E rawa vakacava niu vakavakarau oqo me’u na turaga vakawati ka tama yalododonu?

“Sa lewa vakalou, me ra veiliutaki na tama ena nodra dui matavuvale ena loloma kei na ivalavala dodonu ka sa nodra itavi talega na kena vakarautaki na veika me ra bula ka ra taqomaki kina na nodra matavuvale” (“Na Matavuvale: Ai Vakaro ki Vuravura Raraba,” Ensign se Liaona, Nov. 2010, 129). Sa rawa ni da vakavakarau ki na veitavi oqo ena noda vakayacora ena yalodina na noda itavi vakamatabete, vulica na ivakarau ni noda ciqoma na ivakatakila, lomana ka qarava tiko ena gauna oqo na noda matavuvale, vakayaco vuli, kei na vulici ni cakacaka.

Mo vakarautaki iko vakayalo

E vakarautaki iko vakacava na nomu veiqaravi ni matabete vakacauravou mo turaga vakawati ka tama yalododonu kina? Na cava tale o sa cakava mo vakavakarau kina? Na cava eso tale na ka o tatadrataka tu mo a vakayacora?

Na cava era sa sotakaya oti na cauravou ena gauna oqo ka na vukei ira ena vakavakarau mera na turaga vakawati ka tama yalododonu? Ena vakalougatataka vakacava na nodra matavuvale mai muri na nodra vakavakarau?

Vulica ena masumasu na veiivolanikalou kei na veiivurevure oqo. Na cava o vakila ni na vakaibalebale vakalevu duadua vei ira na cauravou o vakavulica?

Eparama 1:1–4, 18–19 (E raica o Eparama na veivakalougatataki e rawa ni ciqoma o koya kei na nona kawa ni tiko na matabete ena nona bula)

1 Nifai 2:1–3 (E ciqoma na ivakatakila o Liai mai vua na Turaga ena taqomaki ni nona matavuvale)

1 Nifai 16:14–32 (E vukea ka vakaraitaka na vakarokoroko o Nifai ki na nona matavuvale ni ratou a via kana voli ena loma ni lekutu)

V&V 42:22 (Me na dau yalodina na turaga vakawati vua na watina)

V&V 58:26–28; 107:99–100 (iVolanikalou ka vakamacalataka na bibi ni cakacaka)

Joy D. Jones, “Ai Tabatamata Dau Vorata na iValavala Ca,” Ensign or Liaona, Me 2017, 87–90

K. Brett Nattress, “Sega na Reki Levu Cake Ena Kena Kilai ni Ra sa Kila,” Ensign se Liaona, Nove. 2016, 119-21

D. Todd Christofferson, “Kemuni na Tama,” Ensign se Liaona, Me 2016, 93–97

“Na Matavuvale: Ai Vakaro ki Vuravura Raraba,” Ensign se Liaona, Nove. 2010, 129

Vidio: “Fathers Can Use the Priesthood to Bless Their Families”; “Earthly Father, Heavenly Father”

2:2

3:60

Veivakavulici ena ivakarau ni iVakabula

Na iVakabula a lomani ira, masulaki ira ka qaravi ira tu ga na Nona tisaipeli. E kila na veika era taleitaka, inuinui, kei na gagadre kei na veika e yaco tiko ena nodra bula. Na cava o bau kila tu me baleta na cauravou o qarava tiko? Na cava o rawa ni cakava me vukei ira mera na turaga vakawati ka tama yalododonu kina mai muri?

Raica me ra veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete).Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakayaloqaqataki ira ni wasea na veika era sota kaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Kerei ira na lewe ni kuoramu me ra wasea vaka-i-sa eso na ka era nanuma mai na lesoni ni macawa sa oti.
Sureti ira na lewe ni kuoramu me ra wilika na Eparaama 1:1–2 ka vola nodra dui italanoa ni tikina oqo, vakamacalataka na mataqali turaga vakawati kei na tama cava era vinakata me ra vakakina. Sureti ira kevaka era vinakata me ra wasea na veika era vola. Vakayaloqaqataki ira me ra vakuria ena gauna kece ni lesoni na nodra ivakamacala.

Vulica vata

Na itaviqaravi yadua e ra e rawa ni vukei ira na lewe ni kuoramu mera kila deivaki na iwalewale ka rawa ni yaco me ra turaga vakawati ka tama yalododonu kina. Mai na veivakauqeti ni Yalotabu, digitaka e dua se sivia ka na ganita vinaka na nomu kuoramu:

E rawa beka mo vakasamataka e dua na lesoni vakatakarakara me vukei ira na cauravou mera kila vinaka na ibalebale ni vorata na ivalavala ca? Me vakataka, mo kauta mai e dua na iviu kei na sipaji ki na kalasi ka vakaraitaka ni dua vei rau e tarova na wai kei na kena ikarua e gunuva na wai. E vakaibalebaletaki tiko vakacava na veivakatauvatani oqo ki na kena vorati na ivalavala ca? Sureti ira na cauravou mera vakasaqara na vosa nei Sister Joy D. Jones “Ai Tabatamata Dau Vorata na iValavala Ca” ka vola na veika ni ra sa tamani gone kina mera susuga cake kina na luvedra mera dau vorata na ivalavala ca. Ena rawa vakacava ki na veika era sa vola oqo me vakarautaki ira mera tagane vakawati ka tama ivalavala dodonu?
Sureti ira na cauravou mera vakasaqara ena vosa nei Elder D. Todd Christofferson “Kemuni na Tama,” na nodra ivakarau ni bula na tama yalododonu. Sureti ira yadua na cauravou me ra vakasamataka mada na gauna a vakaraitaka kina o tamana se dua tale na ivakarau ni bula e wasea tiko o Elder Christofferson. Sa rawa mo vukei ira na cauravou mera wasea na gauna oqori ena nomu sureti ira me ra droinitaka na veika era sa sotava era sa vakasamataka ka wasea na iyaloyalo ki na kalasi. Sa rawa talega mo vola ena vava ni volavola e vica na yatuvosa mai na vosa nei Elder Christofferson, ka laiva me lala toka eso na vanua e dodonu me volai. Sureti ira na cauravou me ra vakilakila na vosa cava me volai ena vanua era lala toka. Me ra na muria vakacava na cauravou na ivakasala sa solia vei ira o Elder Christofferson? (Me baleta na vakasama eso, raica na “Cakacaka ka Bula Rawati-Koya” kei na “Vuli” ena Me iSakisaki ni iTabagone.)
Sureti ira na cauravou me ra wilika baleta na tinai Elder K. Brett Nattress ena nona vosa na “Sega na Reki Levu Cake Ena Kena Kilai ni Ra sa Kila.” Na varaitaki cava e varaitaka o Sisita Nattress era na via vakamuria o ira na cauravou ena nodra vakavakarau me ra tama? Na cava e cakava o koya me tubera kina e dua na vuvale yalododonu? Na ivakaraitaki cava ni ivakavuvuli oqo era sa raica rawa na cauravou? Na cava era rawa ni cakava me ra muria kina na ivakaraitaki o ya ena gauna oqo?
Wilika va-kuoramu na 1 Nifai 2:1–3, ka ciqoma kina o Liai e dua na ivakatakila me drotaka na itovo vakasisila e Jerusalemi. Na cava era vulica na cauravou mai na ivakaraitaki nei Liai me baleta na tama yalododonu? Na cava e rawa ni ra cakava oqo mera bucina kina na ivakarau ni bula nei Liai? Kerei ira na cauravou me ra wilika na 1 Nifai 16:14–32 ka vakaraica na iwalewale a qarava kina o Nifai na nona matavuvale. A rawa vakacava ni veivuke na ka oqo ni vakarautaki Nifai ki na nona itavi vaka-turaga vakawati ka tama talega? Tarogi ira na cauravou se cava era sa cakava tiko ena nodra matavuvale ena gauna oqo me vakavakarautaki ira mera na turaga vakawati ka tama talega.

Kerei ira na cauravou me ra wasea na veika era sa vulica nikua. Era sa kila deivaki li na iwalewale me ra vakavakarautaka kina na nodra itavi vaka-turaga vakawati kei na tama talega? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me tauri vakalevu na gauna ena ulutaga oqo?

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Sureti ira na lewe ni kuoramu mera cakava e dua na ka me vaqaqacotaka na nodra matavuvale.
Wasea na veinakinaki esa tuva tu ka vakarautaka me na dua na turaga vakawati ka tama yalododonu.