Na cava e bibi kina na tiko savasava?

Na tiko savasava sa ikoya na savasava ni veiyacovi ka okati kina na ivakarau savasava ni vakanananu, vosa, kei na cakacaka. Na veivolekati ena veiyacovi sa ilesilesi mai vua na Kalou me ra buli kina na gonelalai kei na vakaraitaki ni dodomo mai vei rau na veiwatini. Sa vakarota kina na Kalou ni veivolekati ni veiyacovi me baleti ira ga era sa vakamau. Eda na rawata na Yalo Tabu ni da veiyacovi vakasavasava, ka da taqomaki mai na ivalavala ca ni veiyacovi vakayago ka vakayalo, ka da sa bula kilikili ni ciqoma na matabete ni Kalou.

Mo vakarautaki iko vakayalo

E sa vakalougatataki iko vakacava na nomu bulataka tiko na lawa ni tiko savasava?

Na ivunau cava soti ena vukei ira vakavinaka na cauravou mera vakila na bibi ni tiko savasava? Na ivakavuvuli vakailasu cava era sa vakacalai kina ka vakamalumalumutaka na bibi ni tiko savasava?

Vulica ena yalomasumasu na ivurevure oqo. E rawa vakacava ni o vukei ira na cauravou mera kila deivaki ka vakananuma na bibi ni tiko savasava?

iVakatekivu 39:7–21 (A drotaka o Josefa na ivalavala ca ni veiyacovi)

1 Nifai 10:21 (Sa dodonu me da savasava me rawa ni da tiko vata kei na Kalou)

Alama 39:1–13 (Sa ka vakasisila na ivalavala ca ni veiyacovi)

Moronai 9:9 (Na tiko savasava e ka karoni ka vakamareqeti)

V&V 46:33 (Mo ivalavala dodonu ka savasava tikoga ena mata ni Turaga)

Linda S. Reeves, “Bula Kilikili ki na Noda Veivakalougatataki Yalataki,” Ensign se Liaona, Nove. 2015, 9–11

Boyd K. Packer, “Na iTuvatuva ni Bula Marau,,” Ensign se Liaona, Me 2015, 26–28

David A. Bednar, “Eda Vakabauta na Tiko Savasava,” Ensign se Liaona, Me 2013, 41-44

Jeffrey R. Holland, “Nodra Vukei O Ira era Vakatotogani Tu ena Veivinakati Vakatagane se Vakayalewa Vata,” Ensign se Liahona, Oct. 2007, 42–45

“iSulusulu kei na iRairai,” “Tiko Savasava,” Me iSakisaki ni iTabagone (2011), 14–16, 26–28

“Tiko Savasava,” Tudei Ena Vakabauta (2004), 123–128

Vidio: “I Choose to Be Pure,” “True Confidence,” “Chastity: Na Cava na Kena iYalayala?

Raica me ra veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakayaloqaqataki ira me ra wasea na veika era sota kaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Kerea e dua na lewe ni kuoramu me dua na gauna ni se bera na kalasi, me vakarautaka kina e dua na ivakaleka me rua na miniti ena veika a vulica ena soqoni ni kuoramu sa oti.Vakatara vua na cauravou me wasea ena ivakatekivu ni lesoni.
Sureta e dua na cauravou me taura tu na iyaloyalo kei Josefa ni vorata tiko na wati Potifa (raica na Gospel Art Book, 11) ka vakalekalekataka na italanoa ena nona vosa vakaikoya. Na cava na itinitini ni ka a qai yaco ka a vakavu mai na yalodina nei Josefa? Na cava e rawa ni a yaco kevaka e a voroka o koya na lawa ni tiko savasava? Na cava e bibi kina na tikori tikoga ni savasava?

Vulica vata

Na itaviqaravi yadua e ra e rawa ni vukei ira na lewe ni kuoramu me ra kila deivaki na lawa ni tiko savasava. Muria na veivakauqeti ni Yalotabu, digitaka e dua se sivia ka na ganita na nomu kuoramu:

Sureta e dua na lewe ni kuoramu me vakavulica e dua na iwase ni lesoni oqo. Sa rawa vua me cakava oqo me tiki ni nona ituvatuva ni iTavi Vua na Kalou me vulica ka vakavulica na lawa ni tiko savasava (raica na “Kila na iVunau” tabana e 18, 42, se 66).
Sureta eso na cauravou mera wilika na ivolanikalou me baleta na tiko savasava (me vaka eso ka vakaturi ena veidusimaki oqo); sureta eso tale mera wilika na “Bula Savasava ni Veiyacovi” ena Me iSakisaki ni iTabagone; ka sureti ira na kena vo mera wilika na “Tiko Savasava” ena Tudei ena Vakabauta. Kerei ira me ra vaqara na isau ni taro “Na cava e bibi kina vua na Turaga na tiko savasava?” E duidui vakacava na ivakavuvuli ena ivolanikalou kei na ivurevure oqo mai na ka e vakatavulica o vuravura me baleta na tiko savasava? Na cava era vulica na cauravou mai na ivurevure oqo ka na rawa ni vukei ira mera vakila na nanuma veivakacalai ni vuravura?
Vakaraitaka na vidio “Chastity: Na cava na kena iyalayala?” Kerei ira na cauravou ni sa oti na vidio mera vakamacalataka na cava e vakatavulica vei ira na vosa vakatautauvata (vaka na wai lutu mai na baranisavu, waqavuka, se korokotaile) me baleta na lawa ni tiko savasava. Na cava tale era vulica mai na vidio oqo? Sureti ira mera vakasamataka ka wasea eso tale na vosa vakatautauvata ka vakatavulica na bibi ni tiko savasava.
Wasea vakailawalawa na lewe ni kuoramu. Solia ki na ilawalawa yadua e dua na wase ni vosa nei Peresitedi Boyd K. Packer “Na iTuvatuva ni Bula Marau,” vosa nei Elder David A. Bednar “Eda Vakabauta na Tiko Savasava,” se vosa nei Sister Linda S. Reeves “Bula Kilikili ki na Noda Veivakalougatataki Yalataki.” Kerei ira na ilawalawa yadua mera vulica na nodra iwase ka sauma na taro “Na cava e bibi kina meda bula savasava ni veiyacovi?” Sureti ira me ra wasea na iyatuvosa se veika dina era raica ni vakaibalebale se bibi. Ena rawa vakacava ni ra vakayagataka na veika era vulica mera vukea kina na nodra itokani mera kila deivaki na vuna e bibi kina vei ira na tiko savasava?
Kerei ira na cauravou mera vakayagataka na wase “iSulusulu kei na iRairai” ena Me iSakisaki ni iTabagone me isau ni taro vakaoqo “Na cava na ivakatagedegede ni Turaga me baleta tiko na bula savasava?” “Na cava e bibi kina vei iko mo vakamuria na ivakatagedegede oqo?” vakakina “E vakayaco-ka se veivakauqeti vakacava na noda bula rakorako meda muria na lawa ni tiko savasava? Kerei ira mera wasea na nodra isaunitaro ka vakasamataka vagumatua na cava e rawa ni ra cakava mera bulataka kina vakaoti na itagede oqo.
Tarogi ira na cauravou se iwalewale cava era na vukea kina na nodra itokani ka sasaga dredre tiko kei na veivinakati vakamataqali vata. Sureti ira me ra vaqara eso na kena vakasama ena itukutuku nei Elder Jeffrey R. Holland “Nodra Vukei O Ira Era Vakatotogani Tu ena Veivinakati Vakatagane se Vakayalewa Vata.” Vakayaloqaqataki ira me ra vola e dua na ivola ena rawa ni vukea na nodra itokani. Na cava tale era sa vulica mai na vosa nei Elder Holland?

Kerei ira na cauravou me ra wasea na veika era sa vulica nikua. Era sa kila deivaki li na lawa ni tiko savasava? Na cava era sa bau vakila se vakanananu kina? E tiko tale beka eso na nodra vakatataro? Ena yaga dina beka me tauri vakalevu na gauna ena ivakavuvuli oqo?

Me veivuke ena Veivakavulici

“Na taro e dau volai tu ena papaloaloa ni bera ni dau tekivu na lesoni e dau vukei ira na vuli tiko mera vakasamataka kina na lesoni ni bera ni tekivu na kalasi” (Veituberi, Me iLutua ni Bula, 114).

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na nona nanuma me baleta na bibi ni ivalavala savasava kei na cava ena cakava me bula savasava tikoga kina.
Bolei ira na vo ni lewe ni kuoramu me na savasava na nodra vakanananu, ivosavosa, kei na cakacaka.