Ekkatak Ejipan̄

Bwebwenaton Kabun̄ In Pija Ko

Men Ko Kobban
Kadkad In
Tu Depakpakin
1. Bukun Wōjke Ekwōjarjar
2. Bat Kumora im Peļaakin Palmyra-Manchester
3. M̧weo im̧ōn Josep Smith Sr. kōm̧m̧an jān Dipiion Kāān Wōjke
4. Grandin Press im Print Shop
5. Reba Susquehanna
6. M̧weo im̧ōn Piter Whitmer Sr.
7. Im̧ōn Wia eo an Newel K. Whitney im Company
8. M̧weo Im̧ōn Jon Johnson
9. Kirtland Tampeļ
10. Adam-ondai-Aman
11. Jikin eo n̄an Far West Tampeļ
12. Kalbuuj eo ilo Liberty
13. Mansion House ilo Nauvoo
14. Im̧ōn Wia Brick Būrōrō eo an Josep Smith Jr.
15. Nauvoo Tampeļ
16. Kalbuuj eo ilo Carthage
17. Diwōjļo̧k eo n̄an Rilik
18. Salt Lake Tampeļ

Bwebwenaton Kabun̄ In Pija Ko

Bwebwenaton Kabun̄ In Pija Ko

Kadkad In
Pija kein kōn jikin ko reaorōk in bwebwenatoin Kabun̄ in rej kwaļo̧k bwidej ko Ro Rekwōjarjar ilo Raan Ko Āliktata rekar etetal ie, ijoko rikanaan ro raan kein rekar mour im katakin, im ijoko elōn̄ men ko reļļap ilo jeje ko rekwōjarjar rekar bōk jikier.
Tu Depakpakin
Mab in ilaļ ej kwaļo̧k ijoko kar bōk pija kein ie ilo m̧ōttan jab in. Ilo peij ko tok ālik, kajojo pija em̧ōj nōmbaiki ej itok ippān tok juon kōmeļeļe ekadu kōn ijo bōke ie. Men ko reļļap ilo jeje ko jān jikin in em̧ōj kōllaajraki, ippāer eoon in jipan̄ ko bwe kwōn maron̄ jeļā ia eo kwo maron̄ riit eļapļo̧k kōn men kein reļļap.
1. Bukun Wōjke Ekwōjarjar
Bukun Wōjke Ekwōjarjar ej pād ilo Palmyra im Manchester Townships, New York. Bukun wōjke in ej jutak iturilikin wōt ijo em̧ jidikdik eo kōm̧m̧an jān dipiio kāān wōjke im̧ōn baam̧le eo an Smith eaar pād ie ilo 1820 eo.
2. Bat Kumora im Peļaakin Palmyra-Manchester
Erre nin̄aļo̧k, pija in ej kwaļo̧k Bat Kumora ilo Manchester, New York. Bat in ej waļo̧k ilo itulaļ ituanbwijmaron̄ in pija in im tōbtōblōn̄ļo̧k jidik n̄an jimattan n̄an tulōn̄in. Monument mouj eo loe ituiōn̄ in jem̧ļo̧k in bat in ej kautiej enjeļ Moronai im waļo̧ktok eo an Bok in Mormon. Bat Kumora ej jutak enan̄in ļalem kilomita ko iturōk-turear in Bukun Wōjke Ekwōjarjar eo. Epaake tulōn̄in pija in ej Jikin Kwelo̧k in Edik an Palmyra, jiljino im jimattan kilomita ettoļo̧k. Jikin kallib eo an baam̧le eo an Smith im Bukun Wōjke Ekwōjarjar rej pād itulōn̄-tuanmiin̄ in pija in.
3. M̧weo im̧ōn Josep Smith Sr. kōm̧m̧an jān Dipiion Kāān Wōjke
Annan̄ in m̧weo im̧ōn Josep Smith Sr., kar kalōk e ioon jikin eo me m̧weo m̧okta im̧ōn kōm̧m̧an jān dipiion kāān wōjke iturin Palmyra, New York. Baam̧le eo an Smith eaar kalōk e m̧weo m̧okta juon-im-juon-jimattan utiejen kōm̧m̧an jān dipiion kāān wōjke ejjab etto jān ke rekar tōprakļo̧k ilo Palmyra. Baam̧le eo eaar jokwe ijo jān 1819 n̄an 1825.
4. Grandin Press im Print Shop
Print shop eo an Egbert B. Grandin kar kōjepļaak n̄an jekjek eo an m̧okta ilo Palmyra, New York, ijo edition eo m̧oktata an Bok in Mormon ekar kōm̧m̧an ilo jekjekin bok ilo 1830. Martin Harris eaar mortgage e jikin kallib eo an im wia kake m̧ōttan n̄an kōļļāik wōņāān print i 5,000 copy in Bok in Mormon. Typesetting ekar ijjino ilo O̧kwōj 1829, im copy ko rededeļo̧k rekar pojak ilo M̧aaj 26, 1830.
5. Reba Susquehanna
Pija in ej kwaļo̧k Susquehanna Reba ilo Harmony Township, Pennsylvania.
6. M̧weo im̧ōn Piter Whitmer Sr.
M̧wiin kōm̧m̧an jān dipiion kāān wōjke ej bōk jikin lukkuun m̧weo im̧ōn Piter Whitmer Sr. ilo Fayette, New York.
7. Im̧ōn Wia eo an Newel K. Whitney im Company
Im̧ōn wia in ekar ļap kuņaan ilo bwebwenatoin Kabun̄ in ilo Kirtland. Josep im Emma Smith rekar jokwe ijin ium̧win jidik iien ekadu. Jet revelesōn reļļap kar bōki ijin. Jikuuļ eo an Rikanaan Ro ekar kōm̧m̧an ilo ruum̧ in ko̧koņ eo an im̧ōn wia in jān Jānwōde 24, 1833 m̧ae juon iien ilo Eprōļ 1833.
8. M̧weo Im̧ōn Jon Johnson
M̧weo im̧ōn Jon im Alice Johnson ekar pād ilo Hiram, Ohio. Ruum̧ in ej pād ilo po eo kein karuo.
9. Kirtland Tampeļ
Kirtland Tampeļ ej pād ilo Kirtland, Ohio.
10. Adam-ondai-Aman
Erreļo̧k iturōk n̄an kom̧laļ in Adam-ondai-Aman, juon kom̧laļ elur, eaiboojoj ej pād ilo tuiōn̄-turear in Missouri iturin jukjukin pād in Gallatin.
11. Jikin eo n̄an Far West Tampeļ
Jukjukin pād eo ilo Far West, Missouri, ekar jikin jokwe n̄an 3,000 n̄an 5,000 Ro Rekwōjarjar rekar kappukot jikin koone jān kebiōp ilo Kounty kein Jackson im Kle. Ilo 1838 eo Irooj ar jiron̄ Ro Rekwōjarjar n̄an kalek juon tampeļ ijin (lale K&B 115:7–8). Matōrtōr an jar ko rellej ar bōprae er jān kōm̧m̧an āinwōt. Ilo Oktoba 31 in iiō eo, Rikanaan Josep Smith im ritōl ro jet an Kabun̄ rekar jibwe er im, ālikin ekajet in lale n̄e rej aikuj kalbuuj ak jaab ilo Richmond, rekar kalbuuj ilo Kalbuuj eo ilo Liberty. Ilo an̄ōnean̄ in 1838–1839 eo, Ro Rekwōjarjar ilo Raan Ko Āliktata rekar lukwarkware er jān Far West im jikin ko jet ilo Missouri im rekar etal n̄an jokwe ilo Illinois.
12. Kalbuuj eo ilo Liberty
Im̧ōn kalbuuj eo ilo Liberty, Missouri, iturinļo̧k 1878. Josep Smith im bar ļalem em̧m̧aan rekar rikalbuuj ilo ejjeļo̧k ruweer ilowaan wall ko emān ne mijelier jān Tijem̧ba 1, 1838 m̧ae Eprōļ 6, 1839. (Sidney Rigdon kar kōtļo̧k e ilo jem̧ļo̧kin Pāpode.) Dāpiji wōt er ilo po eo ilaļ ak m̧ōttan eo rej ba ron̄ ilo m̧wiin, rekar kiki ioon dekā m̧ōļo, laļ ej kalbubu kōn ujooj aetok im jidik wōt bōbrae jān m̧ōļo in an̄ōnean̄.
13. Mansion House ilo Nauvoo
Josep Smith Jr. im baam̧le eo an rekar em̧m̧akūttok n̄an Mansion House ilo Nauvoo ilo O̧kwōj 1843. Tokālik juon dam̧oļo̧k kar kobaikļo̧k n̄an turear in m̧weo eļap kōn bar 22 ruum̧ ko iaolepān m̧weo. Jino ilo Jānwōde 1844, Ebenezer Robinson eaar lale m̧wiin āinwōt juon wōteļ, im Rikanaan eo eaar bōk jiljino ian ruum̧ kein n̄an baam̧le eo an. M̧wiin eaar jerbal āinwōt juon jikin iiaio n̄an jukjukin pād eo ilo Nauvoo. Riutiej ro reļļap kar karuwaineneik er ijin jān Rikanaan eo.
14. Im̧ōn Wia Brick Būrōrō eo an Josep Smith Jr.
Bar ekkal in im̧ōn wia im opij in an Josep Smith Jr. ej pād ilo Nauvoo, Illinois. Ekar juon ian m̧ōko reaorōk ilo Kabun̄ in ilo tōre eo ilo Nauvoo. Ekar jab jerbal wōt āinwōt juon im̧ōn wia, ekar barāinwōt erom juon jikin iiaio, jikin jerbal, jikin ekkōnono kōn kien, im m̧akūtkūt ko an kabun̄. Josep Smith eaar wōr juon an opij ilo po eo kein karuo.
15. Nauvoo Tampeļ
Nauvoo Tampeļ eo jinointata ijin ekar ekkal jān dekā iawewe ko remouj im kūbween upaaj ijin. M̧wiin kar jon̄an 39 mita aetok im 27 mita depakpak. Tulōn̄in im̧ōn bar eo an eaar jutak 48 mita ilōn̄in bwidej. Ro uwaan Kabun̄ rekar kōm̧m̧an eļap katok ko n̄an kalōk tampeļ aiboojoj in, jino jerbal e ilo 1841. Jet rekar jerbal allōn̄ ko ilo m̧wiin; ro jet rekar ajeļo̧k m̧ani ko aer. Men̄e ekar jab kanooj dedeļo̧k, tampeļ eo eaar kanooj obrak kōn ro uwaan kabun̄ in rekar itok n̄an bōk kain̄i ko ilo allōn̄ ko m̧okta jān aer ko ļo̧k n̄an Rilik. Men̄e elōn̄ ian Ro Rekwōjarjar rekar likūt Nauvoo ilo tum̧aan in rak in 1846 ium̧win kōlōļn̄o̧n̄ an jarin ire ko, jet rijerbal kōjenolo̧k er kar pād wōt n̄an kadedeļo̧k tampeļ in. Ilo Eprōļ 30, 1846, Elder rein Orson Hyde im Wilford Woodruff jān Doulul eo an Jon̄oulruo im enan̄in 20 bar jet rekar aje m̧wiin im̧ōn Irooj. Tampeļ in kar kaarmejjete e ilo Jeptōm̧ba ke bwein ro uwaan Kabun̄ in kar lukwarkwareļo̧k er jān Nauvoo; innām jarin ire ko kar kattoone m̧wiin ekwōjarjar. Tulowaan eaar jorrān jān kijeek ilo Oktoba 1848. Tampel eo kar bar kaleke (ej pija ijin), juon jon̄ok ej lo̧ore wōt jekjek in eo jinoin, kar aje jān President Gordon B. Hinckley ilo Juun 27–30, 2002.
16. Kalbuuj eo ilo Carthage
Im̧ōn kalbuuj eo ilo jikin kwelo̧k jidik in Carthage, Illinois.
17. Diwōjļo̧k eo n̄an Rilik
Jino in em̧m̧akūt eo jān Nauvoo, Illinois, kar karōke n̄an M̧aaj–Eprōļ, a kōnke kōlōļn̄o̧n̄ an jarin ire ko President Brigham Young eaar tōl diwōjļo̧k eo an Ro Rekwōjarjar im kijoone Reba Mississippi jino ilo Pāpode 4, 1846. President Young eaar pād wōt n̄an jerbale mennin letok ekwōjarjar ko n̄an Ro Rekwōjarjar im ekar jab likūt Nauvoo m̧ae lukwolpānļo̧k Pāpode eo.
18. Salt Lake Tampeļ
Salt Lake Tampeļ, erretok jān iōn̄irear. Jet wōt raan ko ālikin an kumi eo kein kajuon in riļāwōd ro an Ro Rekwōjarjar ilo Raan Ko Āliktata deļo̧n̄ļo̧k ilo Kom̧laļ in Salt Lake, President Brigham Young eaar katōke jokoņ eo jokoņan ilo bwidej im ba, “Ijo in jenaaj kalōk tampeļ eo an ad Anij.” Bwidej eo raar rupe ilo Pāpode 14, 1853. Ilo Eprōļ 6, 1853, dekā in jabōn em̧ ko rekar babu. Tampeļ in eaar dedeļo̧k im kar aje 40 iiō tokālik ilo Eprōļ 6, 1893. Presidency eo Kein Kajuon im Doulul eo an Jon̄oulruo Rijjilōk rej kwelo̧k ijin kajjojo wiik im arto-artak im kappukot tōl eo an Irooj ilo kōm̧akūtkūt im kalōke aelōn̄ eo an Anij.