JS—Ukok, Mark 9:3. Keidi Mark 9:4
Jon Peptaij ej pād ioon Toļ in Kōjakkōlkōl eo.
3 Im ijo eaar waļo̧kļo̧k n̄an er Elias ippān Moses, ak ilo bar jet naan, Jon Peptaij im Moses; im rekar ekkōnono ippān Jisōs.
JS—Ukok, Mark 9:40–48. Keidi Mark 9:43–48
Jisōs ej keidi bukweļo̧k juon pā ak ne ej katipn̄ōl n̄an kabōjraki iiaio ko me remaron̄ tōļļo̧k juon n̄an jebwābwe.
40 Kōn menin, eļan̄n̄e peiūm ej katipn̄ōl eok, bukweļo̧k; ak eļan̄n̄e eo jeiūm̧ im jatim ej katipn̄ōl eok im jab kwaļo̧k būruōn im jab eļļo̧k jān e, naaj bukweļo̧k e. Em̧m̧anļo̧k n̄an eok n̄an deļo̧n̄ ilo mour ilo jipikpik, jān an wōr ruo peim, n̄an ilo̧k ilo hell.
41 Bwe em̧m̧anļo̧k n̄an eok n̄an deļo̧n̄ļo̧k ilo mour jab ippān eo jeiūm̧ im jatūm, jān n̄e kwe im eo jeiūm̧ im jatūm naaj jako ilo hell; ilo kijeek eo ejjāmin kwūn, ijo likaakrak ko aer rej jab mej, im kijeek eo ejjab kwūn.
42 Im bar juon alen, eļan̄n̄e neem ej katipn̄ōl eok, bukweļo̧k; bwe e eo ej am jon̄ok, eo jān e kwōj m̧aaj, eļan̄n̄e ej erom ribōd, e naaj bukweļo̧k.
43 Em̧m̧anļo̧k n̄an eok, n̄an deļo̧n̄ im jipikpik ilo mour, jān an wōr ruo neem n̄an joļo̧k ilo hell; ilo kijeek eo ejjāmin kwūn.
44 Kōn menin, armej otemjej en jutak ak bun̄ļo̧k, jān e make, im jab kōn bar juon; ak jab lōke bar juon.
45 Kappukote Jema, im enaaj kōm̧m̧an ilo iien eo wōt ta kwō naaj kajjitōk, eļan̄n̄e kwōj kajjitōk ilo tōmak, lōke bwe kwō naaj bōk.
46 Im eļan̄n̄e mejam̧ eo ej loe n̄an eok, eo kar jitōn̄e n̄an lale eok n̄an kwaļo̧k n̄an eok meram, ej erom juon ribōd im katipn̄ōl eok, itūkļo̧k e.
47 Em̧m̧anļo̧k n̄an eok n̄an deļo̧n̄ ilo aelōn̄ in Anij, kōj juon māj, jān an wōr ruo māj n̄an joļo̧k ilo kijeek in hell.
48 Bwe em̧m̧anļo̧k n̄an eok bwe kwōn mour, jān n̄an joļo̧k ilo hell ippān eo jeiūm̧ im jatūm, ijo likaakrak ko aer rej jab mej, im ijo kijeek eo ejjab kwūn.