6. M̧weo im̧ōn Piter Whitmer Sr.

M̧wiin kōm̧m̧an jān dipiion kāān wōjke ej bōk jikin lukkuun m̧weo im̧ōn Piter Whitmer Sr. ilo Fayette, New York.

Men Ko Reļļap: Josep Smith eaar kadedeļo̧k ukok eo an Bok in Mormon ijin ilo jem̧ļo̧k in ļo̧k Juun 1829. Ibuļōn wōjke ko iturin m̧wiin, Rikam̧ool Ro Jilu raar lo enjeļ Moronai im pileij gold ko. Naan in kam̧ool eo aer ej kiiō jeje ilo aolep copy ko an Bok in Mormon. Ilo Eprōļ 6, 1830, enan̄in 60 armej rekar kukļo̧k ilo m̧weo im̧ōn Piter Whitmer n̄an kam̧ool lukkuun jutak eo an Kabun̄ eo an Jisōs Kraist (K&B 20). Kwelo̧k ko im kwelo̧k ko an Kabun̄ in ej kab jutak rekar kōm̧m̧ani ijin. Ron̄oul ian revelesōn ko repād ilo Katak im Bujen Ko kar bōki ilo m̧wiin im̧ōn Piter Whitmer.