¶ 1 HILI ia nae behe e Jihova kiate au, Toe alu, bea ke ofa ki ha fefine oku ofeina i hono kaiga, ka koe fefine feauaki, o tatau be moe ofa a Jihova ki he fānau a Isileli, akinautolu oku jio ki he gaahi otua kehe, bea oku manako ki he gaahi ibu uaine.

2 Koia naaku fakatau ia kiate au aki ae koga siliva e hogofulu ma nima, moe homa baale, bea mo hono vaeua oe homa baale:

3 Bea naaku behe kiate ia, Te ke nofo mau kiate au o aho lahi; ka e ikai te ke fai ae feauaki, bea e ikai te ke i ha tagata kehe; bea teu iate koe be au.

4 Koeuhi e lahi ae aho oe fānau a Isileli tae ha nau tu‘i, bea tae ha eiki, bea tae ha feilaulau, bea tae ha feilaulauaga, bea tae ha efoti, be ha telafimi.

5 Hili ia e tafoki ae fānau a Isileli, bea te nau kumi kia Jihova ko ho nau Otua, bea kia Tevita ko ho nau tu‘i; bea  te nau manavahe kia Jihova mo ene agalelei i he gaahi aho ki mui.