¶ 1 I HE kei tamajii a Isileli, neu ofa ki ai, bea neu ui hoku foha mei Ijibite.

2 I he e nau ui kiate kinautolu, behe ne nau alu meiate kinautolu: naa nau feilaulau kia Bealimi, bea nau tutu ae akau namu kakala ki he gaahi tamabua kuo togitogi.

3 Naaku ako‘i foki a Ifalemi ke alu, i he buke aki ho nau nima; ka nae ikai te nau ilo ko au nae fakamoui akinautolu.

4 Naaku toho akinautolu aki ae afo ae tagata, aki ae noo oe ofa: bea naaku hage koia oku too ae nonoo mei ho nau gutu, bea neu tuku ae mea kai i ho nau ao.

¶ 5 E ikai te ne toe liliu ki he fonua o Ijibite, ka e hoko ae Asilia ko hono tu‘i, koeuhi nae ikai te nau loto ke liliu.

6 Bea e nofo mau ki hono gaahi kolo ae heleta, bea te ne fakaoji hono gaahi vaa, bea kai ia, koeuhi koe nau fakakaukau anautolu be.

7 Bea kuo bau be hoku kakai ke fakaholomui meiate au: ne ogo e nau ui akinautolu ki he Fugani Maoluga, nae ikai ha toko taha te ne hakeaki‘i ia.

8 E fefe‘i a eku fakatukutuku‘i koe, e Ifalemi? Teu fakahaofi fefe‘i koe, e Isileli? e fefe‘i eku gaohi koe ke hage ko Atima? teu tuku koe fefe‘i ke hage ko Siboimi? kuo liliu hoku loto iate au, kuo tubu fakataha a eku fakatomala.

9 E ikai teu fai ki hono kakaha o hoku houhau, e ikai teu tafoki ke fakaauha a Ifalemi: he koe Otua au, ka oku ikai koe tagata; koe Toko Taha Maonioni oku i ho mou lotolotoga: bea e ikai teu hu ki he loto kolo.

10 Te nau muimui kia Jihova: te ne gugulu hage koe laione; i he ene gugulu e tetetete ae fānau mei he luluga.

11 Te nau tetetete hage koe manu buna mei Ijibite, bea hage koe lube mei he fonua o Asilia: bea teu tuku akinautolu i ho nau gaahi fale, oku behe e Jihova.

12 Oku takatakai aki au e Ifalemi ae loi, bea moe fale o Isileli aki ae kākā: ka oku kei bule a Juta moe Otua, bea oku ne agatonu moe gaahi kakai maonioni.