LSS, Sione 6:44. Fakafehoanaki mo e Sione 6:44
Ko e finangalo ʻo e Tamaí ke maʻu ʻe he taha kotoa ʻa Sīsū. Ko kinautolu ʻoku fai e finangalo ʻo Sīsuú ʻe fokotuʻu hake ia ʻi he toetuʻu ʻa e kau angatonú.
44 ʻE ʻikai lava ke haʻu ha tangata kiate au, tukukehe ʻo ka ne fai e finangalo ʻo ʻeku Tamaí ʻa ia kuó ne fekauʻi mai aú. Pea ko e finangalo eni ʻo ia kuó ne fekauʻi mai aú, ke mou maʻu e ʻAló; he ʻoku fakamoʻoniʻi ia ʻe he Tamaí; pea ko ia ia ʻokú ne maʻu e fakamoʻoní, mo fai e finangalo ʻo ia kuó ne fekauʻi aú, te u fokotuʻu hake ia ʻi he toetuʻu ʻa e kau angatonú.