24 Ko ʻeni ko e ngaahi meʻa ʻeni naʻá ne folofola ʻaki kiate kinautolu, ʻo kau ki hono fakaʻauha ʻo Selusalemá. Pea toki fehuʻi ange ʻe heʻene kau ākongá kiate ia, ʻo pehē ange, ʻEiki, fakahā mai kiate kimautolu ʻo kau ki hoʻo haʻú?

25 Pea folofola atu ia kiate kinautolu, ʻo pehē, ʻI he toʻu tangata ko ia ʻe fakakakato ai ʻa e ngaahi kuonga ʻo e kau Senitailé, ʻe ʻi ai ʻa e ngaahi fakaʻilonga ʻi he laʻaá, pea ʻi he māhiná, pea ʻi he ngaahi fetuʻú; pea ʻi he funga ʻo e māmaní ʻe mamahi ʻa e ngaahi puleʻangá ʻi he puputuʻu, ʻo hangē ko e tahí mo e ʻuʻulu ʻa e ngaahi peaú. ʻE faingataʻaʻia foki ʻa e māmaní, pea mo e ngaahi vai ʻo e fuʻu loloto lahí;

26 ʻE mole ʻa e loto ʻo e tangatá ʻi he manavahē, ʻi heʻenau vakai ki he ngaahi meʻa ko ia ʻoku lolotonga hoko ʻi he māmaní. He ʻe ngalulululu ʻa e ngaahi mālohi ʻo e langí.

32 Ko e moʻoni ʻoku ou pehē kiate kimoutolu, ko e toʻu tangatá ni, ʻa e toʻu tangata ko ia ʻe fakakakato ai ʻa e ngaahi kuonga ʻo e kau Senitailé, ʻe ʻikai mole atu ia kae ʻoua kuo fakahoko ʻa e ngaahi meʻa kotoa pē.