1 Kuo pehē ʻe he valé ʻi hono lotó, Kuo ʻikai ha tangata kuo mamata ki he ʻOtuá. Koeʻuhí kuo ʻikai te ne fakahā mai ia kiate kitautolu, ko ia ʻoku ʻikai ke ʻi ai ha ʻOtua. Vakai, kuo nau kovi; pea kuo nau fai ʻa e ngaahi ngāue fakalielia, pea ʻoku ʻikai hanau toko taha ʻoku failelei.

2 He ʻoku ʻafio hifo ʻa e ʻEikí mei he langí ki he fānau ʻa e tangatá, pea folofola mai ʻi hono leʻo ʻoʻoná ki heʻene tamaioʻeikí, Kumi ʻi he fānau ʻa e tangatá, ke ʻiloʻi pe ʻoku ʻi ai ha taha te ne ʻiloʻi ʻa e ʻOtuá. Pea naʻá ne fakaava hono ngutú ke fakataufolofola ki he ʻEikí, mo pehē ange, Vakai, ko kinautolú ni kotoa, ʻoku nau pehē ʻoku ʻaʻau ʻa kinautolu.

3 Pea naʻe folofola mai ʻa e ʻEikí, ʻo pehē, Kuo nau hē kotoa pē, kuo nau hoko kotoa pē ʻo fakalielia, ʻe ʻikai te ke mamata ki ha taha ʻo kinautolu ʻoku failelei, ʻoku ʻikai ʻaupito ha taha.

4 Ko kinautolu kotoa pē ʻoku nau maʻu ko ʻenau kau akonakí ko e kau ngāue ʻo e angahala, pea ʻoku ʻikai ha ʻilo ʻiate kinautolu. Ko kinautolu ia ʻoku nau kai ʻo ʻosi hoku kakaí. ʻOku nau kai mā ka ʻoku ʻikai te nau ui ki he ʻEikí.

5 ʻOku nau manavahē lahi, he ʻoku ʻafio ʻa e ʻOtuá ʻi he toʻu tangata ʻo e māʻoniʻoní. Ko ia ʻa e akonaki ki he masivá, koeʻuhí he ʻoku nau maaʻi ʻa e kau fai angahalá, pea nau hola ki he ʻEikí, ke hoko ko honau hūfanga.

6 ʻOku nau mā koeʻuhi ko e akonaki ʻa e masivá koeʻuhi ko e ʻEikí ʻa honau hūfangá.

7 Taumaiā naʻe fokotuʻu ʻa Saione mei he langí, ko e fakamoʻui ʻo ʻIsilelí. ʻE ʻEiki, te ke fokotuʻu ʻafē ʻa Saioné? ʻO ka ʻomi ʻe he ʻEikí ʻa hono kakaí mei he nofo pōpulá, ʻe fiefia ʻa Sēkope, pea nēkeneka ʻa ʻIsileli.