Meu na kila vakacava ni'u sa saumaki vou tiko?

Na saumaki vou sa ka ni bula taucoko meda sa bula va-Karisito vakalevu cake ena Veisorovaki i Jisu Karisito. Oqo e oka kina e dua na veisau sega walega ena noda itovo ia ena noda gagadre, noda vakasama, kei na keda ituvaki sara ga. Oqo e dua na veisau cecere sara e vakatoka na Turaga me dua na sucuvou kei na veisau levu ni yalo (raica na Mosaia 27:25; Alama 5:14). Eda rawa ni kila ni da sa saumaki vou tiko vua na Turaga ena gauna eda sa sega tale ni gadreva kina na ivalavala ca, eda sa vakasinaiti ena loloma, ka da sa vakasaqara meda wasea na kosipeli vei ira na tamata.

Mo vakarautaki iko vakayalo

Na cava soti o sotava e sa vakatitobutaka na nomu saumaki mai? Na veisau cava o sa raica ena nomu bula ena nomu cakacaka vagumatua mo bulataka na kosipeli?

Na ivakadinadina cava o sa raica ni ra sa saumaki vou tiko mai na cauravou? Na cava era gadreva mera kila deivaki kina na saumaki mai?

Na ivolanikalou se ivurevure cava tale eso ena vukei ira na lewe ni kuoramu mera kila ni ra sa saumaki tiko vua na Turaga?

Inosi 1:1–19, 26–27; Mosaia 5:1–5; 27:23–37; Alama 23:6–7; Ilamani 3:35; 4 Nifai 1:1–4, 15 (iVakaraitaki ni saumaki mai)

Linda K. Burton, “Ira na Yalewa Yalodei,” Ensign se Liaona, Me 2017, 12–15

Bonnie L. Oscarson, “Au Vakabauta Li?”Ensign se Liaona, Me 2016, 87–89

David A. Bednar, “Saumaki vua na Turaga,” Ensign se Liaona, Nove 2012, 106–9

Donald L. Hallstrom, “A Cava na iValavala sa Kilikili kei Kemudou? ” Ensign se Liaona, Me 2014, 53-55

“Saumaki mai,” Tudei ena Vakabauta (2004), 112–16

Vidio: “Waiting on the Road to Damascus”, “A Mighty Change: Conversion”

Veivakavulici ena ivakarau ni iVakabula

Sa nuitaki iratou tiko na Nona tisaipeli na iVakabula ena ilesilesi bibi mera veivakavulici, veiqaravi, ka vakalougatataki ira na tamata. Sa Nona inaki me vukea na nodratou saumaki mai ena nodratou veiqaravi vei ira na tamata. Na madigi cava ni veiqaravi kei na tubu o rawa ni vakarautaka me baleti ira na lewe ni Matabete i Eroni ko vakavulica tiko?

Raica mera veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou), vakayaloqaqataki ira mera wasea na veika era sota kaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vulika

Digidigi mai na veivakasama oqo, se vakasamataka ga na nomu vakai iko, mo raicalesu kina na lesoni ni macawa sa oti ka vakatakila na lesoni ni macawa oqo:

Kerei ira na cauravou me ra wasea e dua na ka era bau nanuma mai na lesoni ena macawa sa oti. Na cava na vuna e guilecavi dredre kina oqo vei ira?
Sureti ira na cauravou mera vola na veika eso e dau curuma na veisau ni toso na gauna (me vakataka na sorenikau me yaco me vunikau se dua na luve ni boto me boto levu). Era na vakayagataka vakacava na veika oqo mera vakavulica eso me baleta na saumaki vou?

Vulica vata

Na itaviqaravi yadua e ra ena vukei ira na lewe ni kuoramu mera vulica na veika me baleta na saumaki vou ka kila na ivakadinadina ni ra sa saumaki vou tiko vakai ira. Mai na veivakauqeti ni Yalotabu, digitaka e dua se sivia ka na ganita vinaka na nomu kuoramu:

Sureti ira na cauravou me ra vaqara na nona vosa o Sister Linda K. Burton “Ira na Yalewa Yalodei” me ra vaqara na nona ivakamacala ni “yalewa yalodei,” ka vola na cava era kunea ena papanivolavola. Na cava eda rawa ni vulica me baleta noda rawa ni tisaipeli vinaka ni iVakabula mai na nodra ivakaraitaki na marama ena vosa nei Sister Burton? Kerei ira na cauravou me ra vakaotia na “Vakaraitaki ni iTaviqaravi” ena Vunautakai noqu Kosipeli, daruni pepa 126, ka raica vakatitobu na kena sa vakatorocaketaki vakavinaka na ivakarau Vakarisito. Na cava beka era rawa ni cakava me ra “tagane yalodei” era taura na ilesilesi bibi me ra tisaipeli i Jisu Karisito?
Ni vo toka e vica na siga, sureta e dua na lewe ni kuoramu me gole mai ki na soqoni ni kuoramu me mai wasea na gauna a tauvi mate bibi kina o Ethan na luvei Michele Carnesecca, e tiko ena vosa nei Sister Bonnie L. Oscarson “Au Vakabauta Li?” Sa rawa mo vola na taro “Au vakabauta li se sega?” ena vava ni volavola. Sureti ira na cauravou me ra vakasamataka vakatitobu na taro oqo ni ra wilika tiko na kuoramu na ivakamacala nei Sister Oscarson baleta na veika eda vakabauta. Ni sa oti na soqoni ni kuoramu, solia na gauna vei ira na cauravou me ra cavuta na nodra ivakadinadina baleta na ivakavuvuli ni kosipeli era vakabauta e tiko ena vosa oqo. Era sa vakabauta vakacava vakai ira na veika oqo?
Vola na vosa saumaki ena vava ni volavola, ka sureti ira na cauravou mera raica na vosa kei na malanivosa eso ena Mosaia 27:25–26 ka vukei ira mera kila vinaka na cava na saumaki vou. Sureti ira mera veivosakitaka na veika era sa vulica me baleta na saumaki vou mai na vosa kei na malanivosa oqo.
Sureti ira na cauravou mera digitaka e dua na vosa e vakarautaki tu ena ituvatuva oqo, wilika e dua na kena wase, ka vakayagataka na kena itukutuku me caka kina e vica na posita ena sauma na taro oqo “Au na kila vakacava niu sa saumaki vou tiko?” Kerei ira na cauravou mera vakayagataka na nodra posita kei na vosa era sa vulica mera veivakavulici vakaiira me baleta na saumaki vou.
Sureti ira na cauravou mera vulica na “Saumaki mai” ena Tudei ena Vakabauta se na ivolanikalou ena ituvatuva oqo ka vola na taro eso era na tarogi ira kina mera veidutaitaka ni sa gumatua tiko na nodra saumaki vou. Solia e dua na gauna mera wasea na lewe ni kuoramu na veika era rawa ni okata ena nodra lisi kei na vuna. Vakayaloqaqataki ira mera vakasamataka vakatitobu na sala mera sauma kina na taro oqo.
Vakaraitaka e dua na vidio mai na ituvatuva oqo, ka sureti ira na cauravou mera wasea na veika era sa vulica mai na vidio me baleta na saumaki vou. Tukuna vei ira na lewe ni kuoramu na veika o sotava ka a vukei iko mo saumaki vagumatua cake kina, ka sureti ira mera wasea na veika era a sotava.

Kerea na kuoramu me ra wasea na veika era sa vulica nikua. Na cava era sa bau vakila se nanuma? Era sa kila vinaka beka na sala mera kila ni sa saumaki vou tiko na nodra bula? E tiko beka eso tale na nodra vakatataro? Ena yaga dina beka me tauri vakalevu na gauna ena ulutaga oqo?

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na nona nanuma me baleta na bibi ni noda saumaki vakalevu cake.
Sureti ira na lewe ni kuoramu mera digitaka e dua na ka bibi era na cakava me vakatitobutaki kina na nodra saumaki vou.