¶ 1 AI ae mea lea ki ho gutu. Te ne ha‘u o hage koe ikale ki he fale o Jihova, koeuhi kuo nau maumau‘i eku fuakava, bea fai talagataa ki he eku fono.

2 E tagi a Isileli kiate au, o behe, E hoku Otua, oku mau ilo koe.

3 Kuo liaki e Isileli ae mea oku lelei: e tuli ia e he fili.

4 Kuo nau fakanofo ae gaahi tu‘i, kae ikai iate au: kuo nau tuutuuni ae gaahi eiki, bea nae ikai teu ilo: kuo nau gaohi aki ae nau siliva moe nau koula ae tamabua, koeuhi ka nau auha.

¶ 5 Ko hoo uhiki bulu, E Samelia, kuo ne liaki koe; kuo tubu eku ita kiate kinautolu: e fefe hono fuoloa, ka nau hoko o taehalaia?

6 He nae mei a Isileli foki ia: koe tufuga naa ne gaohi ia; koia oku ikai koe Otua ia: ka koe bulu jii a Samelia, e maumau‘i ia ke fakaikiiki.

7 He kuo nau tūtū‘i ae matagi, bea te nau utu ae ahiohio: oku ikai hano muka: e ikai ma‘u ha mahoaa mei hono fua: ka ai ha fua, e kai ia o oji e he kau muli.

8 Kuo fogia hifo a Isileli: te nau hoko ni i he lotolotoga oe Jenitaile, o hage koe ibu oku ikai i ai ha fiemalie.

9 He kuo nau alu hake ki Asilia, ha asi kai vao toko taha be: kuo uga e Ifalemi ae kau mamana.

10 Io, ne ogo kuo nau uga i he gaahi buleaga, teu tanaki ni akinautolu, bea te nau mamahi jii, koeuhi koe kavega ae tu‘i oe gaahi eiki.

11 Koeuhi kuo gaohi e Ifalemi ae gaahi feilaulauaga lahi ke agahala, e ai ae gaahi feilaulauaga ke agahala ai.

12 Kuou tohi kiate ia ae gaahi mea lahi a eku fono, ka nae lau ia hage ha mea kehe.

13 Oku nau feilaulau aki ae kakano, koe gaahi feilaulau o eku gaahi hifo, bea kai; ka oku ikai ke ma‘u ia e Jihova, he te ne manatu ni e nau hia, bea totogi ki he e nau gaahi agahala: te nau liliu atu ki Ijibite.

14 He kuo fakagalo‘i e Isileli a hono Tubuaga, bea oku ne laga ae gaahi fale fakaeiki; bea kuo fakalahi e Juta ae gaahi kolo kuo a‘i: ka teu fekau ae afi ki hono gaahi kolo, bea te ne kai ae gaahi fale fakaeieiki i ai.