Isigaba 91
Isambulo esanikwa ngoJoseph Smith umPhrofethi, eKirtland, e-Ohio, ngomhlaka 9Â Mashi 1833. UmPhrofethi ngalesi sikhathi wayese msebenzini wokuhumusha iTestamente eliDala. Ngesikhathi efika kuleyo ngxenye yemibhalo yakudala ebizwa ngokuthi yi-Aphokhrifa, wabuza eNkosini wase ethola lomyalelo.
1–3, I-Aphokhrifa ihunyushwe ngokuyikho ikakulu kodwa iqukethe izijobelelo zamagama eziningi ngezandla zabantu ezingelona iqiniso; 4–6, Isiza labo abakhanyiselwe nguMoya.
1 Ngiqinisile, isho kanje iNkosi kini nge-Aphokhrifa—Ziningi izinto eziqukethwe kuyo eziliqiniso, futhi ikakhulu ihunyushwe ngokuyikho;
2 Ziningi izinto eziqukethwe kuyo ezingelona iqiniso, eziyizijobelelo ngezandla zabantu.
3 Ngiqinisile, ngithi kini, akudingekile ukuba i-Aphokhrifa ihunyushwe.
4 Ngakho-ke, lowo oyifundayo, makaqonde, ngokuba uMoya uyaliveza iqiniso;
5 Futhi lowo okhanyiselwe nguMoya uyofumana inzuzo kuyo;
6 Futhi lowo ongafumani ukukhanyiselwa nguMoya, ngeke asizakale. Ngakho-ke akudingekile ukuba ihunyushwe. Amen.