E Na’o Tusiga Faatekinolosi: Talavou Matutua

Ola ai i Feagaiga: O Se Taiala mo Faifeautalai ua Maea Misiona

Saunia e Sadie Taylor-Jenks

Pe mafai faapefea ona ou fetuunai i le toe nofo ai i le fale?

tamaitai talavou o loo nofo i le nofoa ma tusitusiga paia

E fesiligia e faifeautalai uma i latou lava, “E faapefea ona ou tausisia le malosi o la’u molimau pe a uma la’u misiona?” E leai se tasi o fuafua e alu i le fale ma faagaloina le upumoni na latou faatauaina ma aoao atu i aso uma o la latou misiona. E i ai i faifeautalai ni aafiaga mamana a o ola ai i tulafono o se tusitaulima paepae laitiiti.

Ae o le faatulagaga o se misiona e le faatusatusalia i le fatulagaga i le fale.

A foi atu se faifeautalai i le fale, e mafai ona lafoina i se lalolagi sa masani ai muamua ae ua matuai ese lava i le taimi nei! E faapefea la, ona maua e se faifeautalai ua foi mai se misiona se paleni i le va o le tuuese o lo latou olaga faafaifeautalai ma le tumau faamaoni i le talalelei a Iesu Keriso? Pe manao i ai pe leai, i le ala i luga i le 6:30 i le taeao i aso uma, i le i ai o se soa 24/7, ma molimau atu i tagata uma e te vaai i ai i luga o le auala atonu o le a le tupu pe a e aveesea le pine o lou igoa ma toe savali mai i totonu o le lalolagi moni.

Sa ou faamisiona i Arkansas, ISA. Pe a ma se masina ae ou te le’i toe foi i le fale, sa faapea mai lo’u peresitene o le misiona: “o le a le avea oe ma se faifeautalai faamisiona e faavavau. O le mea moni, o le a avea oe ma faifeautalai faamisiona lava mo se vaega itiiti o lou olaga. Ae o lou tiutetauave o le avea lea ma tausi feagaiga tumau e faavavau. ”

O upu nei na suia a’u. A o ou tulimatai atu i luma, sa ou iloaina ai o le saunia e alu i le fale e le o le auala o le a ou tuua ai le pine o lo’u igoa—ae o le faaaogaina lea o ou aafiaga na maua i la’u misiona e ola ai i a’u feagaiga.

Ina ua mavae lea malamalamaaga, sa ou faia se tatalo ma amata loa ona fai se lisi. Sa ou vaseina se laina i lalo o se fasi pepa. O le itu agavale ua faitauina, “Olaga i le Misiona ma Tulafono.” Na faitauina le itu taumatau, “Ola i A’u Feagaiga.” Sa ou faia ni fesootaiga i le va o lisi e lua ina ia latou faia ni gaoioiga eseese tuufaatasi e atagia ai e le tasi le isi. I le aso mulimuli o la’u misiona, sa ou tago ai i le pepa ma vavae i le afa. Sa ou faitau i tulafono ia na ou tuuina atu ai mea uma i la’u misiona atoa, ona ou gaugau lea ma tiai ese atu. Sa ou avea le itu o le feagaiga o le pepa ma tautau i luga o lo’u puipui i le fale.

O lenei lisi na fesoasoani ia te au e tausia a’u feagaiga i aso uma a’o ou fetuunaia lo’u sau i le fale mai la’u misiona. O le lisi o loo i lalo e aofia ai ni manatu na fesoasoani ia te au lava ia, ma e mafai foi ona fesoasoani ia te oe:

Olaga i le Misiona ma Tulafono	Manatu mo le Ola ai i A’u Feagaiga
Ala i luga i le 6:30 i le taeao i aso taitasi.	Ou te taumafai e ola i se olaga ua faapaiaina e le Atua. E tatau ona ou ala vave i le taeao ina ia mafai ona ou faatumuina faamoemoega o le aso atoa.
Asiasi i tagata sailiili ma uso ua le toaaga mai i aso taitasi.	O le a ou taumafai e faanoanoa faatasi ma e faanoanoa ma faamafanafana ia i latou o e manaomia le faamafanafanaga. O le a ou taumafai e iloa i latou, asiasi i ai, ma alofa ia i latou o siomia au.
Ia ofuina o’u lavalava talai ma la’u pine o i ai lo’u igoa.	O ou faaeega paia ua faamanuiaina ai au i ni ofusa o le malumalu. O le a ou ofu i se auala e faaaloalo ai i ou ofusa ma fiafia ai e toe faia ni lavalava masani.
Auai i fonotaga a faifeautalai i vaiaso taitasi.	Ua ou maua se avanoa e faafou ai a’u feagaiga i vaiaso taitasi pe a ou saunia e ‘ai ma inu i le faamanatuga.
Talanoa ma molimau atu i tagata uma e te feiloai atu i ai.	Ua ou osifeagaiga e taumafai e avea e faapei o lo’u Faaola. Ua folafola mai ia te au e faapea, a ou manatua o Ia ma tausia Ana poloaiga, o le a ou maua pea Lona Agaga e faatasi ma au. O le a ou taumafai e fai tagata uma e pei o fanau a le Atua ma mulimuli i le Agaga ia iloa ai le auala e mafai ona ou fesoasoani ai ma auauna atu ia i latou.
Leai ni tafaoga faamasani (po o soo se ituaiga o sootaga alofa).	E mafai ona ou galue agai i la’u sini o le faamauina i le malumalu e ala i le tafao faamasani ia i latou ua i ai foi lena sini ma fausiaina sootaga anoa ma isi.
Leai ni ala faasalalau faaleagafesootai, TV, tifaga, tafafao solo, ma isi mea faapena.	O le a ou faaaogaina ala o faasalalauga lelei e aoao ai, atiina a’e isi, ma fiafia i le olaga.
Suesue i tusitusiga paia mo le lua itula i le aso.	Ou te alofa i le Agaga ma le malamalama lea e maua mai i au suesuega i tusitusiga paia. O le a ou suesue i tusitusiga paia i aso uma ia le itiiti ifo ma le 10 minute.

Sa saunia au e lau misiona i auala e le mafaatusalia e ola ai i au feagaiga. O lea ua ou faia le mea e tatau ona ou faia e faatumauina ai le malosi o lau molimau. O le misiona e le o se laina e tini i ai po o se mea e faagalo pe a uma ona e alu i le fale. E mafai ona avea le misiona ma se pou amata i lou olaga o se tausi feagaiga ma se soo o Keriso i le olaga atoa. Faaalu se taimi e fesili ai ia te oe lava ia pe o e malamalama moni lava, taulai atu i ai, ma ola i au feagaiga. O na feagaiga e noatia ai i tatou i le Tama Faalelagi, tatou te maua ai le malosi mai le lagi, ma ofoina atu ai le malamalama tele i o tatou olaga i aso uma.