13. Mansion House ilo Nauvoo
Josep Smith Jr. im baam̧le eo an rekar em̧m̧akūttok n̄an Mansion House ilo Nauvoo ilo O̧kwōj 1843. Tokālik juon dam̧oļo̧k kar kobaikļo̧k n̄an turear in m̧weo eļap kōn bar 22 ruum̧ ko iaolepān m̧weo. Jino ilo Jānwōde 1844, Ebenezer Robinson eaar lale m̧wiin āinwōt juon wōteļ, im Rikanaan eo eaar bōk jiljino ian ruum̧ kein n̄an baam̧le eo an. M̧wiin eaar jerbal āinwōt juon jikin iiaio n̄an jukjukin pād eo ilo Nauvoo. Riutiej ro reļļap kar karuwaineneik er ijin jān Rikanaan eo.
Men Ko Reļļap: Ilo Juun 27, 1844 Rikanaan Josep im ļeo jatin Hyrum rekar buuki im m̧an er ilo Carthage, Illinois, im ānbwinnier kar būktok n̄an m̧wiin n̄an babu im kōttare ilomej eo aer. Rekar kallib ilo juon lōb an baam̧le edik iturājet in Main Street, iturilik in juon em̧ kōm̧m̧an jān dipiion kāān wōjke Josep eaar jokwe ie ke eaar itok jinoin n̄an Nauvoo. Emma Smith eaar jokwe ilo Mansion House m̧ae 1871. Innām eaar em̧m̧akūtļo̧k ilo M̧weo Im̧ōn Nauvoo, ijo liin eaar mej ie ilo 1879.