5. Reba Susquehanna
Pija in ej kwaļo̧k Susquehanna Reba ilo Harmony Township, Pennsylvania.
Men Ko Reļļap: Josep Smith Jr. eaar itok m̧okta n̄an Harmony ilo 1825 n̄an kappok jerbal. E im jemān rekar jokwe im m̧ōn̄ā ilo juon em̧ epaake ijin ilo m̧weo im̧ōn Aisak Hale, ijo Josep eaar iioone alen kein kajuon Emma Hale, kōrā eo naaj pāleen (JS—B 1:56–57). Josep im Emma raar m̧are ilo Jānwōde 18, 1827. Rikanaan eo eaar bōki pileij gold ko Jeptōm̧ba 22, 1827, ilo Manchester, New York, im ejjab to eaar em̧m̧akūtļo̧k ippān Emma n̄an Harmony, ijo eaar jino ukōti pileij ko. Ilo iien ukok eo an Bok in Mormon, Josep im Oliver rekar kōņaan jeļā eļapļo̧k kōn peptaij im rekar m̧aajļo̧k n̄an juon jikin ilo bukun wōjke ko iturin ijin n̄an jar n̄an Irooj kake men in. Ilo uwaak n̄an jar eo an, Jon Peptaij eaar waļo̧kļo̧k ilo Māe 15, 1829 (JS—B 1:66–74; K&B 13). Eaar likūt Priesthood eo an Aron ioon Josep im Oliver. Innām raar etal n̄an reba eo im peptaiji doon kōn jeorļo̧k jero̧wiwi ko. Innām Josep im Oliver rekar bōk tōl jān Jon Peptaij n̄an kapit doon n̄an Priesthood eo an Aron. Ej jab to tokālik, Piter, Jemes, im Jon raar waļo̧kļo̧k ikōtaan Harmony im Colesville im likūt ioon Josep im Oliver Melkizedek Priesthood eo (K&B 27:12–13; 128:20).