JS—Ukok, Mark 3:21–25. Keidi Mark 3:28–30
Jisōs e naaj jeorļo̧k bōd an aolep ri jero̧wiwi ro rej ukeļo̧k ijjello̧kin wōt ro rej blaspim ņae Jetōb Kwōjarjar.
21 Innām̧ ar itok jet armej n̄an E, im ņa ruōn, im ba, Etke Kwōj bōk ri jero̧wiwi raņ, ke jelak lale Kwōj ba Kwe Nejin Anij.
22 A Eaar uwaak er im ba, Em̧ool Ij ba n̄an kom̧, Aolep jero̧wiwi ko me armej raņ rar kōm̧m̧ani, n̄e rej ukeļo̧k, naaj jeorļo̧ki jān er; bwe Iaar itok n̄an kwaļo̧k naan kōn ukeļo̧k n̄an ro nejin armej raņ.
23 Im blaspim ko, ilo jabdewōt jekjek re naaj blaspim, naaj jeorļo̧k aer bōd ro rej itok n̄an Eō, im kōm̧m̧ani jerbal ko me rej lo Aō kōm̧m̧ani.
24 A ewōr juon jero̧wiwi eo me naaj ban jeorļo̧k bōd kake. Eo e naaj blaspim ņae Jetōb Kwōjarjar, ejjeļo̧k an jeorļo̧k bōd; a ej pād ilo uwōta in m̧wijkōk jān laļ. Im re naaj jolet jako indeeo.
25 Im men in Eaar ba n̄an er kōnke rar ba, E ewōr jetōb ettoon Ippān.