LSS, Sēnesi 15:9–12. Fakafehoanaki mo e Sēnesi 15:1–6
ʻOku ʻilo ʻa ʻĒpalahame ki he Toetuʻú mo mamata ʻi ha meʻa-hā-mai ki he ngāue fakafaifekau ʻa Sīsū ʻi he moʻui fakamatelié.
9 Pea naʻe pehē ʻe ʻEpalame, ʻE ʻEiki ko e ʻOtua, ʻe fēfē haʻo foaki kiate au ʻa e fonuá ni ke hoko ko ha tofiʻa ʻo lauikuonga?
10 Pea naʻe folofola mai ʻa e ʻEikí, Neongo naʻá ke mate, ka ʻoku ʻikai koā te u mafai ke foaki ia kiate koe?
11 Pea kapau te ke mate, ka te ke maʻu ia, he ʻe hoko ʻa e ʻaho, ʻe moʻui ai ʻa e Foha ʻo e Tangatá; ka ʻe fēfē haʻane moʻui kapau kuo ʻikai ke ne mate? Kuo pau ke tomuʻa fakaake ia.
12 Pea naʻe hoko ʻo pehē, naʻe vakai atu ʻa ʻEpalame ʻo ne mamata ki he ngaahi ʻaho ʻo e Foha ʻo e Tangatá, pea fiefia ia, pea naʻe maʻu ʻe hono laumālié ʻa e fiemālie, pea naʻá ne tui ki he ʻEikí; pea naʻe lau ia ʻe he ʻEikí ko e māʻoniʻoni kiate ia.