BJS, Genese 15:9–12. Meka na Genese 15:1–6
Abalayama ayekoli na ntina ya bosekwi mpe amoni mosala ya kufa ya Yesu na limoni.
9 Mpe Abalama alobaki, Nkolo Nzambe, lolenge nini okopesa ngai mabele oyo mpo na kosangola libula ya libela?
10 Mpe Nkolo alobaki, Ata soki ozalaki ya kokufa, ekokaki ngai te nzokande kopesa yo yango?
11 Mpe soki okokufa, okozwa yango kaka, mpo mokolo ezali koya, ete Mwana ya Moto akozala na bomoi; kasi ndenge nini akozala na bomoi soki akufi te? Asengeli yambo kopesama bomoi.
12 Mpe esalemaki, ete Abalama azwaki limoni mpe amonaki Mwana ya Moto, mpe asepelaki, mpe molimo na ye ezwaki bopemi, mpe andimaki Nkolo, mpe Nkolo atangelaki ye yango lokola bosembo.