¶ 1 FANOGO ki he folofola a Jihova e fānau a Isileli: he oku ai ae fakakikihi a Jihova moe kakai oe fonua ni, koeuhi oku ikai ha mooni, be ha aloofa, be ha ilo ki he Otua i he fonua.

2 Koe kabe, moe loi, moe fakabo, moe feauaki, oku ba mai mei ai, bea oku ala ae toto ki he toto.

3 Koia, e tagi ae fonua, bea koia taki taha oku nofo ai e feiga, fakataha moe faga manu oe vao, bea moe faga manu buna oe atā; io, naa moe ika oe tahi e ave mei ai.

4 Kae oua naa fakakikihi mo valoki e ha tagata ha taha kehe: he ko hoo kakai oku hage ko kinautolu oku fakakikihi moe taulaeiki.

5 Koia te ke higa i he  kei aho, bea moe balofita te ne to foki mo koe i he bo, bea teu fakaauha hoo fa‘e.

¶ 6 Oku auha hoku kakai i he majiva ilo: koeuhi kuo ke liaki ae ilo, teu liaki foki koe, ke oua naa ke taulaeiki kiate au; koe mea i hoo fakagalo‘i ae fono a ho Otua, teu fakagalo‘i foki hoo fānau.

7 I he nau tubu naa nau fai agahala kiate au: koia teu liliu e nau ogoogolelei koe ma.

8 Oku nau kai hake ae agahala a hoku kakai, bea oku nau tuku bau ho nau loto ki he e nau agakovi.

9 Bea e behe i ai, hage koe kakai, e behe ae taulaeiki: bea teu tautea akinautolu koeuhi ko ho nau gaahi hala, bea totogi kiate kinautolu e nau gaahi faiaga.

10 He te nau kai ka e ikai makona: te nau feauaki ka e ikai tubu: koeuhi kuo nau tuku e nau tokaga kia Jihova.

11 Koe feauaki moe uaine moe uaine foou, oku kavea ae loto.

¶ 12 Oku fehui e hoku kakai ki he e nau fuu akau, bea ko ho nau tokotoko oku fakaha ia kiate kinautolu: he koe laumalie oe feauaki kuo ne fakahe‘i akinautolu, bea kuo nau alu o feauaki mei ho nau Otua.

13 Oku nau feilaulau i he fuga oe gaahi mouga, bea tutu ae akau namu lelei i he gaahi maoluga, i he lolo oke moe bobila moe elemi, koeuhi oku lelei hono malu oia: koia e feauaki ho gaahi ofefine, bea e tonotagata ho mou gaahi unoho.

14 Ikai teu tautea ho mou gaahi ofefine i he e nau feauaki, mo ho mou gaahi unoho i he e nau tonotagata? he oku nau kau taha moe kau fefine feauaki, bea oku nau feilaulau moe kau feauaki: koia, e higa ki lalo ae kakai oku ikai i ai ha boto.

¶ 15 Ne ogo e Isileli a hoo fai ae feauaki, kae oua naa hala ai mo Juta; bea oua naa ke ha‘u ki Kilikali, be alu hake ki Beteaveni, be fuakava, o behe, Oku moui a Jihova.

16 He oku fakaholomui a Isileli, o hage koe bulu mui oku fakaholomui: koeni, e fafaga akinautolu e Jihova, o hage koe lami i he botu ataatā.

17 Kuo bikitai a Ifalemi ki he ene gaahi tamabua: tuku ai be ia.

18 Kuo nau muimui ki he inu kona: kuo nau fai mau ai be ae feauaki: ko ho nau kau bule oku manako ki he fakama.

19 Kuo takai hake ia e he matagi i hono kabakau, bea te nau ma i e he nau gaahi feilaulau.