BJS, Genese 50:24–38. Meka na Genese 50:24–26; 2 Nefi 3:4–22
Na Ejipito Yosefe asakoli na ntina ya Mose ete akokangola Yisalaele na bowumbu ya Ejipito; na ntina ya etape ya bana ya Yosefe bamemami na mboka ya mosika, wapi bakokundola bango na liyokani ya Nkolo; na ntina ya libiangi ya Nzambe ya profeta moko ya mikolo ya nsuka na nkombo ya Joseph mpo na kosangisa makomi ya Yuda mpe ya Yosefe; mpe na ntina ya Alona kosalaka lokola molobeli ya Mose.
24 Mpe Yosefe alobaki epayi ya bandeko na ye, Nakufi, mpe nakeyi epayi ya batata na ngai; mpe nakiti na lilita na ngai na bosepeli. Nzambe ya tata na ngai Yakobo azala na bino, mpo na kokangola bino uta na mitungisi na mikolo ya boumbu na bino; mpo Nkolo asili koya kotala ngai, mpe nazwaki elaka uta na Nkolo, ete na mbuma ya nketo na ngai, Nkolo Nzambe akobimisa etape ya bosembo uta na nketo na ngai; mpe mpo na bino, baoyo tata na ngai Yakobo apesaki nkombo ya Yisalaele, profeta moko; (Masiya oyo abiangami Shilo te;) mpe profeta oyo akokangola bato na ngai uta na Ejipito na mikolo ya bowumbu na yo.
25 Mpe ekosalema ete bakopanzama lisusu; mpe etape moko ekobukana, mpe ekomemama na ekolo moko ya mosika; nzokande bakokundolama kati na mayokani ya Nkolo, ntango Masiya akoya; mpo akomonisama epayi na bango na mikolo ya nsuka, kati na Molimo ya nguya; mpe akobimisa bango uta na molili kati na pole; uta na molili ya bobombani, mpe uta na bokangemi kati na bonsomi.
26 Nkolo Nzambe na ngai akotelemisa momoni moko, oyo akozala momoni ya boponi mpo na mbuma ya nketo na ngai.
27 Boye elobi Nkolo Nzambe ya batata na ngai epayi na ngai, Nakotelemisa uta na mbuma ya nketo na yo momoni moko ya boponi, mpe akokumisama mpenza na kati ya mbuma ya nketo na yo; mpe epayi na ye nakopesa motindo ete asala mosala mpo na mbuma ya nketo na yo, bandeko na ye.
28 Mpe akomema bango na boyebi ya mayokani oyo nasili kosala na batata na bino; mpe akosala mosala mona nyonso nakotinda ye.
29 Mpe nakoyeisa ye monene na miso na ngai, mpo akosala mosala na ngai; mpe akozala monene lokola ye oyo nalobaki nakotelemisa mpo na bino, mpo na kokangola bato na ngai, O ndako ya Yisalaele, uta na mboka ya Ejipito; mpo nakotelemisa momoni mpo na kokangola bato na ngai uta na mboka ya Ejipito; mpe akobiangama Mose. Mpe na nkombo oyo akoyeba ete azali ya ndako na yo; mpo akomelisama mabele na mwana mwasi ya mokonzi, mpe akobiangama mwana mobali na ye.
30 Mpe lisusu, momoni moko ekotelemisa ngai uta na mbuma ya nketo na yo, mpe epayi na ye nakopesa nguya ya kobimisa liloba na ngai epayi na nkona ya nketo na yo; mpe bobele mpo na kobimisa liloba na ngai te, elobi Nkolo, kasi mpo na kondimisa bango liloba na ngai, oyo esili kala kobimisama na kati ya bango na mikolo ya nsuka;
31 Yango wana mbuma ya nketo na yo ekokoma, mpe mbuma ya nketo ya Yuda ekokoma; mpe oyo ekokomama na mbuma ya nketo na yo, mpe lisusu oyo ekokomama na mbuma ya nketo ya Yuda, ekokola esika moko mpo na kobulunganisa malongi ya lokuta, mpe kosilisa boweli, mpe kozongisa kimia na kati ya mbuma ya nketo na yo, mpe komema bango na boyebi ya batata na bango na mikolo ya nsuka; mpe lisusu na boyebi ya mayokani na ngai, elobi Nkolo.
32 Mpe uta na bolembu akoyeisama makasi, na mokolo wana ntango mosala na ngai mokobima na kati ya bato na ngai nyonso, oyo bakozongisa bango, baoyo bazali bato ya ndako ya Yisalaele, na mikolo ya nsuka.
33 Mpe momoni wana nakopambola ye, mpe baoyo wana bakoluka kobebisa ye bakosambwisama; mpo elaka oyo napesi epayi na bino; mpo nakokundola bino uta nkola na nkola; mpe nkombo na ye ekobiangama Yosefe, mpe ekozala na nkombo ya tata na ye; mpe akozala lokola yo; mpo makambo oyo Nkolo akobimisa na loboko na ye makomema bato na ngai na lobiko.
34 Mpe Nkolo alapaki ndai na Yosefe ete akobatela nkona na ye libela, kolobaka, nakotelemisa Mose, mpe lingenda ekozala na loboko na ye, mpe akosangisa bato na ngai esika moko, mpe akokamba bango lokola etonga, mpe akobeta mai ya Mbu Etane na lingenda na ye.
35 Mpe akozala na bosambisi, mpe akokoma liloba ya Nkolo. Mpe akoloba maloba mingi te, mpo nakokoma mobeko na ngai epayi na ye na mosapi ya loboko na ngai moko. Mpe nakopesa molobeli moko mpo na kosunga ye, mpe nkombo na ye ekobiangama Alona.
36 Mpe ekosalema epayi na bino lisusu na mikolo ya nsuka, kutu lokola nalapaki. Boye, Yosefe alobaki epayi ya bandeko na ye, Solo Nzambe akoya kotala bino, mpe kobimisa bino uta na mboka oyo, kokende na mboka oyo alapaki na Abalayama, mpe na Yisaka, mpe na Yakobo.
37 Mpe Yosefe andimaki makambo mosusu mingi lokola solo epayi ya bandeko na ye, mpe bakataki ndai uta na bana ya Yisalaele, kolobaka epayi na bango, Solo Nzambe akoya kotala bino, mpe bokomema mikuwa na ngai uta na esika oyo.
38 Bongo Yosefe akufaki wana ezalaki ye na mibu monkama mpe zomi; mpe babongisaki ye, mpe batiaki ye na sanduku na Ejipito; mpe bapekisaki bokundi na ye na bana ya Yisalaele, ete bakoka komema mpe kotia ye na nkunda elongo na batata na ye. Mpe boye bakundolaki ndai oyo balapaki epayi na ye.