¶ 1 OKU kai e Ifalemi ae matagi, bea oku muimui ki he matagi hahake: oku ne fakalahi i he aho kotoabe ae loi moe fakaauha, bea oku nau fai ae fuakava moe kau Asilia, bea oku ave ae lolo ki Ijibite.

2 Oku ai foki ae fakakikihi a Jihova mo Juta, bea te ne tautea a Jekobe o fakatatau ki hono gaahi hala; o fakatatau ki he ene gaahi faiaga, te ne totogi kiate ia.

¶ 3 Naa ne kuku ae muiva‘e o hono taokete i he manāva, bea i hono malohi naa ne lava‘i ae Otua:

4 Io, naa ne malohi ki he agelo, bea ne lava‘i: naa ne tagi, bea ne lotu tāumau kiate ia: naa ne ilo ia i Beteli, bea naa ne folofola kiate kitautolu i ai.

5 Io, ko Jihova, koe Otua oe gaahi toko lahi; ko Jihova ko hono fakamanatu ia.

6 Koia, tafoki koe ki ho Otua: fai ki he aloofa moe fakamāu, bea tatali ki ho Otua mau ai be.

¶ 7 Koe tagata fakatau ia, oku i hono nima ae mea fua tautau oe kākā: oku ne manako ke fakamalohi‘i.

8 Bea nae behe e Ifalemi, Kuo hoko au o koloaia, kuou ilo maaku ae mea lahi: i he eku gaahi gaue kotoabe e ikai te nau ilo ai ha hia iate au ke agahala.

9 Bea ko au, ko Jihova, ko ho Otua, mei he fonua o Ijibite, teu toe gaohi koe ke nofo i he gaahi fale fehikitaki, o hage koe gaahi aho oe katoaga namafa.

10 Kuou lea foki i he kau balofita, bea kuou fakalahi ae gaahi mea ha mai, bea kuou lea aki ae fakatātā, i he gaue ae kau balofita.

11 Oku ai ae hia i Kiliati? ta koe mooni koe vaiga akinautolu: oku nau feilaulau aki ae faga bulu i Kilikali; io, ko ho nau gaahi feilaulauaga oku hage koe fokotuuga i he gaahi luo oe goue.

12 Bea nae hola a Jekobe ki he fonua o Silia, bea nae tauhi e Isileli ke ma‘u ha unoho bea ke ma‘u ha unoho naa ne tauhi sibi.

13 Bea nae omi e Jihova a Isileli mei Ijibite i ha balofita, bea i ha balofita nae fakamoui ia.

14 Nae fakatubu iate ia ae houhau fakamamahi e Ifalemi: koia te ne tuku hono toto iate ia, bea ko hono manuki e toe liliu kiate ia e hono Eiki.