1 ʻI he ʻaho ko iá, te ke hāʻele mai, ʻE ʻEiki; pea te u tuku ʻeku falalá ki he ʻafiona. Te ke folofola ki he kakaí, kuo fanongo hoku telingá ki ho leʻó; te ke folofola ki he laumālie kotoa pē, Hola ki hoku moʻungá; pea ʻe hola e māʻoniʻoní ʻo hangē ha manupuna kuo tukuange mei he tauhele ʻa e tangata tauhelé.

2 He ʻoku teke ʻe he angahalá ʻenau kaufaná; ʻio, ʻoku nau ʻai ʻenau ngahaú ki he uká, koeʻuhi ke nau fana fakafufū kinautolu ʻoku angatonu ʻi honau lotó, ke fakaʻauha honau makatuʻungá.

3 Ka ʻe fakaʻauha e makatuʻunga ʻo e kau angahalá, pea ko e hā te nau faí?

4 He ko e ʻEikí, ʻi heʻene hāʻele mai ki hono temipale māʻoniʻoní, ʻo ʻafio ʻi he taloni ʻo e ʻOtuá ʻi langí, ʻe hokaʻi ʻe hono fofongá e kau angahalá.

5 Vakai ʻe ʻahiʻahiʻi ʻe hono lauʻifofongá e fānau ʻa e tangatá, pea te ne huhuʻi e kau māʻoniʻoní, pea ʻe ʻahiʻahiʻi kinautolu. ʻOku ʻofa ʻa e ʻEikí ki he māʻoniʻoní, ka ko e fai angahalá, mo ia ʻoku ʻofa he fakamamahí, ʻoku fehiʻa hono laumālié ki ai.