Sailia o Iesu Keriso i le Feagaiga Tuai
O nei upumoni e lima e mafai ona fesoasoani ia i tatou e iloa ai lo tatou Faaola i a tatou suesuega o tusitusiga paia i lenei tausaga.
O LE MALAMALAMA O LE LALOLAGI, SAUNIA E WALTER RANE, E LE MAFAI ONA KOPIINA
I se tasi aso, sa feiloai ai Iesu Keriso i Ona soo e toalua i se auala i le va o Ierusalema ma Emau. A o latou savavali, sa Ia aoao atu i laua e uiga i Lana matafaioi e pei ona faamatalaina i tusitusiga paia ua tatou taua nei o le Feagaiga Tuai.
“Ona faamatala ai lea e ia ia te i laua o mea ua tusia ia te ia i Tusi uma, ua amata maiia Mose atoa ma le au perofeta uma”(Luka 24:27). O le aoao e uiga i le Faaola ma Lana misiona o se aafiaga loloto faaleagaga mo le au soo, ma sa latou aioi atu ia te Ia ia nofo umi (tagai Luka 24:28–32).
E pei o na soo anamua o Keriso, tatou te maua le avanoa e iloa ai lo tatou Faaola i se auala e sili atu ona anoa a o tatou suesuei le Feagaiga Tuai i lenei tausaga.O lenei talafaamaumau, e o faatasi ma tusi a Mose ma Aperaamo i le Penina Tau Tele, ua aumaia ai ia i tatou se malamalamaaga atoatoa pe o ai o Ia—Lona natura, Lana misiona, ma Lana sootaga ma Lona Tama ma i tatou taitoatasi. Tatou te manaomia lenei malamalama ina ia maua ai le meaalofa o le ola e faavavau (tagai Ioane 17:3).
O loo i lalo ni upumoni se lima e mafai ona fesoasoani ia i tatou e iloa ai ma malamalama atili ai ia Iesu Keriso i lenei tusi paia anamua.
Upumoni 1: O Iesu Keriso o Ieova
I le Feagaiga Fou, tatou te faitau ai e uiga i se taimi na faailoa mai ai e Iesu Keriso o Ia lava o Ieova (tagai Ioane 8:58, vaefaamatalaga e). Sa feiloa‘i tagata ma taumafai e fetogi o Ia i maa ona o le upuleaga (tagai Ioane 8:59). Latou te lei iloaina se upumoni taua o loo faaauau pea ona malamalama sese ai le toatele i aso nei: o Iesu Keriso o Ieova, o le Atua o le Feagaiga Tuai.1
Atonu o se vaega o le mafuaaga e tele ai ina le malamalama i le faasinomaga o le Faaola i le Feagaiga Tuai ona e le o faaaogaina i le tusi le suafa “Iesu Keriso”. Nai lo lena, sa faaaoga e tusitala ni faalaniga e faasino ia te Ia, e pei o le “Atua,” “O A’u,” po o le “o le Alii.”2 O le taimi lava tatou te iloa ai lenei mea, ua amata loa ona tatou vaai manino atili ia Iesu Keriso i tusitusiga paia uma. Mo se faataitaiga:
-
Ina ua tautala atu Mose i le “Atua” i le laau na mumu, sa talanoa o ia ia Iesu Keriso (tagai Esoto 3:6)3
-
E faapena foi, na faailoa mai e Iesu Keriso o Ia lava “o le O A‘u Silisili” ia Iosefa Samita (Mataupu Faavae ma Feagaiga 29:1).
-
Na valaauina Ioane le Papatiso e saunia le ala o “le Alii” (Mataio 3:3). O se faataunuuga lenei o le Isaia 40:3, lea sa vavalo e uiga ia Iesu Keriso.
-
Tagai i le siata o loo i le itulau e 17 mo isi faataitaiga o Ieova i tusitusiga paia atoa.
Upumoni 2: O Mea Faitino ma Mea e Tutupu e Mafai ona Aoao ai i Tatou e uiga i lo Tatou Faaola
Na poloaiina Atamuma Eva e ositaulaga manu o se vaegao le la tapuaiga.O na osigataulagae faamanatu mai ai ia i tatou o Iesu Keriso, le Tamai Mamoe a le Atua, na mafai ai ona fasiotia o Ia lava o se vaega o Lana Togiola.
Ua Osia e Atamu ma Eva Taulaga, saunia e Keith Larson
O le Feagaiga Tuai e oa i faatusa ma tala e mafai ona faamanatu mai ai ia i tatou le fesoasoani ua ofoina mai e le Faaola. Mo se faataitaiga:
-
E tele mau o loo faamatala ai taimina poloaiina ai tagata faamaonie ositaulagaina manu o se vaegao la latou tapuaiga. Mo se faataitaiga, na ta‘u atu i le fanauga a Isaraelu e ositaulaga se tamai mamoe ma faailoga o latou faitotoa i lona toto. O i latou na faia lenei mea sa puipuia mai se mala matautia i Aikupito. O na osigataulaga e faamanatu mai ai ia i tatou o Iesu Keriso, le Tamai Mamoe a le Atua, na mafai ai ona fasiotia o Ia lava o se vaega o Lana Togiola. O Lana taulaga na laveaʻiina ai i tatou mai le oti faaletino ma le faaleagaga. (Tagai Esoto 12:13.)
-
Ina ua sola ese le perofeta o Elia mo lona ola ma lafi i le toafa, sa ia lagonaina le faanoanoa ma fai mai sa ia moomoo maimau pe ana oti o ia. A o moe o ia,sa foliga faavavega le falaoa ma le vai e fafaga ma toefaafou o ia, ma faamalosia ai o ia e faaauau pea. E mafai ona faamanatu mai e lenei mea ia i tatou o Iesu Keriso o le Vai Ola ma le Areto o le Ola. O Ia o lo tatou punavai autu o le faamoemoe. (Tagai i le 1 Tupu 19:1–8.)4
-
“O lau upu o se lamepa i o‘u vae,”na tusia ai e se tasi fai salamo (Salamo 119:105; faaopoopo le faamamafa). Sa molimau Mika,“Pe a ou nofo i le pouliuli, o le a avea Ieova ma malamalama ia te au”(Mika 7:8; faaopoopo le faamamafa).O a latou upu e faamanatu mai ai ia i tatou o Iesu Keriso o le Malamalamao le Lalolagi, e taialaina i tatou e toe foi atu i lo tatou aiga faalelagi.
A o e faitau, atonu e te iloaina isi meae faamanatu atu ai ia te oe Iesu Keriso ma Lona gafatia e laveai i tatou—e pei o le taimi na faasaoina ai le aiga o Noa mai le lolo i le vaa, pe ina ua tuuina atu ia Iona se taimie salamo ai a o i ai i totonu o le tafola. O nei mea e tutupu e mafai ona faamanatu mai ai ia i tatou e mafai e le Faaola ona tauaveina i tatou i afā o le olaga, ma o le a Ia tuuina mai pea ia i tatou avanoa e toe foi ai i le ala sao. (Tagai Kenese 7:1; Iona 1:17.)
Upumoni 3: O Ieova o se Atua Patino
E i ai taimi e foliga mai ai o le Atua o le Feagaiga Tuai e ita ma tauimasui. E tatau ona tatou manatua o uluai tusitala o le tusio ni ō aganuu anamua faatasi ai ma agaifanua ma faamatalaga atonu e faigata mo i tatou ona malamalama atoatoa i ai i aso nei. O le tusi lesona o le Sau, Mulimuli Mai ia te A‘u, talanoaga faavaega, ma le faamalamalamaga mai le Agaga Paia e mafai ona fesoasoani ia i tatou e faalelei ai mea tatou te faitauina i le Feagaiga Tuai ma mea ua tatou iloa e uiga ia Iesu Keriso mai isi tusi o tusitusiga paia.
Ma o se tasi lenei o uiga iloagofie o Ieovao le a masani ai tamaiti aoga o le Faaola:O Ia o se Atua patino. O Lana faalavefau,i ala mamalu ma laiti, ua faapupula mai ai ua saunia o Ia e laveai i latou o e faalagolago ia te Ia. O nisi nei o faataitaiga o Lana galuegai le Feagaiga Tuai:
-
Ina ua uma ona solitulafono Atamu ma Eva, sa faaofuina e le Alii, pe ufitia, i laua i ofu mai pa‘u o manu (tagai Kenese 3:21). O le upu Eperu mo le Togiola o lona uiga “ia ufiufi” po o le “ia faamagalo atu.”
-
Sa Ia valaaulia Enoka e savavali faatasi ma Ia (tagai Mose 6:34) ma siitia le nuu o Siona (tagai Mose 7:69).
-
Sa ia saunia Iosefa e laveai lona aiga ma le anoanoai o isi mai le matelaina (tagai Kenese 37–46).
-
Sa Ia taitaia le fanauga a Isaraelu i le vao (tagai Esoto 13:21–22).
-
Sa ia asiasi atu ia Arona ma Miriama e faamalolosia lo la faatuatua i le perofeta soifua (tagai Numera 12:5).
-
Sa Ia taialaina Ruta ma faasaoinaOna augatama e ala i ana fanau(tagai Ruta 3:10–11; 4:14–17).
-
Sa ia faaigoaina le taulealea o Samuelui lona igoa (tagai 1 Samuelu 3:3–10).
-
Sa Ia faamanaina Eseta ina ialaveaiina ma le lototoa lona nuu(tagai Eseta 2:17; 8:4–11).
Upumoni 4: E Fesoasoani Iesu Keriso ia i Tatou e Tau a Tatou Taua
O nisi taimi o le olaga i aso taitasi e pei o se taua. E moni lava ua tatou i ai i le ogatotonu o se taua faaleagaga i le va o le lelei ma le leaga, e le pei o taua o loo faamatalaina i le Feagaiga Tuai. Faatasi ai ma fitafita anamua, tatou te alalaga atu, “Ieova e, ia e taitai mai ia te i matou.”5 I nei mau, tatou te faalogo ai i Lana tali faamautinoa:
-
“Ou te le tuua lava oe, ou te le tuulafoai lava ia te oe” (Iosua 1:5).
-
“Aua e te fefe pe faavauvau ona o lenei motu o tagata e toatele; aua e lea outou le taua, a o le Atua”(2 Nofoaiga a Tupu 20:15).
-
“Ou te faamalosi ia te oe; … ioe, ou te lagolagoina oe” (Isaia 41:10).
-
“Ou te ia te oe e laveai oe” (Ieremia 1:8).
Upumoni 5: E Faaauau Pea Folafolaga a le Alii
E sili atu ona tatou fesootai atu i tagata faamaoni o le Feagaiga Tuai nai lo le mea e mafai ona tatou iloaina. Sa tulimatai atu tagatavaai anamua ma tusitusi e uiga i le soifuaga faaletino o Iesu Keriso. Mo se faataitaiga, sa faamatalaina e Isaia le Aliii upu e matua mamana lava ma sa avea ai i latou ma se vaega o musika e masani ona tatou faasoa atu i le Eseta ma le Kerisimasi (tagai Isaia 7; 9; 40; ma le 53).6
E pei o na perofeta, tatou te tulimatai atu foi i le afio mai o Keriso—o le taimi leneio loo faatalitali atu ai mo Lona toe afio mai e nofotupu patino i le lalolagi.7 Ma a o tatou saunia le lalolagi mo Lona Afio Mai Faalua, tatou te maua le malosi mai upumoni ma folafolaga na muai tusia i le Feagaiga Tuai,e pei o le:
-
Faamanuiaga faapeteriaka, lea e aofia ai se tautinoga o le aiga o Isaraelu tatou te auai. O le feagaiga na osia e le Alii ma Aperaamo i le faitau afe o tausaga ua mavae e faatatau ia i tatou o tagata o le feagaiga o le Ekalesia i aso nei, e tusa lava po o le a le ituaiga o avea ai i tatou ma se vaega. (Tagai Kenese 13:14–17; Aperaamo 2:9–11.)
-
O le poloaiga e tausia le aso Sapati ia paia, lea na fetalai le Alii o le a avea“o se faailoga i le va o a‘u ma outou i a outou tupulaga uma; ina ia outou iloa ai o A’u o le Alii ua faapaiaina outou” (Esoto 31:13).
-
O mulumuluga paia, faauuga, ma lavalava o ni vaega o tapuaiga i le malumalu i aso nei sa muai tuuina atu ia Arona ma ana fanau (tagai Levitiko 8).
Mafaufau pe toafia alii ma tamaitai amiotonu na ositaulagaina ina ia aumaia i tatou i lenei tulaga i le talafaasolopito o le tagata. Tatou te fausia i luga o a latou taumafaiga paia ma faasoa atu la latou vaaiga mamao i se lalolagi e taitaia e le Faaola. E pei ona aoao mai Peresitene Russell M. Nelson: “Ina ua mavae ni tausaga e 4,000 pe ā o le nofo faatalitali ma sauniuniga, o le taimi atofaina lenei e tatau ona avatu ai le talalelei i tagata uma o le lalolagi. O le taimi lenei o le faapotopotoina lea na folafolaina mo Isaraelu. Ma ua tatou maua le avanoa e auai ai e faatino!”8
O Se Tausaga Iloga o Suesuega
Keriso i se Ofutalaloa Lanumumu, saunia e Minerva Teichert, faaaloaloga a le Falemataaga o Talafaasolopito a le Ekalesia
Ua tatou maua i o tatou lima le talao le amataga o tagata— o la tatou tala o ni Kerisiano o le feagaiga. Ona o le Togiolaa Iesu Keriso, ua tatou iloa ai le auala o le a muta ai lenei malaga iloga. O le a faaumatia Satani, ma o le a manumalo e amiotonu.Ae o le a faapefea ona tatala mai la tatoutala patino?
Pe o le a tatou filifili ea e savavali faatasi ma Iesu Keriso i lenei tausaga? Pe o le a tatou aioi atu ea ia te Ia e nonofo faatasi mai tatou, ma faalogo ma le naunautai i mea ua Ia aoao mai?
O Ia o le Faaola alofa, ma le tagata lava ia, o lona siufofoga ua tatou faalogo i ai i le Mataupu Faavae ma Feagaiga, o lona soifuao loo tusia i le Feagaiga Fou, ma o ana aoaoga ua aoaoina manino mai i le Tusi a Mamona. Faatasi ai ma sina faataitaiga laitiiti, o le a mafai ai ona tatou maua Lana galuega o lalagaina foi i itulau uma o le Feagaiga Tuai. E totonugalemu o ia i le tuanai, taimi nei, ma le lumanai o le tagata soifua. Sa avea o Ia—ma o le a i ai pea—i autafa o i tatou i laasaga uma o le ala.