4 Āinwōt em̧ōj jeje ilo bok eo an rikanaan Aiseia; im erkein rej naan ko, im ba, Ainikien juon ej lam̧ōj ilo āne jem̧aden, Kom̧in kōpooj iaļ eo an Irooj, im kajim̧wi iaļ ko An.

5 Bwe lo, im lo, E enaaj itok, āinwōt ekar jeje ilo bok eo an rikanaan ro, n̄an bōkļo̧k jero̧wiwi ko an laļ, im n̄an bōktok lo̧mo̧o̧r n̄an laļ ko rejjan̄in ron̄, n̄an aintok ippān doon ro rejebwābwe, ro rej jān wōrwōr in sip eo an Israel;

6 Aaet, em̧ool ro rejjeplōklōk im en̄taan; im barāinwōt n̄an kōpooje iaļ eo, im kōm̧m̧an bwe en maron̄ kwaļo̧k naan kōn gospel eo n̄an ro riAelōn̄ ko;

7 Im n̄an juon meram n̄an aolep ro rej jijet ilo marok jilōn̄lōn̄, n̄an m̧ōttan ko rettolļo̧ktata in laļ; n̄an kakūrm̧ool jerkakpeje eo jān ro remej, im n̄an wanlōn̄ļo̧k n̄an ijo eutiej, n̄an jokwe ioon anbwijmaron̄ in pein Jemān,

8 M̧ae tarlep in iien ko, im kien eo im kam̧ool eo renaaj sil, im ki ko an aelōn̄ eo naaj bar kōro̧o̧liļo̧k n̄an Jemān;

9 N̄an jerbale jim̧we n̄an aolep; n̄an wanlaļtak ilo ekajet ioon aolep, im n̄an karreel aolep ro renana kōn jerbal ko renana aer, ko rekar kōm̧m̧ani; im aolep men in ilo raan eo me Enaaj itok;

10 Bwe e ej juon raan in kajoor; aaet, aolep kom̧laļ renaaj jen̄ak, im aolep toļ im bat renaaj kōttāikiļo̧k; ko raankeke naaj kajim̧weiki, im iaļ ko rekurbalōklōk renaaj metaltōl;

11 Im aolep kanniōk otemjeļo̧k renaaj lo lo̧mo̧o̧r an Anij.

19 Bwe men in ekanuj alikkar n̄an kwe, Tiopilōs, bwe loortok wōt jekjek ko an riJu ro, im ekkar n̄an imenene ko jān kien eo aer ilo bōk mani ilo alele in jāān eo, bwe jān wōt jiōbļo̧k eo me kar bōk e, kar kōjjemo̧je n̄an ro re jeram̧ōl, kajojo armej n̄an kōj eo an;

20 Im ilokan jekjek in kar ri tōl ewōj ro barāinwōt, kōn menin Jon eaar ba n̄an er, Kom̧in jab bōk eļapļo̧k jān jon̄an eo em̧ōj ba kom̧in bōk e.