ປຈສ, ໂຣມ 4:2–5. ປຽບທຽບໃສ່ກັບ ໂຣມ 4:2–5
ມະນຸດສາມາດລອດໄດ້ພຽງແຕ່ໂດຍພຣະຄຸນຂອງພຣະເຢຊູຄຣິດ, ບໍ່ແມ່ນໂດຍການປະຕິບັດທີ່ກ່ຽວພັນກັບການຮັກສາກົດຂອງໂມເຊ.
2 ເພາະຖ້າຫາກອັບຮາຮາມເປັນຜູ້ຊອບທຳໂດຍກົດແຫ່ງການປະຕິບັດ, ແລ້ວເພິ່ນກໍມີທາງທີ່ອວດອ້າງໄດ້; ແຕ່ບໍ່ແມ່ນຕໍ່ພຣະພັກຂອງພຣະເຈົ້າ.
3 ເພາະ ພຣະຄຳພີມີຂຽນໄວ້ຢ່າງໃດ? ອັບຣາຮາມໄດ້ເຊື່ອພຣະເຈົ້າ, ແລະ ຍ້ອນຄວາມເຊື່ອນັ້ນ ພຣະເຈົ້າຈຶ່ງຖືວ່າ ເພິ່ນເປັນຄົນຊອບທຳ.
4 ສ່ວນຄົນທີ່ເປັນຜູ້ຊອບທຳ ໂດຍກົດແຫ່ງການປະຕິບັດ, ກໍບໍ່ຖືວ່າຄ່າຈ້າງທີ່ຕົນໄດ້ຮັບນັ້ນເປັນບຳເໜັດ, ແຕ່ຖືວ່າເປັນຄ່າແຮງງານທີ່ຕົນໄດ້ເຮັດ.
5 ແຕ່ຄົນທີ່ບໍ່ໄດ້ສະແຫວງຫາຄວາມຊອບທຳໂດຍກົດແຫ່ງການປະຕິບັດ, ແຕ່ໄດ້ເຊື່ອໃນພຣະອົງ ຜູ້ໂຜດຄົນບາບໃຫ້ເປັນຄົນຊອບທຳ, ສັດທາຂອງຄົນນັ້ນ ກໍຖືໄດ້ວ່າເປັນຄົນຊອບທຳ.
ປຈສ, ໂຣມ 4:16. ປຽບທຽບໃສ່ກັບ ໂຣມ 4:16
ທັງສັດທາ ແລະ ວຽກງານ, ຜ່ານພຣະຄຸນ, ແມ່ນຈຳເປັນສຳລັບຄວາມລອດ.
16 ສະນັ້ນ ເຈົ້າກໍຖືກຕ້ອງດ້ວຍສັດທາ ແລະ ວຽກງານ, ຜ່ານພຣະຄຸນ, ຈົນເຖິງທີ່ສຸດ ເພື່ອວ່າຄຳສັນຍາ ຈະເປັນທີ່ແນ່ນອນແກ່ຜູ້ສືບເຊື້ອສາຍທັງໝົດ; ແລະ ບໍ່ແມ່ນແກ່ຜູ້ທີ່ຖືກົດພວກດຽວເທົ່ານັ້ນ, ແຕ່ແກ່ຜູ້ທີ່ມີສັດທາຢ່າງດຽວກັນກັບອັບຣາຮາມນຳອີກ; ຜູ້ຊຶ່ງເປັນບິດາຂອງພວກເຮົາທັງໝົດ,