínídi, háálá éí doo yiníʼíngíí biniinaa—shí shiinééʼ, háálá shízhí éí Iiʼ Sizį́ Diyinii átʼé; shiIiʼ Sizį́ Diyinii éí tʼáá aaníinii átʼé; tʼáá aaníinii éí doo niitʼééhgóó tʼáá hólǫ́ǫ doo; nihiiʼ dahólǫ́ǫgo éí doo tʼóó bił ádahodíínółzéeʼ da doo.

67 Áádóó shiʼayóó átʼéii bá hodínísingo, nitsʼíís tʼáá átʼé adinídíín biyiʼ hólǫ́ǫ doo, áádóó chahałheeł éí niyiʼ ádin doo; áádóó atsʼíís adinídíín biyiʼ haʼdeezbingo tʼáá ałtsoní yikʼiʼdiitįįh doo.

68 Éí bąą, nihíniʼ biyiʼdi hadaałtʼéego ádaahłééh áko nihíniʼ bee Diyin God tʼéiyá bichʼįʼ dadínóhį́į́ʼ doo, áádóó áajįʼ ayiiłką́ągo dadoołtsééł; háálá biniiʼ nihichʼįʼ ííshjání íídoolííł, éí tʼáá bí bohoogáałgo, dóó tʼáá bí bikʼehgo, dóó tʼáá bí íínízinígíí bikʼehgo.

69 Ayóó átʼáo akéedi bee nihichʼįʼ ádééhaasdzíʼę́ę béédaałniih; saad tʼááłáʼí níʼánígo tʼáadoo nánídlíinii nahjįʼ kódaahłééh dóó tʼáá ádzaagóó oodlohígíí nízaadgóó adahoołtłʼiid.

70 Tʼáá kweʼé, tʼáá kweʼé hazʼánígi ndaahkai, áádóó hodílzingo áłah aleeh ndadoohʼááł, éí áłtsé nidaalnishí éí akéedi óhólníihgo bił hazʼą́ądi nináádadoolnish.

71 Áádóó deinohkááhgóó hadaʼohsíídgo Diyin Bóhólníihii bichʼįʼ sodadołzin, áádóó nihijéí biyiʼdi baa hadaʼohsííd nihiʼdooniidgo niheilyáhígíí yéego baa ntsídaahkees, tʼáá hóníshgháníjįʼ hoolzhishígíí biyiʼ.

72 Áko shooh, dóó danółʼį́, idahidiikaaígíí nihá baa áháshyą́ą doo, dóó elders łaʼ náhideeshłah dóó bichʼįʼ deeshʼaał.

73 Áko shooh, baa hodoolzhishgo tʼáá tsxį́į́łgo shinaanish bidideeshnish.

74 Áádóó shí díí bee nihichʼįʼ haasdziih, áłtsé ndadoolnishígíí díí akéedi óhólníihgo hazʼą́ądi, éí áłah dohłééł nihidishní, áádóó bichʼįʼ, dóó bíká hashtʼeʼ ádaʼdidoołnííł, áádóó hadaałtʼéego ádaʼdoołnééh; aooʼ, nihijéí bąąhági ádaatʼéii biyiʼdóó nahjįʼ kódaahłééh, áádóó nihílá dóó nihikeeʼ shidááhdóó chin bąąh tʼáádaohgis, áko shí éí danołtólígo ánihideeshłííł;

75 Áko nihiZhéʼé nilíinii, dóó nihiDiyin God, dóó shiDiyin God tʼáá aaníigo, díí doo yáʼáshǫ́ǫ́góó oochíłígíí bidił nihąąh táádaasgiz; áko díí bee ádééhaʼoodzíʼígíí éí bohodeeshłííł, díí ayóó átʼáo akéedi bee nihichʼįʼ ádééhaʼoodzíʼígíí, éí bee nihił ałhaʼdinishtʼą́, shí íínisingo.

76 Áádóó ałdóʼ, díí bee nihichʼįʼ haasdziih sodizin dóó chʼiyáán ádąąh daahtʼínígíí kodóóʼ dóó ahoolʼáágóó ádaałʼį́į doo.

77 Áádóó díí bee nihichʼįʼ haasdziih óhólnííh hazʼą́ binaʼnitin bee ndaʼahinohtin doo.

78 Yéego ndaʼahinohtingo sheʼajoobaʼ nihił hólǫ́ǫ doo, áko hózhǫ́ hadaałtʼéego ndaʼahinohtin doo, bichʼą́ą́h dahólǫ́ bee OR tʼáá aaníí bee átʼée OR bitłʼaah naazléí bee, tʼáá aaníí Diyinkʼehgo naʼnitin bee, nahatʼá bee yisdáʼiildéehii beehazʼáanii bikʼehgo naʼnitin, tʼáá ałtso Diyin God bee bóhólníihgo bił hazʼą́ bídadéétiʼígíí bee, éí nihí bikʼiʼdaʼdidoohtį́į́ł biniyé;

79 Tʼáá áłah yáʼąąsh dóó nahasdzáán biiʼ naazléí, nahasdzáán biyaa naazléí; tʼáá ałtso bidahoolyaa, kʼad naazléí, hodíínaʼgo bihodoolníiłii; tʼáá hooghangi naazléí, adahwiisʼáágóó naazléí; anaaʼ dóó dah daʼíldééh dadahodiikʼąąʼgóó nahazʼą́ą́góó, áádóó kédaayah bá ndahwiistʼą́ą́góó; áádóó hadahwiisdzoh dóó óhólnííh ndahazʼą́ą́góó béédahózinígíí ałdóʼ—

80 Áko tʼáá ałtsoní bee hashtʼeʼádinilyaago náánihideeshʼaał áko anihííłʼaʼígíí bidziilgo bee ndasoozį́į doo, dóó naanish bee nikʼihodiiniiʼ biniyé anihííłʼaʼ.

81 Áko shooh, tʼáá aaníinii ádaatʼée baa dahołneʼ doo dóó diné tʼáá hadaʼohsííd dabidoohniił éí biniyé anihííłʼaʼ, tʼáá ałtso hadaʼadinółʼį́į́ʼ dabidooniidígíí éí bił kééhótʼíinii bił ííshją́ą́ ádaałééh.

82 Éí bąą, biniyéí éí bee ádaadin doo, áádóó bibąąhági ádaatʼeii tʼáá bí bąąh násdláa dooleeł.

83 Tʼáá íídą́ą́ʼ hadashinitáhígíí éí shíkʼídookah, dóó doo yóóʼadabidideeshʼáał da.

84 Éí bąą, tʼáá kweʼé hazʼánígi, yéego ndaałnish, áko ndaʼnohtinígíí hadaałtʼéego ádadoohłííł áko Gentile dineʼé bitahgóó akéedi hoolzhishdi tʼááłáhídi bichʼįʼ náádohkah, éí Diyin Bóhólníihii yitaaʼ íízhiʼígíí tʼéiyá, bee hazʼáanii beʼdootłʼóół dóó tʼáá aaníinii éí bidáʼdidooljah, áádóó akééʼ naazíinii bá nidahodootʼáłígíí bichʼįʼ hashtʼeʼádabidiʼdoolnííł háálá éí baa hodoolzhish;

85 Áko bitsʼíís dóó biiʼnaazʼíinii Diyin God biʼáháchįʼ doo dabidééłníi da doo, doo yildingóó niʼiiłchxǫǫhii éí doo yáʼádaashóonii bá naazláa dooleeł, tʼáá áłah díí nahasdzáán bikááʼ dóó náás ninááhástʼání góneʼ. Tʼáá aaníigo, Shí nihichʼįʼ haasdziih, bíniʼdii elders áłtsé adabiʼdeesʼaʼígíí dáʼákʼehdi tʼáá ndaalnish doo éí Diyin Bóhólníihii hágo bidííniidgo índa, háálá łaʼígíí tʼahdii yibaʼ; éí díí oochíłígíí bidił biʼééʼ doo bąąh táádaasgiz da.

86 Naalteʼídééʼ chʼínoohkaiyę́ę tʼáá éí deinóhtąʼ háálá éí tʼáá nííkʼeh ntsídaahkeesgo ánihiilaa; bąąhági ádaatʼéii tʼáadoo nidanihiloʼí, ákondi tʼáadoo nihílaʼ chin daabąąhí, Diyin Bóhólníihii níyáajįʼ.

87 Háálá tʼáadoo díkwíí da yiłkaahí nahasdzáán éí adláanii nahalingo naʼnitʼigo háádiidááh doo; áádóó jóhonaaʼéí doo yitʼį́į da dooleeł, dóó doo nihikʼi adiníłdíin da doo; áádóó ooljééʼ dił nahalin dooleeł; áádóó sǫʼ éí tʼáá íiyisíí bádahodoochįįł, dóó tsin fig bineestʼąʼ niʼjįʼ nááłdááz nahalin dooleeł.

88 Áádóó tʼáá aaníinii baa hwíínílneʼígíí bikééʼdóóʼ dineʼé hashké yichʼį́ kwíídoolííł dóó báhádzidgo yá nahwiidooʼááł.

89 Háálá tʼáá aaníinii baa hwíínílneʼígíí bikééʼdóóʼ nahasdzáán nahaʼnánígíí binahjįʼ tʼáá aaníínii ádaatʼéhígíí yaa halneʼ dooleeł, nahasdzáán éí diʼníi dooleeł, áádóó nihokááʼ dineʼé éi yikáaʼjįʼ naaʼahinidééh doo dóó chʼééh deizįįh dooleeł.

90 Áádóó ałdóʼ daʼdiʼní biinééʼ bee, dóó ndaʼdilchʼil biinééʼ bee, dóó níłtsą́ bił dooyoł biinééʼ bee tʼáá aaníínii yaa dahalneʼ dooleeł, áádóó tónteel biinééʼ náádiinahígíí bilááhgóó anídaałdas dooleeł.

91 Áádóó tʼáá ałtsogóó hahóóʼáa doo; áko tʼáá aaníigo, biláʼ ashdlaʼii bijéí ndahaltłʼáád dooleeł; háálá tʼáá ałtso dineʼé nídadooldzííł.

92 Áádóó diyin yá ndaalʼaʼí éí yáʼąąshdi tʼáá ałtsogóó deiyítʼááh dooleeł, yéego biinééʼ dadiitsʼaʼgo, Diyin God bidilní didootsʼį́į́ł, kóníigo: Hashtʼeʼádaʼdoołnééh, hashtʼeʼádaʼdoołnééh, O nahasdzáán bikááʼ kéédahohtʼíinii; háálá Diyin God biʼánahwiitʼaahii bichʼįʼ hoolzhish. Áko shooh, dóó danółʼį́, Diné Iiyehii doogááł; nílááh bichʼįʼ chʼínohkááh.

93 Áádóó tʼáá hooshchxįʼ ayóó átʼáo bee ééhózinii yádiłhił biyiʼdi deidooltsééł, áádóó tʼáá ałtso nihokááʼ dineʼé tʼáá ahą́ą́h deidoołtsééł.

94 Áádóó diyin yá ndaalʼaʼí nááná łaʼ bidilní yididoołtsʼį́į́ł, kóníigo: Éí sodizin ayóóʼátʼéii, aláádi dajoodláii yimá nilį́, tʼáá éí ałʼąą dineʼé tʼáá ałtso wáán yiyííłdlą́ą́ʼ éí ałjiłnii bibeʼadziilii naʼiiłchxǫǫhii nilį́, éí Diyin God yikééʼ naazíinii atííłʼį́, éí neiłtseed—éí adwiisʼáágóó tónteel yikááʼ dahsidá, dóó tónteel bikáaʼgi kédayahígíí yikááʼ dahsidá—áko shooh, bí éí nahasdzáán bitłʼoh naadą́ą́ʼ nahalinii nilį́; éí ahídaheeljoolgo beʼestłʼǫ́; dóó bee beʼestłʼónígíí bitsxeʼgo ályaa, diné doo łaʼ kʼeidooʼał da; éí bąą, adidoolką́ąłgo hashtʼeelyaa. Áádóó bidilní nízáádgóó ayóó íítsʼaʼgóó didootsʼį́į́ł, áádóó tʼáá ałtso diné dah deiyíkááhgóó deididootsʼį́į́ł.

95 Áádóó yáʼąąsdi doo íítsʼaʼgo ałnííʼdóó ahééʼdoolkił; áádóó tʼáá tsxíłígo bikééʼdóó yáʼąąsh bidáádiníbaal kʼídínóoltah, naaltsoos yisdisí yisdis dóó kʼééʼástʼah nahalingo, Diyin Bóhólníihii biniiʼ ííshją́ą́ ádoolnííł;

96 Áádóó idahidiikai nahasdzáán yikááʼ dahólónígíí, dahiinánígíí, náádahiidooʼnaał dóó Diyin Bóhólníihii yaa hidookah.

97 Áádóó yóó ádabiʼdiilyaayę́ę, łeeyiʼ naazhjééʼdééʼ hahidookah; áádóó yáʼąąsh yah ahóótʼiʼgi ałdóʼ yah ahidookah—

98 Éí éíí Christ daabí doo, áłtsé daneestʼáanii danilį́įgo, éí áłtsé wótʼááhgóó yił ahidookah, eí nahasdzáán yikááʼ dahólǫ́ dóó ayóó ádabiʼdiilyaago naazhjéʼígi, éí áłtsé wótʼááhdi yah ahidookah; díí tʼáá átʼé Diyin God bánaalʼaʼí biinééʼ dilní nahalingo diistsʼą́ągo ádahodoonííł.

99 Díí bikééʼdóó nááná łaʼ dilní yididoołtsʼį́į́ł, éí naaki góneʼ dilnínígíí; ákohgo índa Christ bí daazlį́ʼígíí níyaago yá nináʼdoodlééł; éí ąąh shijééʼ dooleełgi bá hashtʼehoolyaa baa dahidoolyéełdi, áko índa Diyin binahatʼá bee yisdáʼiildéehii bił chʼídadootʼááł, áádóó nihokááʼ dineʼé bitsʼíís dahólónígi átʼéego bá ndahodiyootʼááł.

100 Áádóó ałdóʼ, łaʼ dilní náádidootsʼį́į́ł, éí dilní tááʼ góneʼígíí; ákohgo índa nihokááʼ dineʼé biiʼ naazíinii bá ndahodootʼáłígíí, dóó bándahodootʼááłgo hadabiʼdiisʼį́ʼígíí ndahidookah;

101 Áádóó díí éí akéedi yóóʼadabiʼdiilyaaígíí; éí tʼááłáʼí dimííl ndááhaigo índa náádahiidooʼnaał, dóó doo náádahidooʼnaał da, nahasdzáán niníyáajįʼ índa.

102 Áádóó nááná łaʼ dilní náádidootsʼį́į́ł, éí dilní dį́į́ʼ góneʼígíí, kóníigo: Łaʼ éí bijį́ dóó ayóó átʼáo nahoníyáadi chʼéédzíʼígíí bitah, éí nihoníyáadi, éí tʼahdii bąąhági ádáátʼįįł doo.

103 Áádóó nááná łaʼ dilní náádidootsʼį́į́ł, éí dilní ashdlaʼ góneʼígíí, éí ashdlaʼ góneʼ Diyin yá naalʼaʼí Diyin binahatʼá bee yisdáʼiildéehii doo ninítʼiʼii yee ndíʼnóotį́łígíí—yáʼąąsh yíyiʼ góneʼ yitʼah doo, éi tʼáá ałtso nihokááʼ dineʼé dah deíkááhgóó, ahidaʼdiilchíín, bizaad ałʼąą ádaatʼéii dóó diné danilíinii bitahgóó;

104 Áko díí eí bidilní kóníi doo, tʼáá ałtso dineʼé yichʼįʼ kóníi doo, tʼáá áłah yáʼąąsh dóó nahasdzáán biyiʼ, áádóó nahasdzáán biyaagi—háálá tʼáá átʼé bijaaʼ yee daʼdidootsʼį́į́ł, tʼáá ałtso ntsidadidoogoh, dóó tʼáá ałtso ádaadahodoolnih, dilní diitsʼaʼígíí deiyíístsʼą́ągo, kóníigo: Diyin God bá dahodínóhsin, dóó naatʼááh yikááʼ dahsidáádééʼ niheʼ ayóó ádaatʼéii bichʼįʼ kódaałééh, hoolʼáágóó dóó ahoyoolʼáágóó; háálá bá nahodootʼááłjįʼ oʼoolkid.

105 Áádóó ałdóʼ, nááná łaʼ Diyin yá naalʼaʼí bidilní yee ádidooʼniił, éí hastáá góneʼ Diyin yá naalʼaʼí átʼį́, kóníigo: Éí yę́ę nááłdááz éí tʼáá ałtso diné dahdeinééhígíí bi ałjiłnii wáan nahalingo yiyiłdlą́ą́ʼ; naałdááz, dóó nááłdááz!

106 Áádóó ałdóʼ, nááná łaʼ Diyin yá naalʼaʼí bidilní yee ádidooʼniił, éí hastáá góneʼ Diyin yá naalʼaʼí átʼį́, kóníigo: Ałtso ádahoodzaa; ałtso bidahoolyaa! Diyin God biDibé Yázhí akʼeh deesdlį́į́ʼ dóó tʼáá sáhí wáan bee-beeʼálʼíinii neizgiz, azhą́ Diyin God Ayóóʼábóodziilii biʼáháchįʼ biwáan bee-beeʼálʼíinii báhádzidgo neizgiz.

107 Áádóó Diyin yá ndaalʼaʼí biʼayóó átʼéii bibeʼadziilii bąąh ndadoolyééł, áko Diyin yikééʼ naazíinii biʼayóó átʼéii biiʼ dahólǫ́ǫ doo, áádóó diyingo baa dahaasyáhígíí baa dahidoolyééł dóó yił ahąąh naaldeehiigo ádabiʼdidoolnííł.

108 Áádóó áłtsé Diyin yá naalʼaʼí bidilní tʼáá ałtso dahiináanii bijeeyiʼ yee ánáádadidooniił, dóó nihokááʼ dineʼé ndeiniłʼingo ádeiłʼínée ííshjááʼ ádadoolnííł, dóó Diyin God ląʼígo áyóó átʼáó bidziilgo naanish ííłʼínée áłtsé dimííl nídááhaiyę́ę ííshjáá ádoolnííł.

109 Áádóó naaki góneʼ Diyin yá naalʼaʼí bidilní yee ádidooniił, dóó nihokááʼ dineʼé ndeiniłʼingo ádaʼałʼínée, dóó binstsékees dóó bijéí biyiʼ ádeinízinígíí, dóó Diyin God ląʼígo áyóó átʼáó bidziilgo naanish ííłʼínée naaki dimííl nídááhaiyę́ę ííshjáá ádoolnííł—

110 Áádóó tʼáá ákótʼáo, ńléí Diyin yá naalʼaʼí tsostsʼidjįʼ bidilni yee ádadííniidjįʼ índa; áádóó kéyah dóó tónteel yikááʼ yidoozįįł, dóó tʼáá aaníigo naatʼááh yikááʼ dahsidéí bizééʼdóó ádidooniil, oolkiłyę́ę bíighah adooleeł; dóó Chʼį́įdii beʼdootłʼóół, éí tłʼiish sání nilį́, éí beʼiinízíinii wolyé, dóó tʼááłáʼí dimííl nídááhaijįʼ bee dahaastłʼónígíí doo kʼééʼdootʼał da.

111 Áádóó índa tʼóó níghaníjįʼ doo beʼastłʼǫ́ǫ da doo, áko bisiláołtsooʼí ałʼhąʼ íídoolííł.

112 Áádóó Michael, Diyin yá naalʼaʼí tsostsid nilínígíí, éí aláahgo Diyin yá naalʼaʼí nilį́, éí bisiláołtsooʼí ałhąʼ íídoolííł, yáʼąąsh nidaaldeehii ndi.

113 Áádóó beʼiiníziinii éí bindaabaahí ałhąʼ íídoolííł; éí chʼį́įdiitahdééʼ ndaaldeehii ndi, dóó Michael dóó bindaabaahí yikʼiidoojah.

114 Áádóó éí Diyin God ayóó átʼéii bił daʼahizhdoogą́ą́ł; áádóó beʼiiníziinii báhazʼą́ą́ góneʼ adínóolkał, áko Diyin God yikééʼ naazíinii doo yikʼi bínáádahólnííh da doo.

115 Háálá Michael bá ndoobah, áádóó tʼáá háíshį́į́ bikááʼdóó nahatʼáii yikááʼdóó dah sidáii éí naatʼááh yíká átʼínígíí yikʼehdidoodleeł, Dibé Yázhí nilíinii lą́ą́ bá.

116 Díí éí Diyin God biʼayóó átʼéii átʼé, dóó hadaałtʼéego ádabiʼdiilyaaígíí; éí doo náádadínóonééł da.

117 Éí bąą, shikʼis danohłíinii, Shí tʼáá aaníigo nihichʼįʼ haasdziih, dahodíínóhsingo áłah wohłeeh, ánihidííniidígíí bikʼehgo.

118 Áko łaʼ doo tʼáá íiyisíí daʼoodlą́ą da, saad bee hódzáanii bíká ádaahtʼį́ dóó bee ndaʼahinohtin; aooʼ, naaltsoos tsʼídá yáʼátʼéhígíí biyiʼdóó saad bee hódzáanii hadanohtá; íhooʼaah bíká ádaahtʼį́, bidadoołkaalgo ídahoołʼaah niheʼoodląʼ bee ndi.

119 Hashtʼeʼ ádaʼdoołnééh; tʼáá ałtsoní bee áhodooníłígíí hashtʼedaałééh; dóó hooghan hadadoohłééh, hooghan biiʼ sohodizinígíí, chʼiyáán ádąąh yitį́ bee hodílzingi, oodląʼ bee hooghan, hooghan biiʼ óʼhooʼaah, hooghangi diyingo ayóó áhootʼéii, hooghan hashtʼehootʼée, Diyin God bighan;

120 Diyin Bóhólníihii bízhiʼ díínísingo yah anánídaah; Diyin Bóhólníihii bízhiʼ díínísingo chʼéénídááh; Diyin Bóhólníihii bízhiʼ díínísingo ké diní, Áláahdi Ayóó Átʼéii bichʼįʼ dah díílnihgo.

121 Éí bąą, tʼáá ádzaagóó yáʼátiʼ niʼ kódaahłééh, tʼáadoo tʼáá ádzaagóó daahdlohí, bąąhági átʼeii bídádanoołninígíí niʼ kódaahłééh, tʼáá ałtso bee ádaadadzíínohdlíhígíí dóó doo dahodínohsingo nitsídaahkeesígíí niʼ kódaahłééh, dóó tʼáá ałtsoní doo yáʼáshóonii bitsʼą́ąjįʼ kódaahnééh.

122 Nanihidínóotį́łígíí łaʼ bikʼidadoołnííh, áádóó tʼáadoo tʼáá átʼé tʼáá hooshchʼįʼ nihichʼįʼ hadahadziihí; ákondi tʼááłáʼí bá náhooʼaahgo yádaałtiʼ dooleeł, áádóó tʼáá ałtso danihidiisnáago hadaʼiisdzííʼ doo, áko tʼáá áłtso tʼáá aheełtʼéego bá ahóótiʼ doo.

123 Ayóó ádaʼahíínóhníigo ałkʼidadínóhʼį́į́ʼ; tʼáadoo tʼáá nihí tʼéiyá ádaanitsídaahkeesí; Diyin binahatʼá bee yisdáʼiildéehii ánínígiʼ átʼáo nihinaadeełii bee ałhaadeijinohbaʼgo bídahoołʼaah.

124 Tʼáadoo tʼóó nihił dahóyéʼí; bąąhágiʼ átʼéii nahjįʼ kódaałééh; tʼáadoo ni kónítʼé daʼahidohníní; tʼáadoo shábííghah daʼołhoshí; tʼahdą́ą́ʼ ndaʼoołhosh, áko doo chʼééhdooyáa da doo; tʼah abíínídą́ą́ʼ ndaahkai, áko nihitsʼíís dóó nihíníʼ bitah dahwiinéí doo.

125 Áádóó alááhdi éí, Diyin God beʼayóóʼóʼóní ádąąh ndanołtsóós bíniʼ nihótąʼ, ééʼ nineezí hąąh siłtsooz nahalingo, éí kʼé náhásdlį́į́ʼ hadaałtʼéego ahóltąʼígíí átʼé.

126 Tʼáá áłahjįʼ sodadoołzin, áko doo nihił chʼaahodooleeł da, nihaa nánísdzáajįʼ kótʼée doo. Áko shooh, dóó danółʼį́, tsxį́į́łgo deeshááł, dóó shił honohłǫ́ǫ doo. Amen.

127 Áádóó ałdóʼ, Diyin yá yádaałtiʼí bá óltaʼgi yilą́ąjįʼ naazíinii bikin hashtʼedadoolnííł, tʼáá ałtsoní bee naʼnitin nidzinígíí bá hadidoolnííł, tʼáá ałtso sodizinjí binaatʼáanii bá doo, éí doodago kótʼáo ałdishní, sodizinjí ndaʼnitin doogo bikʼidahodiiniiʼígíí, high priest bee hahodoolzhish, dóó níléí deacon danilíiniij́įʼ—

128 Áádóó díígiʼ átʼáo sodizin yilą́ąjįʼ naazíinii biʼóltaʼ bikin hashtʼe doolnííł: Alą́ąjįʼ dahsidáhígíí, eí doodago naʼnitinígíí, éí nahaʼáa doogi sizį́į doo, éí kin bá hashtʼedoolníłígíí biyiʼ.

129 Éí bąą, éí áłtsé Diyin God bighan biyiʼdi bá hazʼą́ą doo, tsʼídá hooghan biyiʼ bizaad hazhóʼó dóó tsʼídá bikʼeʼ diʼdootʼį́łígíí átʼéego, éí doo dilwoshgo yáłtiʼ da.

130 Áádóó Diyin God bighan góneʼ yah iigháahgo, éí áłtsé hooghan góneʼ yah adoogááł—áko shooh, díí nizhónígo, yee ásizį́į doo—

131 Bíniʼdii ntsídeesgoʼgo Diyin God yichʼįʼ sodilzin doo, bee dah adilnih éí doodago hoolʼáágóó bee ahaʼdeetʼą́ bééhániih dooleeł biniyé.

132 Áádoó łaʼ bikééʼ yah eekaigo, biníʼdii naʼnitiní yidoozįįł, dóó, yáʼąąsh gódeʼ dahdéésniiʼgo, aooʼ, tʼáá kʼéházdon, bikʼis dóó dabikʼis díí saad bee kʼé yididooniił kóníigo:

133 Daʼ níísh shikʼis doodago shikʼéí nílį́? Diyin Bóhólníihii Jesus Christ bízhiʼ binahjįʼ kʼé nihidishní, bee dah adilnih éí doodago hoolʼáágóó bee ahaʼdeetʼą́ bééhániih dooleeł biniyé, bee óʼoolʼįįł doodago hoolʼáágóó diyingo ałhaʼdeetʼą́, éí ałhaʼdeetʼánígíí binahjįʼ kʼé nihidishní, éí doo nahjįʼ kódoolnííł da, dóó doo łahgo ádoonííł da, nikʼis dóó nikʼéí nishłį́įgo Diyin God bibee ajoobaʼ bee éí ayóóʼóʼóní binahjįʼ ótąʼii bee, éí Diyin God bibee hazʼáanii doo hakʼijįʼ kótʼéégóó oodááłgo, ahéheeʼ haʼníigo, hoolʼáágóó dóó ahoyoolʼáágóó. Amen.

134 Áádóó háida díí dah adiilnííh doo bił nilį́į́góó éí doo nihitah hólǫ́ǫ da doo; háálá shighan doo yidoołchxǫǫł da.

135 Áádóó háida yah ííyáago dóó shidááhdóó oodlą́ągo, dóó akʼis, éí doodago akʼéí danilíigo, éí alą́ąjįʼ sizíinii doodago naʼnitiní yáʼąąshjigo dah doolnih, dóó díí sodizin dóó ałhaʼdeetʼą́ tʼáá éí, doodago Amen níigo, dóó oʼoolʼįįł tʼáá éí átʼéego.

136 Áko shooh, Shí tʼáá aaníigo, nihichʼįʼ haasdziih, díí éí yaa halneʼ átʼé dóó ałchʼįʼ dah dilnih Diyin God bighan biyiʼ, éí Diyin yá yádaałtiʼí bá óltaʼ biyiʼ átʼé.

137 Áádóó díí éí sodizin dóó ahééhwiinidzin, éí Iiʼ sizį́ Diyinii Diyin Bóhólníihii bighan biyiʼ tʼáá átʼé baa naninánígíí yaa hadoodzih, Diyin yá yádaałtiʼí bá óltaʼ biyiʼ, éí aaʼ áháyą́ bá hazʼą́ą dooleeł, Iiʼ Sizį́ Diyinii bá hazʼą́ągo éí diyingo ídahwiidoołʼááł.

138 Áádóó doo éí łaʼ nihitahdóó díí óltaʼgi doo nihił yah adoogááł da tʼáá hazhóʼí díí daʼíchííh bibąąhági ádaatʼéii bąąh tánásgizgo tʼéiyá;

139 Áádóó akeeʼ tánágisjí óʼoolʼįįłjí yee yah adoogáál, háálá díí biniyé akeeʼ tánágis oʼoolʼįįł hadilyaa.

140 Áádóó ałdóʼ, akeeʼ tánágis oʼoolʼįįł éí alą́ąjįʼ sizíinii ąąh íídoolííł, éí doodago sodizin góneʼ elder nilíinii alą́ąjį sizį́ áyiilaaígíí.

141 Éí sodizin bee hahodoolzhish; áádóó bááh dóó wáan choyoosʼįįdgo, John wóltaʼii 13gi bikʼehgo bitʼáá aaníigo shaa haadzííʼgi ádąąh nidoolééł. Amen.