JS—Ukok, Luk 17:21. Keidi Luk 17:20–21
Aelōn̄ in Anij ededeļo̧k an itok.
21 Im rej jamin ba, Lo, ijin ak, Lo, ijjuweo. Bwe, lo, aelōn̄ in Anij em̧ōj an dedeļo̧k an itok n̄an kom̧.
JS—Ukok, Luk 17:36–40. Keidi Luk 17:37
Jisōs ej kōnono būrabōļ eo kōn igōl ko n̄an kōm̧eļeļeik ainitok an Ro Rekwōjarjar An ilo raan ko āliktata.
36 Im raar uwaak im ba n̄an E, Ia, Irooj, naaj kar bōk er n̄an e?
37 Im E ba n̄an er, Jabdewōt ijo ānbwin eo ej kukļo̧k; ak, ilo bar jet naan, jabdewōt ijo ro rekwōjarjar rej kukļo̧k ie, n̄an ijo igōl ko renaaj kukļo̧k ippān doon; ak, n̄an ijo bwe eo enaaj kukļo̧k ippān doon.
38 Men in Eaar ba, im kakōļļeik ae eo an ro rekwōjarjar; im an enjeļ raņ wanlaļtak im aini bwe eo n̄an er; juon jān aowej eo, eo bar juon jān jikin irir, im juon jān jikin kallib eo, jān jabdewōt ijoko ekōņaan.
39 Bwe em̧ool enaaj wōr lan̄ ko rekāāl, im juon laļ ekāāl, ijo wānōk ej pād.
40 Im enaaj ejjeļo̧k men ettoon; bwe laļ ej m̧adeon̄eon̄, em̧ool āinwōt juon m̧ōttan nuknuk, kōnke eaar ļapļo̧k ilo ijurwewe, kōn menin ej aikuj jako, im eran ne ej ekwōjarjar wōt, erreo jān aolep jero̧wiwi.