JS—Ukok, Mark 14:20–26. Keidi Mark 14:22–25
Jisōs ej jinoe kwōjkwōj eo ilo ememeje ānbwinnin im bōtōktōk In.
20 Im ke rej m̧ōn̄ā, Jisōs ar bōk pilawā eo im kōjeraam̧m̧an e, im ruje, im leļo̧k n̄an er, im ba, Bōk e, im m̧ōn̄ā.
21 Lo, en̄in ej n̄an kom̧ n̄an kōm̧m̧ane ilo ememej Ānbwinnū; bwe jon̄an wōt an emmakijkij ami kōm̧m̧ane men in kom̧ naaj keememej awa in Iaar pād ippemi.
22 Im Eaar bōk kap eo, im ke em̧ōj An leļo̧k kam̧m̧oolol, Eaar leļo̧k e n̄an er; im raar aolep idaak jān e.
23 Im Eaar ba n̄an er, En̄in ej ilo ememej Bōtōktōkū eo ej to̧o̧rļo̧k kōn elōn̄, im kallim̧ur ekāāl eo me Ij lewōj n̄an kom̧; bwe kake Eō kom̧ naaj kwaļo̧k kam̧ool n̄an aolepān laļ.
24 Im toun wōt an emmakijkij ami kōm̧m̧ane kain̄i in, kom̧ naaj keememej Eō ilo awa in Iaar pād ippemi im kar idaak ippemi jān kap in, em̧ool iien eo āliktata ilo jerbal in Aō.
25 Em̧ool Ij ba n̄an kom̧, Kōn men in kom̧ naaj kwaļo̧k kam̧ool; bwe Iban bar idaak jān leen vine eo ippemi, m̧ae raan eo Ij ilimi ekāāl ilo aelōn̄ in Anij.
26 Im kiiō re kar birom̧ōj, im jan̄ kake E.
JS—Ukok, Mark 14:36–38. Keidi Mark 14:32–34
Ilo Getsemane, em̧ool ro Jon̄oulruo rej jab tōpar lukkuun meļeļe kake eddo eo an Jisōs āinwōt Messaia eo.
36 Im raar itok n̄an juon jikin eo me kar etan Getsemane, eo ekar juon jikin kallib; im rikaļoor ro rekar jino in kanooj bwilōn̄, im jino kanooj eddo, im n̄an ellotaan ilo burueer, im ļōmņak eļan̄n̄e en̄in ej Messaia eo.
37 Im Jisōs kōnke ekar jeļā burueer, Eaar ba n̄an ro rikaļooran, Kom̧in jijet ijin, ke I naaj jar.
38 Im Eaar bōk Ippān, Piter, im Jemes, im Jon, im kauwe er, im ba n̄an er, Aō ej kanooj būrom̧ōj, em̧ool n̄an mej; kom̧in pād ijin im ekkōl.