Vakamau kei na Matavuvale

“Sa qisia na Kalou me vakawati na tagane kei na yalewa me vaka ni suitu tiko ni nona yavu ni bula oqo na Dauniveibuli na tiko … vakamatavuvale, meda cokonaki kina ena noda ilakolako ki na bula tawamudu na Luvena vakayadua” (“Na Matavuvale: Ai Vakaro ki Vuravura Raraba,” Ensign se Liaona, Me 2017, 145).

Na idusidusi ena iwase oqo ena vukei ira na Matabete i Eroni mera kila deivaki na bibi ni matavuvale ena nodra dui bula ka vakakina ena ituvatuva ni Tamada Vakalomalagi kivei ira na Luvena. Na veidina era dikeva rawa ena iwase oqo ena vukei ira mera taqomaka na bula vakawati kei na matavuvale mai na inaki ca kei na veiraravui ni vunica. Na veidina oqo ena rawa ni vukei ira talega ni vakayacora na nodra itavi vakamatabete mera vaqaqacotaka kina na nodra matavuvale ena gauna oqo ka vakavakarautaka na vakatuburi ni matavuvale yalododonu vaka-turaga vakawati ka tama bula kilikili e Saioni.

Me vakayacori na iTavi Vua na Kalou me tiki ni soqoni ni kuoramu ena Sigatabu, sa rawa ni o vakananuma mo vakatavulica na idusidusi ni iTavi Vua na Kalou e ra ena gauna ni iwase oqo.

iTuvatuva mo Digidigi mai Kina ena Vula oqo:

• Au rawa ni vaqaqacotaka vakacava na noqu matavuvale?

• Na cava e bibi kina na tiko savasava?

• Na cava e bibi kina na vakamau ena valetabu?

• Na cava e bibi kina na matavuvale?

• Na cava e bibi kina me muri na ivakatagedegede ni Lotu me baleta na veigadivi?

• Meu na vakavakarau vakacava meu tagane vakawati ka tama ivalavala dodonu?

• Era veicokonaki vakacava na nodra itavi na tagane kei na yalewa ena matavuvale?

Muavata

Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawai ni iTaviqaravi ni iTabagone ni Lotu sa vakarautaki tu me vukei iko. E vuqa vei ira na itaviqaravi vakavuli ena idusidusi oqo era rawa talega ni na veivuke vinaka sara ena veitaviqaravi ni Muavata. Cakacaka vata kei iratou na mataveiliutaki ni kuoramu mo digitaka ka tuvana na veitaviqaravi matau e na vaqaqacotaka vinaka na veika era vulica na cauravou ena Sigatabu.

iTavi Vua na Kalou

Na veiwase oqo mai na ivola iTavi Vua na Kalou era semati ki na veilesoni ena tabana oqo:

“Qaravi Ira Na Tani,” draunipepa 26–27, 50–51, 74–75

“Kila Na iVunau,” draunipepa 18–20, 42–44, 66–68

“Matavuvale kei na iTokani,” draunipepa 79–83