18. Salt Lake Tampeļ

Salt Lake Tampeļ, erretok jān iōn̄irear. Jet wōt raan ko ālikin an kumi eo kein kajuon in riļāwōd ro an Ro Rekwōjarjar ilo Raan Ko Āliktata deļo̧n̄ļo̧k ilo Kom̧laļ in Salt Lake, President Brigham Young eaar katōke jokoņ eo jokoņan ilo bwidej im ba, “Ijo in jenaaj kalōk tampeļ eo an ad Anij.” Bwidej eo raar rupe ilo Pāpode 14, 1853. Ilo Eprōļ 6, 1853, dekā in jabōn em̧ ko rekar babu. Tampeļ in eaar dedeļo̧k im kar aje 40 iiō tokālik ilo Eprōļ 6, 1893. Presidency eo Kein Kajuon im Doulul eo an Jon̄oulruo Rijjilōk rej kwelo̧k ijin kajjojo wiik im arto-artak im kappukot tōl eo an Irooj ilo kōm̧akūtkūt im kalōke aelōn̄ eo an Anij.

Men Ko Reļļap: Irooj ej leļo̧k n̄an President ro an Kabun̄ in im Ritōl ro Reļļap jet juon lutōkleplep in jitōbōn revelesōn ijin, ekobaik Kean̄ Jān Kabun̄ 2. Kiiō epaak, Presidency eo Kein Kajuon im Ko̧o̧njeļ eo an Jon̄oulruo Rijjilōk rekar aolep rejetake im kajeedede “Baam̧le Eo: Juon Kean̄ n̄an Laļ In.” Kain̄i ko an tampeļ rej kōm̧m̧ani n̄an jim̧or ro remour im ro remej rej kōjeraam̧m̧an mour ko an milien ko.