16 Im raar ba n̄an E, Epād ippām kien eo, im rikanaan ro; a n̄e kōn ļein kōm ban bōk e bwe en am irooj; bwe e ej kōm̧m̧an bwe en juon riekajet ioom.

17 Innām Jisōs e ba n̄an er, Kien eo im rikanaan ro rej kam̧ool kōn Eō; aaet, im aolep rikanaan ro rekar jeje, em̧ool m̧ae Jon, rekar kanaan kōn raan kein.

18 Jān iien eo, kar kwaļo̧k kōn aelōn̄ in Anij, im armej otemjej eo ej kappukot m̧ool eo rej im̧welelļo̧k n̄an e.

19 Im e pidodoļo̧k n̄an lan̄ im laļ n̄an jako, jān n̄an juon pilin̄ in kien eo n̄an likjab.

20 Im etke kom̧ ij katakin kien eo, im kaarmejjete men eo ekar jeje; im liaakeļo̧k e eo Jemān eaar jilkintok n̄an kakūrm̧ool kien eo, bwe kom̧in maron̄ aolep bōk lo̧mo̧o̧r?

21 O ribwebwe! bwe kom̧ ar ba ilo būruōmi, Ejjeļo̧k Anij. Im kom̧ ij kaankekeik iaļ eo ejim̧we; im aelōn̄ in lan̄ ej kōtļo̧k lāj jān kom̧; im kom̧ ij matōrtōre rittā; im ilo ami lāj kom̧ ij kappukot n̄an ko̧kkure aelōn̄ eo; im kom̧ ij bōk ro nejin aelōn̄ eo kōn kipel. Wo n̄an kom̧, kom̧ riļōn̄!

22 Im raar bar kajjirere kake E, kōnke rekar illu kōn naan in, bwe er rekar riļōn̄.

23 A Eaar wōnm̧aanļo̧k wōt, im ba, Jabdewōt eo ej joļo̧k lio pāleen, im m̧areik bar juon, ej ļōn̄; im jabdewōt eo ej m̧areik lio eaar joļo̧k ļeo pāleen, ej ļōn̄. Em̧ool Ij ba n̄an kom̧, I naaj keidi kom̧ n̄an rim̧weiie eo.